Puonj Mag Baba Simeo

1 Ng'ato ka ng'ato, mondo olos arus mare maler mondo uyud sacrament e nyim Nyasaye, Kama ose golie kidokie to wachni. Jolegion Maria piny ochung' marach ndi. Ang'oma chamou? An adwaroni mondo ng'ato ka ng'ato onwang' sacrament pile pile. 2 Masira biro mang'eny to ubiro bet nade ka ok uyud sacrament pile pile – majiwo chunyu? Kiawa ananeye! Ero un to umer e pinyni. Anto an wuod dhano. Da ni onge an, jal ma uparono da uwinjo puonjna. 3 Jopate mondo gi ng'ii joma otimo kend mag anjawo mondo jomo timo kend mag anjawo kamago mondo ochunggi nyaka jonyuolgi. Nyako mokend gi kend anjawo – ichunge gi min gi wuon. Onge nwang'o sacramit kuomgi. Dichwo bende kamano. Ichungo min kod wuon. Onge ! onge nwang'o sacramit kuom gi. Ginie andhoke Ruodhwa – koro mondo ineye e chunyi gi Nyasaye in ka iromo donje polo. 4 To ka mogony mowuokie lwet wuon gi min, wuowi bende ogony e lwet jodalagi maber - ma gitimo nyombogi ka kilisia ong'eyo, gin to ginyalo yudo sacramit nyaka chopi gi nwang' matrimanio. To mokawore kikuo to onge yudo sacramit. Ng'ama omedo dhako kendo e Legion kae, kata mokawo chi ng'ato – ka en Padri, Bishop, kata in Cardnari to ikawo chi ng'ato, kata medo dhako machielo! Oyweyo mondi. To kosomo Misa gi thuon to mano wachne. 5 Adagi nyithind wuora. Wich teko omiyo aneno ka kaji mang'eny wang'ie mach, weuru wich teko. Winjuru puonjna.

6 Ng'ato mano lewne Presdium chieng' tich adek kata Jumamuos – mano pok oluwo yor polo – mondo ukwane chuny jok maneno lewone Presdium pile pile – kik gilal. Remba osechwer mang'eny mana kayiem nikuop un to koro an aaye mana nono lii makata od kidi moro motegno onge, awuoro. 7 Adwaro ji duto dhoudi - Kikuyu, Luo gi Wakamba to nyaka Baluya gi dhoudi tee mondo obi wariw dhok achiel mondo wagedi. Ero awinjo ka uhato wach ni Cardinals chamo pesa koro wang'ni miya uru pesa e lweta mondo une tichna. 8 To yawa ka bende en mana miriambo ni uhango ahanga – muma ochamu. Mae ema omiyo Jatelo bende kihatone wach kayiem nono – to iye nyalo wang' mokuong' pinyno mawuo nono ka piny Sodoma gi Gomora. Moko bende olokore jokuoye ka. 9 Aparo ni an nene agolo register mar lemo ok mar Siasa kod chode gi kuo, miriambo. Ni kata iketho jatichna to ni ok awachi! Ni mondo aling' aling'a! Dhiuru nyime. Komani abiro weyo ne Papa abiro nene ka nonyale. Piny mangima Uganda, Tanzania, Kenya biro ka ywak ne Papa ahinya. 10 In Cardinari Chiaje chak nyise weche gi chon obed motang', an ema Jo Legion Maria oluora to ka biro tho to Papa biro ringo komno. 11 Nyisuru Papa onogono mondo osom chikena mag Legion Maria, to kong'eng' to obiro neno gi wang'e. Weche ma uneno awacho katugogi, muchayogi, ubiro yie ni awacho adier. Ubiro ywak ni un dak ne onyisu chon mondo ung'e. Papa Biro weyo wechena obiro chako gero thurgi gi pesana, an to obiro weya ka achandora kendo ka koth goya. 12 Nitie ondiegi moko mong'amo dhogi kae, girito mana ni mondo atho awene gi Legion Maria, gichak sere mon, gichak chame pesana kendo gi biro chako kedo gi Papa, kagi hoye mondo gihinye. Kendo Papa biro kawo wechegi ni beyo to mos mos ginichak kedo kode. Jodongo mag Legion Maria nochak gore kendgi, onge manowinj wach Papa kata achiel to nikech oweyo chike mane aguro. 13 Papa biro weyo jotijena e chandruok, to enokaw jomoko nono ema nobedgo to gikone jogo notem manyaka hinye. Adier adier anyisou, kata Yesu bende kane idwa dhi nego, nene oluongo jootene nonyisogi weche duto manyaka jandhokne mane ondhoge. 14 Ema omiyo an bende anyisou ni ndalo osechopo kaka nene Yesu owacho. Jogi nene ogoya mohinya, anyalo tho saa asaya. To kaling' kod wechegi to bura nyalo betie wiya ni Simeo dakne inyisogi wechegi. 15 Nyisuru Papa ni koweyo jatichna achiel molal! To none malit moloyo, to ok obing'eyo kuma litno owuokie. In Chiaje kik iling' kod wachni, nyise mondo ochak tang' chon kapok ondiegigi ochopo etiende, to kiling' to inine gik ma awachogi gi wang'i.

16 An Simeo Melkio ji ochayo wechena ahinya kendo kata aloso to onge ng'ama winjo. Bishobe, Cardnache biro lokore ondiegi lilo. Gibiro chako kedo gi Papa. Gibiro chako kedo kode manyaka gine ni giloye bang'e gibiro chako gore kendgi ka gilaro kombe, mon kod pesa. 17 Gibiro miyo Papa fitina mondo oriemb nyithinda gi Pate moko e Kanisa. Nyithinda biro ringo tee, obiro dong' kod ondiegigi mabiro tiye tich Jachien. Achien eka nomany jok manoriembo mondo oduogi to onge ng'ama noduog kata achiel. 18 Ero anyisou ka pod ber ber, mano emomiyo gik mane amiyo mondenago kik ng'ato maagi kata achiel, mago ema nokonygi. Ng'amo winjo puonjnagi Nyasaye nomiye tich mano konye kapod enie pinyka. 19 Mano ema omiyo wuod Sewe ni, opunje driver en ema obiro riembo Cardinari Chiaje kata Papau no bende onyalo riembo, kata an onyalo riemba kapod angima to koyudo kase tho, enoriemb Geche madhi Kisumu-Nairobi.

20 Dalmas Oyier. Cardnari Chiaji, kik uling' kod wechegi Nyisuru Papa kendo ukee barupe e piny duto mangima kinyisogi wechegi mondo giwinj gima awacho. Adier adier awachonu, ng'ato ka ng'ato biro lemo e ode. 21 Pesa ma ularo kagi ok ubi yudo. Pate, Bishobe biro chamo sadakana tee kachiel gi jokombe. Nyithi kiye biro sandore, joma mon biro chodo tee, nyiri biro chodo tee, moko bende biro tedo ne jokafiri. 22 In Dalmas dhi bed piny mos kod Papa mondo ipimne wechegi. Oyie owinjre kod Bishobe gi Pate duto kod Jo Legion Maria duto. Aweyo kase losone gik moko duto aweyone tijena, Karendena duto enobed mage to koriembogi to weche mang'eny nobaye. An aol kod koko mag Bishobe, adwaro mondo Papa bende owinjie kokono. Kakoro sani mapod angimani ema gichaya ahinya kendo githuwo wach mondo agol Papa aket moro to ka atho to? 23 Lemo kende ng'ama olemo matek Nyasaye nopare. Ero giwachoni atamogi chano tich maber, abiro weyo mondo anee ng'ama biro manorie Legion Maria. Komni liet sawa sawa obiro wang'o Papa zaidi. 24 Chode biro medore e Legion Maria kendo Pate, Bishobe, Cardnache biro chodoe moloyo. Papa ok bi neno pesa gi wang'e. Legion Maria biro pogore e diere tir.

25 Dalana ma Jerusalem biro dong' Gunda, Got Kalafari nobed mokuyo ahinya nikech Jo-Legion Maria ong'anyo e pesagi. Kendo Pope nowe dak Dalana enodhi thurgi kendo enochak gero thurgi to oweyo Dalana gunda. 26 Adier adier gik ma uneno awachogi notimre, mago notimre nikech udagi winjo wechena. To ka unyise wechegi chon to enokonyre kendo onyalo riwo Legion Maria. Wechegi Baba Messiah ne owacho e od Mother Josphine Adhiambo, Jerusalem Amoyo tarik 09/11/1989 kochakore saa 9:45pm nyaka saa 11:41pm. Joma ne nitie kanyo ne gin Sister Margret Odongo, Mother Hellen Anyus kod Elizaberth Akinyi kod an jandiko wechegi Accolyte Peter Juma Sewe.

27 Ne aneno ng'at moro gotieno to ng'ano opuonja mondo apuonju ni kuonde ma uwuothe ubed motang' kuom chiemo achiema oyuma. Ka ng'ato miyi chiemo to nyise ni mondo omiyi kata shs.2/- mondo idhi imadh go nyuka. Chiemo mitho chiemo achiema,ema kelo thoo mang'eny. Pii nyaka uchwaki machiegi maber eka umodhi. Jojuogi ose ikore mar iro nyithindo nyaka ukonygi.Tuoche biro mabiro nego ji ma onge yadhe, mabiro tieko ji kendo ji mang'eny biro diewo ahinya chwakuru pii ma umodho.

28 An Simeo Melkio an ema ne ayiero mondo Pope obed jakonyna ka Nyasaye ooma. To anyise mondo orit gigena maweyo; gigena gin nyithindo ma kiye, mond liete kod gigena maweyone. To kaka apimo anyisouni onge gima nolal kata achiel. Aseneno en kod ukabila obiro weyo nyithinda duto obiro chako gero thurgi koparo ni koro odong'ie loch, to abiro tieke ka okia. 29 Legion Maria en mara awuon anie makelo kod Minwa, pod an ema achike to Nyasaye biro yiero ng'ato manorite maber. 30 To Papauni ok ane kabiro rito dinnani, en kod ukabila marach ohero Jothurgi moloyo jomoko. To ok rach, nene akwero Mama ni kik wire, to Mama ne owachoni chenro mar Nyasaye ok kethi! Chunya gombo mondo obed buta mondo apuonje to odagi bedo buta, oneno ni en ruoth yore. Mano wachne. Gik mobiro timo nokethre duto! Nyasaye iye jawang' nyalo tieke marach. 31 Nyise uru koyie ochak chon obie tienda mondo anyise kaka obiro rieyo dinnani. un kata aoru ire to atimo nono, onge gima obiro winjo kata achiel. Awinjo ni tinde ohero mana Jothurgi, ok rach. Jatelo nyaka bed ng'ama ohero ji duto. Justina gi Siprosa gigeu masemiyou makuru gi lwetu ariyo, mago e hapu. 32 An Simeo abiro dhi gi lweta nono. Ibiro sandou sawa sawa. Ubiro chandore to gikone unune maber, gima notimu onge bende un ema nukony Pope ka koro idwaro nege. Anto aneno ka ndalona oromo. Jogi nene ogoya mohinya. In wuod Sewe dhogi lew lew kigolo weche gi piyo to ibiro negi to ok adwar nitho, anie makuongoni.

33 An wuora mae polo ema ne oora, an gi Mamana Bikira Maria, Nyasaye ne oketowa ewi Lihudu. Yawa gino ne poth miwakier ne aridora nyaka piny mar Kano ei Awasi - Watombori, Angoro. Naluar edier yien. To ne piny otimo luoch. 34 To Mama na nokier nyaka ei nam Victoria kama iluongo ni Nam Gumba. 35 To Obimbo ne oyuda gokinyi ka koth nyidho. Ne pod atin, ne anie tiend Lihudu. Ne okawa motera e dalane. Ema chiege nopenja ni In nyathi ng'a? To ne anyise ni akia wuora. Kendo ne openja ni "Nyingi iluongo ni ng'a? To ne anyise ni "An e Ondeto". Nimar ne an gi gwonyo mang'eny miyo ne ahero gwonyora ahinya. 36 Koro negipidha ne an kaka nyathigi, ema omiyo ber mondo urwak joma ukwanyo e wang' yore. Koro wuora ne ohera ahinya. Ema ne gineno ka watugo gi nyithindo wetewa, ka ne wachweyo gik moko molosi gi lowo machalo Dhok kata Winy kata Rombe to maga maloso to ne atero ne wuora ma Obimbo. 37 Kaloso kido mar winyo to ne aterone to komako to dum huyo. To Dhok gi Rombe to e ywak, to ne buoge. Koro ng'ato kaka an bende gigo ne buoga nimar nakia gima omiyo timore kamano.

38 Kane aromo ja higini 12, nadhi ei mission mane omiya e baptism ni Simeo. E ka gotieno ka nanindo to Nyasaye nomiyo Isaac gi Franciscus Rosari marachar mabor emane gipuonjago lemo. 39 Kane an jahigi 16 ne awuok adhi kapango adhi andiko tich lweny kuom Askach jorotenge miluongo ni Jobungu. Ne en lwenj joratenge gi wasungu to an ne adhi gi Lisari Maracharno Ne ang'awe ng'uta ka to ka adhie hotel to koro achiemo kata gi jotend lweny mag Wasungu to ok ging'eyo to kaaye kanyo to andiko negi baruwa aweyo negie mesa kanyo. 40 Aye koro ikawo matokini gigo gi chako manya to ok gi yuda. Yawa luor uru Jomo Kenyatta, en bende ne wan kode. 41 Ka ne wuora oora e od Kingi Ulaya kumane aome luth mar duong' kuom dhood Juda wuod Jacobo, Ema aye abiro achake bura mar golo Jorochere e pinyni Eka lweny ochakore mar Mau Mau, To an ne Jo-Lweny go luonga ni Dedan Kimathi. Jowadwa Wasungu nosanda malit mana kar Jesu mi gitweya mi ginega. To jaote to ne gikia. 42 Ema ne adhi ir Melkio mi onena mi otoye mana ywak. To Ludivicus gi Baesathar to nonyiero. Kuno ema ne warome gi Vitalis Okelo e yor Harmus mi en be wuora oore nyaka e piny masira kuma inege ji. 43 Bang' mano ne adhi andiko tich mar askari Polis to ka nomiya msara to an bende apogo ne jochan. Nimar an ne ok adwar kuo ka gin mane gimako ji gi kong'o to gichako gimadho kong'go giwegi. Adier askari en gi wang' ma onge ng'uono moro. Aye ne gigola e tich. 44 Achako andiko tich kendo mar askari Jela kanyo bende ne atamora miyo mabus tich matek kendo ka ne ogik saa auchiel ma ji dhi chiemo ne gidhi chiemo koda. Mano bende nomiyo gigolae tich.

45 Ema Maria nonyisa ni "Abiro gi Nyiri adek mabeyo ma ji nonegre ka girwakore gi lep gilweny moa Gloria (Jokoro, Pate, Bishobe). Ema ne awuok kadhi e piny Karachuonyo ema ne adhie dalamoro mayudo dhako moro moti miluongo ni Elizabeth ma wayi Bikra Maria ni mondo onyisa kuma adhiye. 46 Kane pod adhi nyime gi wuoth ne ok ang'eyo kuma adhiye mi ne alal mi wuoyi moro ema ne okwanya.To ne otera k'ooro. K'ooro kanyo natiyo tij dala nimar wuowi no ni luongo ni Ka-Jamoko to nodwara kamisumbane. An bende nayiene mondo otera Kanyamkago abed misumbane. To jagono ni iluongo ni Anton Ooro. 47 Ne waromo gi Vitlis Okelo e yor Armus ma en bende wuora ne odwaro oore piny masira kama inege ji. Ne oore gi teko mar golo juogi. An bende nadhi mondo omiya lwedo ka ne osegolona juogi aye adok Kanyamkago. 48 Ema ne adhi lemo ewi Got moro miluongo ni Nyabinga to ayudo kuro Pet Kich mantie picha mar Maria kod Elizabeth to ediere tir nondike ni Legion Maria biro chakore e higa mar 1961 to nobedie nyaka giko piny. (Glori vivamus Domine), E kom mar messiah Simeo of Santa Maria Legion.

49 Ka aye kanyo to achako adhi andiko tich mar daktari. Ka naneno kiyang'o ng'ato ne adhawo gi Jayeng'ono ma achungo ng'atno ma jogo otimo mirima koda an bende mirima omaka, koda wuora mae polo bende odagi. Kata Maria min Yesu bende mirima omako kochung'ie dier nam koneno kaka nyithinde chamore kendgi to ok nondik kamano. 50 Ema ne gipenja ni "Watim ango? Waketh piny koso?" An ne ayiene nimar ne aluoro tho diriyo kendo gi gur. To Mama Maria ema ne owacho ni "Wamigi yath to ka gidagi yadh yie eka piny nokethre gi mach. 51 Eka aye wuora nene onyisa ni nyathina Simeon dhi Suna inine Got moro miluongo ni God Kwer enie god hawi mane ondiki gi dho Jonabi ni enie god Jehova. Nobedi eyembe tunge piny ang'wen. Nolemie ka ji orwakore gi lewini marachere kod rusache maboyo boyo.

52 Ema aye adhi Nyandago penjo wach Legion Maria. To kane adwaro penjogi to ne giluonga ni jachien. Kane Mamana be odhi dwaro obatisim to negiriembe nikech pesa kendo giyanye ni oti ochal jachien, koro iriembe ariemba. Mano ema omiyo Legion Maria owuok oko nyithindwa. 53 Kik udwar pesa, pesa nomayo Wasungu hawi. Kaaye to nadhi kama iluongo ni Aora Kuja Nanyono kidi ma lith tienda korachich odong'ie. Eka oganda kane oneno gima otimore ne ochako kedo koda ni wuora omeda hawi, bang'e ne Vitalis Okelo owuon bende ne opiem koda eka amaye teko. 54 Koaa kanyo to ne odhi ondhoga gi Padri mar Mission moluongona Polis mondo omaka, mano Nyandago kopere (Japadrino ni iluongoni Odongo Nyonge). Mano nyinge mane ji nomiye kaluworegi timne moro.

1 Jopolo wacho ni Padri obed kar kende, Jokrestus obed kar kendgi kik ginyuandre kode machiegni. Padri mawuoyo mang'eny onge nema mogundho. Yaye nyithi Nyasaye beduru mamuol ka jogo moyier majotich Ruoth. 2 Oganda Jodolo losuru kilisieche Nyasaye maber nimar dhako ma mikayi orito pacho maber ni chuore. 3 Wechegi Jadolo ma ok oparogi maber enobed bura kuome. Oritu oganda Legion Maria jo Ararat bende omosou duto ni oyawore uru nyithind Nyasaye, hap Nyasaye Wuon, hap Nyasaye Wuowi, hap Nyasaye Chuny Matakatifu, obed kodu higini gi higini. Amen.

4 Yesu omoso oganda mag Legion Maria ni Oyawore uru duto Jo-Legion Maria Messiah wachoni nachako wuoth kadhi thurwa Ararat winjo bura mar Presdium mar Legion Maria duto tee. To ayudo sikunde apar gariyo kende ema timo Presdium motegno to jo Ararat penjoni to sikunde mamoko odhi kuma nade? Ere nyingegi? 5 Nyithind Nyasaye kana winjo kamano ne ayudo wichkuot to nimar ang'eyo ni an gi Pate, Bishobe gi Cardnache bende an go. To ka ng'atma ok ochung' maber e Presdium mar Mama ok nodhi kuma entie adier ok awuondou. 6 Kata ibed mana jaluok lweta machiemo go e tawo achiel to ka ok ichung'e Presdium mar Mama kendo ka ok imako buche Nyasaye ok nine mor mosiko. Wachni agole githuon nimar usejoga gi nyuandruok kata abudho gi jopolo to gi penja mana wachu. To nimar asepuonjo mang'eny, ahulo buche duto onge maweyo kata achiel.

7 Kane pod ok oketo Mesa e wi Got Calvary Bikira Maria ne okwayo nyithindo ariyo, mawuoyi kod manyako. Mokuongo nene ogolo mesa ka ringo e nam gi nyithindo ariyo kagiluoro piny mangima. Bikira Maria ne oluoro piny modhi ochung'ie dier nam chula gi nyithindo ariyo. 8 Kit mesano ne en mesa moluorore "(round)". Kane magi duto pok otimore to Mama nene okelo lek ne Silvester Okweto konyisego kit Mesani. Okweto nene oneno ka Mesani luoro piny kendo modhie ochung'ie chula mei nam kod nyithindo ariyogi. 9 Bang'e Okweto kane oneno lekno gotieno nogoyo koko ne ji duto ma dhano duto noidho Got mondo giwinj lekno. Kane gise winjo wachno ne gidok magiling'. Gini kane otimore ne oyudo ka Mama osegoyo ligala ewi got. 10 Sama ne Mama goyo ligala hono moro ne otimore mane omako dho ji nono ka yiend madhare ne ji opoyo apoya kotur kendo ong'adore nguso kendgi. Eka jomaneni kanyo owacho ni, "Dhako ogoyo Ligala kende ka Oganda Malaika konye Goyo Ligala ka gi ngado nguso gi teko Jopolo."

11 Wachni notimore ka ji duto oseidho got kendo jomoko nene odhi mobet kanyo gi nyithindgi. Kanyo ema ne Mama ne ochako kwayo gie nyithindo ariyoka mondo omiye oritne Mesano. 12 Nokwayo Sister achiel miluongo ni magdalina mane oyie ogolo nyathine miluongoni Anjelina. Mano e nyathi ma nyako mano chako timo presdium mokuongo. 13 Mama nochako okwayo nyathi mar ariyo bende ma nyako, ne omiye nyathi miluongo ni Marselina Oselu mane nyar Gilbertus Otuoma Nyathini ema ne ting'o kom Mama mar bedo. 14 Mama nene okwayo kendo nyathi mar adek mi nomiye nyathi madichuo miluongo ni Owiti. Nyathini ema ne chiwo yath mar Mama kar thieth. Kane Mama osetieko weche gi duto ne oluongo Romanus Ong'ombe monyise niya "Asekwayo dhako wadwa nyathi atimomarach koso?"15 Wachno ne obuogo Romanus Ongombe nimar ne okia tiende to Ong'ombe ne owachone ni mago gin nyithindi. Koro Mama ne omako lwet Ong'ombe ma ogolo Ong'ombe oko, ne okone Ong'ombe ni, "In bende adwaro ni mondo imiya nyathi". 16 Ong'ombe ne opako ahinya ma en bende ne omiyo Mama nyathi ma ne toto misane ma ne iluongo ni Joseph Ojwang'. Mama ne oduoko ni kamano e kaka nadwaro. 17 Koro toto misa Joseph nobedo ja Presdium kod Anjelina Ginie nyithindo mane okuongo timo Presdium ewi Got Calvary Mano e chakruok Presdium mar Legion Maria e Africa. Wach machielo Joseph ema ne ting'o Dag Chikruok miluongo ni Limo Bikra Maria. 18 Anjelina ema ne chako katena mar aksio kamano e kaka Mama ne dwaro.

19 Nyithindo ariyo go, nyathi manyako ema chako Katena ka ogik e midhiero mar adek to gichungo giduto ka giluoro Mesa. Ka ogik kar waringo wabiro iri, to giling' eka igolo sadaka mar Mama mano bende e kinde ma Japuonj bende gole fanjili mar Bikra Maria. 20 Kamano oserumo, gitero lemo mar waringo wabiro iri, eka bange nyathi ma wuoyi tero Litania mar Bikra Maria. Ka Litania oserumo, to mano lemo orumo chuth, koro Japuonj luongo nying ji tee. To chieng' Jumamuos mokuongo mar dwe itimo Rosari kar Katena kod Missa ka Padri nitie. Chieng'no bende gitimo kamano kuom luoro Mesa. 21 Ka ogik kar waringo wabiro iri, to giling' Padri chako missa matakatifu. To ka ogik kar Credo, Japdri ling' gikanyo, orito nyathicha tero "waringo wabiro iri"gi ji . Kosetieko to Japadri chako wero Credo. 22 Bangé' ka padri osetieko Missa Matakatifu mar dwe to Rawera mawuoyi chako Litania to kose tieko, Japuonj chako luongo nying ji. Mano kogik kanyo to Presdium orumo. Kamano e kaka Bikira Maria dwaro mondo watim Lembe.

31 Oyawore uru duto Jokristuswa chikuru itu uwinj puonj gi wach man tie ei kitabu. Dhako mar ariyo mimedo ei Legion Maria ka to adagi, ka in Jabiskop motimo kamano moloyo we miyo ji konfimasio, kata orodini, kata sacrament bende kik icham. Ka in Japadri to iwe somo misa, kata miyo ji sacramit agoyo marafuku. Kayudi to atweyi kuom Serikal. 32 Ng'ama medo dhako mar ariyo ariembe, adagi chuth. Kendo ji duto one kise riembe mokwongo, eka nicham hostia matakatifu. Gima utimo Jokresto mamedo mon go, utimo tim achaye ma Nyasaye odagi kata ei kitabu mar Catholic, pok usomo koso wengeu odinore ukia somo? 33 E Catholic iriwo matrimanio kod mon adi? Mano mondi ema apenjou mokwongo.Wuothuru kata ei kilisieche mag Catholic duto mondo uyudie mon apar duto kiriwogo matrimanio: ok mana dhako achiel ma in ema ihango koso apenjo? Kata ei achemes (CMS) iriwo matrimanio kod mon adi? Ma apenjou duto. 34 Koso udwaro loso din maru uwegi minyuome mon odiechieng' gotieno? Jogo matimo kamano od Mama to ok ununyon gi tiendu…. Akwerou. Ok unudonjie akwerou chuth.

35 Manyuru kata kalatas mar Papa ma Roma mane Petrus oweyo e Roma kanitie nyuomo mon ariyo mondo ang'e kawuono? Mano ema apenjou mondo ang'e kawuono? Kaluwore kod chik mar Yesu Kristo. Yesu Krestu nowacho ang'o ei kitabu mokuongo? Pate noyawnegi nyombo…. 36 Yesu owacho ang'o ei kitabu mokuongo? Ok nakelo lemo mar chode to nakelo lemo madiera, uwinjo uduto…Kenya, Uganda, Tanzania kuonde duto. 37 Ok ne akelo lemo mar chode.Timbe maricho to ok adwar. Pate duto moseketho gi kawo monde ji, osegogi marafuku te kod Bishobe mosetimo timbe maricho go duto marafuku. 38 Ng'ama otimo kamano kik ochandre ni oluwo bang'a. Ochak chon owe luwa odhi omadh kongo kod monde ji go, mano kende emoromo. Doguru umadh kongo. Ok unu ne ler ngang' kuom Nyasaye un joma ose timo timbe marichogo. 39 Kata in cardinari mose timo timbe maricho go duto, marufuku. To ka utimo timbe marichogo to unu ne mana mudho kende ok ler mar Nyasaye. 40 Jodolo mag Legion Maria duto ma wasumbini mapok oriwo matrimony ok atamo gi nyombo ngang' to adwaro mana matrimony maler. Ok chi ng'ato kata dichiel to mana nyako ma in iwuon ema ihangori godo. Mano e matrimony maler madwaro. 41 Ok adwar chode, anjawo, gombo maricho…. Unjawogo Sanctuary mar wuora, onge medo dhako, dhako achiel maler mar matrimony…Nyasaye to ok unune gi wang'u … akwerou chuth.

42 Ana chiem kodu e mesa to ok unu ng'eya. To kinde giko piny ji mang'eny nolam thuonde ni e Nyasaye madiera. To joma notim kamano nochom mach tee. To mondo ng'ato ka ng'ato owinj Jatende. To moloyo uherru mondo ubedie achiel. 43 Jokresto kik cham ring'o chieng' tich abich matakatifu. Kotimo kamano to tiende ni oguro Ruodhwa nyadiriyo e Musalaba kochaye.

44 Oyawore uru duto! Oyawore uru duto nyikwa Abraham! Kata jokristo ma ok ong'eyago, ka gin bende giwuok koda marach to ana kuong'gi nimar gin ema gise piem koda. Kuomu anabi ka ng'at mofuwo marach mabiro bedo misumbau nyaka thona. 45 Ogunia mana rwaki en ogund mogo. Ana wuoth kuomu kendo ok ana fwenyra nyaka chopi thona. Kata da awach ang'o, to Yesu owuon ok nofwenyre nu. 46 Adier adier awachonu, unumor gi timbe mag dwanyruok ka uweyoni un kendu to kara an bende antie kindu. Mano Jesus owuon ema twak kod dhoge. Jowadwa ok abiro mar wuondou, to abiro mar thiedhou mondo uchangi. 47 Anie Ruoth Kristo molor oaye polo kobire pinyka. Anie chunye kendo un bende e chunya. An ne ok abiro ketho chikeu mag piny to abiro mana guro wechena mondo odhi kare. 48 Kane alwarie piny masira, unubed jochung'na to abende anabed jachung'u kanyakla kod joga mane alor godo ei pinyuno. Ng'ama ochayou ema ochaya kendo ng'ama owinjou ema owinja. 49 Biuru mondo ateru kawuora kama antie nimar en pacho maonge Olwenda, kata wich bar. Ng'ama nomadh remba kendo chamo ringa noyud ngima manyaka chieng'. Biuru ira mondo amiu pii umodhi, anie Soko mar Jakobo. 50 To anie wuod dhano, ne ok akelo kwe e piny to nakelo mana mach kod Ligangla. Nyasaye e wuon gik moko duto.

51 Seche migolo Jachien kitere mach maok tho, Jachien wuok saa ang'wen ewang'e. To kuom teko Nyasaye iriembe. Jomaricho mane okuong'ore nobed mabeyo, to Jomaricho ma ok nokuong'ore nobed marach moloyo. Onge ng'ama nong'e giko piny kata kodong' higa manok. 52 To Yesu en Nyasaye madieri, jogo duto mane osin kod wuod dhano, gini bed ma onge kwe ei polo, to jok mane ok osin kode nobed kod kwe higini gi higini, Amen. Yoo madhie polo otimo gode, otimo pedo, otimo Kuthe. 53 To ka ichako wuoth madhiye polo, en wuoth mararieya, iwuotho ming'eng! To bathi koni gi koni to otimo bungu. Wuod dhano nobi ka mil polo..., Oselor en e piny. 54 Jowadwa, wuod dhano oselor wuotho kodu e pinyka. Kendo piny nochak sin kodu ka giwachoni ma en lemo marach migoyeji, kendo gini yany lepu maboyogi, to mano e lemo ma wuod dhano wuotho eiye. 55 Apenjou kama, donge tinde uchiko misungu koso kitabu dang' wuondwa? Omiyo lamuru Nyasaye matek. Hapu duto mane misungu omayou an go. 56 Nyikwa Adam, chikuru itu malong'o, awuoyo kodu ei kitabuni. Chieng' mano ban piny ka kalatas, eka piny enobed malich ne joma odakie pinyni. Ng'ato mong'eyo ni osetimo marach, oparre, bura nomake. 57 Yesu Kristo nowacho niya, akuong'o pate mandhoga ka gombo pesa, eno kunyie lowo. To un Jonek unu sandru nyaka chieng.

58 Nyasaye ng'ama ilamo apanda. Ka sama itimo timbe maricho to ochung' kokwakore malich ahinya, oweyi ne Jachien. To ka isetieko to oluongi mos mos. Yawa kik upingru un achiel. Legion Maria e siro mosiro piny, an ok apuonj Jo Legion kende, an apuonjo kata Yien mochung'gi. 59 Kawuono (chieng'no) naneno Winy marachere moting'o Sacrament e dhogi Sacrament marachere, ka gikelo ne Pate, Bishobe kod Cardnache. To kendo ne achaka neno Winy marokwere koting'o mach e dhogi to Cardnache, Bishobe bende gimekgi, ng'ato ka ng'ato gi gimoromo kode.

60 Biro wuod dhano ok nong'ere kata matin kendo enopoji apoya. Ng'iuru malo wuod dhano chiegni lor. Ubiro nene kolor kata e kor dwe kata wang'chieng'. To jomoko nowachi ni kata unene ot tielo kacha cha, kik ugone chongu piny nimar ok en Yesu. 70 Yesu biro biro ka ji nene tee. Erokamano owadwa rit mari chiegini donjoka. To in ng'ama bende ng'iyo wang'chieng' ng'iya ang'iya ibiro nene. 71 Weche mawachonugi unune kobedo mbaka e kindu kod jogo ma ok ong'eya. Yesuni ok ne en dhano koso? Koso donge en e ng'ama chuny matakatifu ema nolor mohulonwa? Kata kane en yamo nono to obiro hulonwa

1 Bikira Maria ema nonyuole, Bikira Maria ne nyar Eliakim. Min gi ne en Anna. Nyasaye wuowi ne onwang'o ringruok ei Bikira Maria kamarwa gi teko chuny matakatifu Yesu nowacho ni ana bi mos kajakuo, to ok unung'eya. 2 Nyiu nokweda, nogweya gi tiendegi, nikech ok ging'eya, gi kiaya. Yawuotu bende nogweya matek nikech ok gi ng'eya, to gi Kiaya. 3 Ka uneno ka isandou malit kendo itweyou e Jela, to mondo ung'e ni wuod dhano nie piny. No sanda kodu to kik uringi. To nyithindu munyuolo mayudo nobed osiepena. Kendo nosanda kodgi to moluor noringi, nodhie miechgi. 4 To achien, ng'ama osanda kamano none malit ei chunye eno parni kara atimo malit.

5 Kendo nyithiu ok nokiew koda nimar adung' kaka ondiek. To achien gini par mos chieng' ma gichopie enyim kom duong' kama antie ni dine wang'e ni in, ok dine waringi kata matin, kara in mana Nyasachwa? Chieng' onogo abende ana kwedu, nimar ne ok ukiewo koda. 6 Wuod dhano okwedo joma chalo kamago. Ji duto manie piny masira, ka ana bi gi kitu to ulem alema kata ka masira nobi to kik uringi. Kata kamano parruru ane kapok uringo ni ng'at mane manie kindwa kani en ng'a, an bende awendo akia. Chuodho nodogie chuodho nyadiriyo kuma noaye.

7 Kendo onyisa ni idwa goyo Kong'o marafuku kod Gita. To kendo onyisa ni nowach chon ni Ludh Juda ok nochiw ka Messiah pok obiro, kapok olor ei pinyno. To koro osegik e giko piny ma ichiwe Ludh Yuda. Nikech wuon Luth osebiro kuom jomadongo (Joka wuod Noah maduong'). 8 Ng'ato biro wuoke piny polo kucha, manyinge Simeo, ma Ludh Yuda ne ochiwe wang'e koneno. Bendera bende osechung' malo, Osuch Daudi mane ogore piny, bende osechungi malo. 9 Yawa gima anyisue ni Jela manie polo rach maloyo jela manie pinyka. An muneno anyiero kodu kaeni, aneno yawu mathoth kanie mach maok tho. 10 Pilato, Herodes kod Faraoh, mago duto nie mach. Awacho gi thuon kuneno karachnu to udhi ugolgi.

11 Jesus Krestus nobiro irwa mondo opuonjwa weche madieri. Mondo wakuong' chode, ayany, mirima, Pala, Arungu, Tong' kod Beti. Ji moyie gi Nyasaye kata kech kod riyo ok nomakgi nikech un ji moyie kod Nyasaye madieri. 12 Owadwa in ero idagi winjo puonj wuod dhano to inine gi wang'i. ng'ama ong'eyo ni giko piny podi orit Ruodhe.

13 Nga't madwaro nyuomo dhako mar ariyo okuong owirre gi chieth ma Nairobi kod mani Mombasa, to kiwinjo ka chieth thing'i to kik imed dhako. Nyombo mar ariyo adagi ok adwar. 14 Yesu bende nene openjo Josol osuru ei Sinagogi ni ere wuodu ma dwaro tho mondo amiye bath kom konchiel kata gi sani? Tinde an wuod Kano to chon yande ne an wuod loka Ararat – Misiri.

15 Nomiya baptism e dwe mar January 1 wuoktich kod Arbarak wuod Alfayo, e dala mar Ararat thurwa kucho. Confirmasio nayudo ni Lordvicus, Bethiazar. Nomiya baptism saa 12 okinyi e aora Jordan. 16 To kane imiya baptism an ema ne atuomo pii e aora kenda. Ruodhwa ne onyuolie kund dhok e mwaka mar achiel. Dag chikruok nie e dala mar Ararat kod kitabu maduong' ahinya. Adier adier, awachonu, onge ng'ama nopuonju moloyo kaka wuod dhano ose puonjougo. 17 Yesu nowacho maber ni mondo Jerusalem owe ywage, kowachoni kara bende uhera. Wekuru ywaga, to ywaguru mana nyithindu manegagi mondo kik girweny. Judas ose ndhoga, dine wek nyuol Judas dak aneno sandruok e piny. 18 Judas indhogo Japuonj mose puonji? Indhogo remo maler? Judas madh remba kendo cham ringra wa! E kaka maru bende nobedi. Mond Jerusalem noywago Ruodhwa ahinya to Ruodhwa nowacho negi ni pok atho, weuru ywaga!

19 Bikira Maria bende ne oywago wuode, pii wang'e noton. Noywago wuode kod wend kyrie. To un ywaguru wuod dhano kod Katena mano pandi. Kik uywag wuon dhano kod pii wang'u. 20 Kik ukuod wiya kod Baba Messiah. Woud Noah mokuongo niluongoni Kam, chiege ne iluongo ni Leonida, to chie Jafeth niluongni Lusia To chi Shem niluongoni Rhoda. 21 E kinde mar giko piny, unune kanyiu munyuolo, yawuotu munyuolo, mondu munyuomo kod Jodongo monyuolou, nowuo kod muya manyien (Chuny Matakatifu) moaye polo. 22 Kuneno magi duto katimore, to mondo ung'eni giko piny osegik kendo ok gini wuo kod muya ma ineno ka wuod dhano pod koterie piny. Kendo pii hawi notuche kor gode duto. Omiyo ng'euru ni an ema ne andiko wachni chieng' mane anie wi Musalaba.

23 Kitundu ariyo morwakore kod gunia nochung' edier piny to ondiek mawiye arut nowuogi e bur matut, noked kodgi. To nologi gi lweny. 24 Jalo ma ruodhgi gini bed mamor ka giwacho niya. "Wanyalo joma nyocha goyo koko ewi got. Gini bed mamor kendo gini pogre gik moko. Gini pogre lewini. 25 To bang' pogruok gik moko, Nyasaye nolosi gimuya matek ahinya kendo Lawu nobarre tiarr nyaka ei polo malo. Chuny piny noner, kendo kibaji nogo piny miwuoro. 26 To ng'ama nosand kitundu ariyogo noyud sand higini mang'eny. Yesu Kristus nonyuol ka dhano lemuru alema nyithind Nyasaye. Piny polo idonje kod lemo kende. 27 Dhako moro nodhi e got Saituni, got miluongoni, "GOD KWER," god milambo, god hawi, godno en ema ibiro nyuole loch mar Jorotenge duto. 28 Kandhu biro romo e godno, god milambo, god hawi. Kanzu notuch e wangchieng', norom kod Kanzu moa milambo. Kanzu manie piny Paradiso oseromo kod Kanzu manie piny masira. 29 Jopolo chieng' mane gilor negi wero wer mar Chon Nyasaye wuon ochiko.... kendo ne giwero wend Alleluia Alleluia Alleluia....

30 Jopiny masira beduru mamor, wuon polo nikodu. Hap Jo-Africa ok norum, Duong'uru noyawnu. To makmana ng'ama notine nyaka chopi thone ema nokwo. Ka uneno yiengini mar piny, kik uringi nimar wuod dhano ema yiengo piny mondo jomaricho oringi oweu ulem alema. 31 Ruodhwa ne ong'eyo thone ema omiyo nogolo weche machalo kamano. Kik uwe jodhier mondo osandre bang' wuod dhano. 32 Jesus nopuonjo ji gi thuon ka ok oluoro wang' ng'ato nowacho niya, neuru jogi, jogi biro sandou malit ni wachna., kendo gini teru e jende. To Jela mano kuong tweue, noyiengini. 33 Gini hangnu weche mag amuor kendo jelano nondekni kuonde duto. Bang'e gini wang' got kama Yesu odakie eka gini pogre lepe kod gik moko mag pesa, kendo jogo nobed mamor ahinya. 34 To bang' pogruok gik moko, ginine chandruok kendo pii wang'gi nochwer remo kod origa. Chuny ji noner kendo piny nokuu. 35 Anago piny gi masiche madongo dongo. Nikech ka uneno lich piny eka unuyie puonj mar Kristus mano wachoni "kuom rapor, rapor tielo ema iporonie." Kendo e kindeno muodo lak nobedie kuom jomo sandou. 36 Gini sau ni mondo ukonygi to kony nobed maonge. Kuneno ka Dinde larore ei piny to ung'e ni aselorie piny.

37 Oyawore uru duto Legion Maria. Kethruok piny nochal mana kama. Gik moko duto duto mane Nyasaye ochweyo e piny biro loso gi dhano. Rombe biro wuoyo kod ji, dhok bende biro loso gi ji. 38 Gwen biro wuoyo gi ji, Gwen nowuogie Nam madiboye. To Jesus nowuogi e chuny Nam kod Bikira Maria min mare ka giloso gi ji kendo humbe lwenje unuwinj awinja to ok nochop kuomu. 39 Lweny biro kedo ahinya maduong' mar arbadak moriwo piny mangima duto kendo lweny nobed matek ahinya. Biro gik kama nyithindo ringe wuonegi kod minegi kod owetegi. Kendo chiemo duto nowuogie chuny nam momi hawi michamo gi kuon. 40 Hawi ok nwang' diriyo kata in wuowi kata in nyako.Ka iketho hapi kayiem ni biro yudo moro machielo to onge. Hapi orumo chuth, ionge gi hawi moro kendo.

41 Bikira Maria manochwe maler maonge marach mar kodhi in ema mondo idognwa oko, ikul wii Wasungu mondo okulre higini gi higini Amen! Jesus Kristus ma muol ahinya, konya in e babana, kikonya to ok nachak kendo. 42 Bikira Maria Matakatifu, Mama an nyathini kiweya to anachom kure kata kanye? Yaye min Ruodha gi Nysacha! 43 Nyasaye wuon piny in mondo ikonya. Nyasaye wuon gi Nyasaye wuoyi gi Nyasaye chuny matakatifu obed kodwa higini gi higini Amen! Piny Polo enie yoo achiel kende, yie mondo imiya adonjie piny polo. 44 Samson wuod Mama riwri e lwenjni, in ema mondo ikony Luo, wuora mondo okonygi. Jawar aringo abiro iri nimar an jaketho. Bikira Maria ritwa maler, in ema ionge marach mar kodhi, ikwanwae. 45 Wuonwa manie polo - nyingi oluor - pinyi obi kaka idwaro, mondo otimre e piny kaka timore e polo – imiwa chiembwa mapile pile – golnwa marichowa kaka igolo ne joma timonwa marach. Amen.

1 To gima mondo anyisu malong'o yawa, uwuoth kod lewini maboyo nimar unie weg pinyni. Lewini machieko kod lep odowo mokikore apala apala to uwe chutho, gin mag mach. 2 Jo-Mach ema wuotho gi lewni machieko nikech lewni maboyo duodo gi ka gin gi Ogwende e chuny gi, omiyo ok gidwar lewni maboyo. Kendo gi hero lep odowo to ng'enygi to ohero lep ang'uola. 3 Omiyo ng'ama jalemo kohero law ang'uola ahinya to mano bende ok rach nimar en gi wuon ang'uola kuome to chieng' moweyo bende wuon lawu mabor nodonj kuome eka nochak wuotho gi lawu mabor. 4 Ng'at polo nyaka oher lawu mabor, to ng'at mach en bende nyaka oher mana lawu machiek, mano ok rach nikech en ng'at mach. Joma kamago gi chamo mach gi dhogi. Nyasaye en auka. Simeo Matakatifu nobamb ka rech modhi mana e lowo kaeri. 5 Musa kane otho to jochiende nolare kod Malaika, to mano ema nochal kod mar Simeo Matakatifu Manna mane Jo-Israel chamo e thim emomiyo ok ne ginyaa nimar negi piem kod Nyasaye. Nyasaye dwaro mana adieri, adieri ema noguro Ruodhwa ewi Musalaba. 6 To ng'ama oywak enyimwa wana wene. Jesus nopuonjo maber nyaka chopi otho. Jesus jakwath maber makwayo rombe mage. To ne owacho ni Rombe moko nie abila ka to ok gi maga, to bende ana kwagi. 7 Richoni ema teri e mach iwuon. Nyasaye to odagi ni kik idhiye mach. Nyasaye to ok yali iyalori kendi iwuon, to aye ichomo mach kod richonigo. Ugombo neno midhiero kod wang'u mane otamo Augustinus ng'eyo e dho aora Jordan, un bende ubiro neno midhierono. 8 Jopiny masira, midhiero mar didek Matakatifu otami ng'eyo. An eri adum adhi. Ng'at mohero Nyasaye, Yesu bende nohere. Ng'at mohero chamo gik motow ocham gik motow kod jomotho wadgi. 9 Ng'at mohero chamo gik mangima, ocham gik mangima kod joma ngima wadgi. Lowo dok e lope kuma noaye – Buru dok e buru kuma noaye – Chuny bende dok kuom wuon go kuma noaye. 10 Kik ikethie buche Nyasaye, yie mari ema nokwoyi. Onge yor dhiye polo githuon, yieni ema noterie ngima. Kadine ok oneg Ruodhwa Yesus Kretus to polo da orwenyonwa. Golo mar maricho en tich Nyasaye. 11 Jesus Kristus noyawonwa polo gi sandne, piny polo kucha onge ng'ama miyore tich kende ka wuon tich pok omiye tich. Jesus nokonyo joma tuo mathoth ahinya to achiel kende ema noduogo puoyo Nyasaye. Mane ok oduogo kande to ne gin yawuot lal.

12 Jodong osundo ma sundo weche nobuko sundone wach, ni ng'atni yande ne ketho ji. Jodong piny wachoni en ema oketho piny gureuru. Kane Plato openjogi ni ere joma dwaro mondo ogure, negi ting'o badgi duto tee. To mano ema nochal kod maruni. 13 Pilatus nopenjo Yesus nyadidek ni Miowoni wachni, kiduokie? Ichweyo makiduoko? To Yesu ne oduoko ni "An kod oganda Jo – Malaika apar gariyo manyalo konya lweny maka da ok en wach mowuok kawuora, da ok unyalo." To Askari achiel ma wuod achach ne ochung' malo opamo lemb Yesu. 14 Yesu owacho ne Askari no ni "Kawacho marach dak ipuonja mos. To kawacho maber to igoya nang'o? Gikanyo Pilatus nowuok oko ka dhi kwero Jodong sundi ni ng'at cha onge kodu gi wach, weyeuru mondo odhi. 15 Eka Jodong sundi nokwero Pilatus ni ok wadwar winjo wachno, ng'atni ne owacho ni onyalo gero Hekalu kuom ndalo adek kende. Yesu wachoni yawa atimou nade, musanda malit ni? Ararat ema ne Ruodhwa ondike lowo gi lwete. 16 Kama nondiko pod nitiere nyaka sani. Kod kama ne onyono pod neno nyaka sani. Sama malaika romoni ka goyo Asili, kidhiye polo sano wiyi tin. Adam ema ojemonu ok Nyasaye. Ywaguru mana ne Adam. Limbo Kod Purgratori Oserumo. 17 E polo kucha nitie mach ma ok otho miluongoni "Hotprit" kuma iwang'e joketho. Purgatory iluongoni ni " Ritrit (Retreat)" kuma iwang'e jogope. Limbo en kuma joma pod konwang'o baptism dhie, obed nyathi kata ng'ama ng'ongo. Chieng' giko piny eki chakogi nying' eka iterogi e polo. Oyaworeuru duto! gima anyisu ni Limbo oserumo, Purgatory oserumo. 18 Gima omiyo ang'eyoni gise rumo, to en wer mane Malaika owero ewi got Kalafare ei piny Suna Suoth Nyanza emonyisa. To gima anyisou, ng'ato ka ng'ato ochung' kar tiende.

19 Ruodhwa Yesu Krestus nowacho ni bang' weche anawir to ok anabi gi kit Malaika kata kit Jo-wasungu, kata kit Waindi. To nabi kod kit Jo Kafiri. To Jo kafiri to e un Jo-Luo. To endalono, Joma nong'eya chon ok nong'eya. Joma rudho lemo, Nyasaye ok winj lembgi. 20 An ok apuonjo chode kata rudho lemo. Kiwero wer moro onge pamo lwedo kata miel. Ok wanie thum kama imielie. Tinde akwerou ma aol to unu rodie mach. 21 Ero abiro weyonu pinyni to kik chieng' moro uywagi to ulem alema. Gi piny masira ok notera e polo. Chunya ema notera kawuora ka Babana. An ma unena kaeni atin to atek ka kidi, karu gi uduto onge gima unyalo tima. To ka amuol ka budho to amuol ka budho. To ka afuwo ka guok to ka guok. 22 An to eri uchaya, uchaka mana nyithindo ka uluongo ni Simeo Ondeto. To timuru kaka udwaro, to mach to oritou.

23 Piny polo ber ahinya jogo madhi e polo gin joma ok omienore gi chilo, kendo joma opuodhi gi remb Nyarombo maler kendo gini cham gi keni mar piny Ruoth Nyasaye, to gik mokan negigo gin gik mabeyo ma olwenda ok cham kendo kata nyal ok maki. 24 Kendo jogo mawuotho kod Nyarombo maler malepgi rochere, ma lepgi ok orochore, kendo Nyarombo maler nowuoth gi jogo molocho moyier gi wuon Nyarombo. Jomolocho gini nenre gie lela wang'gi to Nyarombo nobi gi nying' mar Simeo ma wuod Jakobo kendo jogo ma wasik musalaba nosin kode kendo noluwre bang' joma luwo bang' Nyarombo. 25 Jogo ma piny nosin godo gin e jom oselocho, jogo moselocho gini rwakre gi Kandhu maboyo boyo kendo gini wuoth kod ludhe maboyo mag musalaba. To piny nosin kodgi kendo nogogi ni gi ketho piny. Kandho ka Kandho noromie dier piny tiir – chuny piny kendo gini luongre ni biuru wadhiuru e got mokiewo gi dul Masawa mondo waduto wadhi kuom Nyasach Joka Jakobo. 26 To Jasigu moro nobedie pinyno ma nochak sungore ni enie wuon godno kendo nochak sando jolemo. Kandho achiel nowuogie dul Masawa to achiel notuch ugwe kor wuokchieng' kendo ginirom milambo e kor got moro manobed maduong' moloyo gode duto, noluonge ni god Jehova mano chak ni God kwer mani milambo. 27 Unune lemo ma Nyarombo nie iye Nyarombo mosebiro e pinyni enie Yesu to ka jomoko nyalo kwer ni nyarombo pok obiro e piny kendo wuotho gi ji to ung'e ni jogo ginie ateng' Kresto. Kendo ka uneno lemo ma piny mangima duto te ok dwar to mondo ung'eni mano e lemo madieri kendo mano e lemo ma Yesu nie diergi.

28 To jogo mano himre gi jolemogi, nokuong'gi Jolemogo ma gini lal nono.Yesu Kresto en owuon nowuothoe dier Jomiahudi kod Jorotenge to dier Jomiahudi ngeche ni dier Jo Engereza. 29 Nyasaye ok odagi ng'ato ma Jarateng' Kitundu ariyo morwako ogunde kaka ringruok mar dhano, gin dichuo gi dhako to kitundu ariyogi ka gidagi ni koth ok chue to ok chue adier chuth kendo chieng' ema rieny. 30 Jogo mobedo gi Nyarombo gin johawi to mondo gi ng'e ni gin kod Ruoth adier kendo e ndalogo, pinje ruothi nolarre kendgi. Mago duto notimre bende nene otimore kuom Ruodhwa Yesu Kresto chon kane iyanye ni nyathi marach kaka min gi ma milaya e boma kaeni. 31 Olawu kod okego kod othinyo duto ne ging'ulo kuome. Ruodhwa Yeso Kresto kowacho kamano dipo ka koro okosonu? An Ruodhwa ema agoyone kampen, nimar an mana kenda kama, ka awacho to ni Simeo rach. 32 Yawa dak uchorie Kanisani obed mabor kod kama ji odakie? Donge uneno ka obet kama onywandore yawa! Koso uselokoru Jotakatifu? To ka ok kamano dak ulos kar liswa maber mondo umi luor maber? 33 Losuru kod weg lowo mondo ochor Kanisa mobor kata ka kichulo pesa. Kanisa idhiye mana ka ji dhi lamo Nyasaye. Nakuru kadhi to anindo mana od Ernesty Omulo kod jatichna, kata Nairobi anindo mana e od Francis Okello Odongo ema ogeroe ot kama aninde. 34 Jodolo moyud koketho e mission, nyaka chunge e Sacramit kendo ikete obedo misumba ebwo Bishop morite. Bang'e Bishop tero Jadolo machielo kareno. 35 To kata kamano Bishobegi bende aneno ka gin joterre lilo, onge! onge! Magi brathe oloyo. To bratha bende igoyone olang'? Bishop to kone to olang' ywak to kawang' gik gotieno to olokore ogwelo sister ni bi pedhna, mano to koro ere? Pok Ja bradha oloyi gi ber?

36 Jabishop kabiro chiwo ne Jokrestus sacrament mar Korfamasio oketo lwete ewi jakristus kokwayonegi Chuny Matakatifu mondo olor kuom jogo modwaro chiwonegi konfimasio. 37 Bishop keto buk ewi jakristus kolemo ni, "Inomen et Patris et Fillio et Spritu sancto Amen." Aye to iwinjo koyo mang'ich makudho, mano Mama Bikira Maria Matakatifu okudho muya mangich e lowo piny. 38 Bishop ka dhi chiwo Konfirmasio,wuotho gi toto mise 28. Mak mana, Bishobegi kawuotho to diwuor ka ni en ng'ama maber to kare mana ng'ama duwore gi mon. Kuyie to chakuru chon uket Toto mise opedhnu mondo uweru gi nyiri kod mon kopong'o bathu. 39 To ka chuor dhako nogoyi to? Uketho nyi ji maka chieng' moro inyuome, ka chuore kawe to yudo mana kane oseloke dhako, mano donge wuon nyako ochamo dhok nono? An achal gi Musa mane odhi golo Jo Israel e richo eka an bende abiro golou e richo nimar kaka ne richo opong'o piny Sodoma gi Gomora e kaka richo ose pong'o Kenyawa ka. 40 Nyasaye nene owacho ne Musa mondo okaw luth ochwadgo pii kane Musa ywakne Nyasaye ni konywa wasigu dwaro negowa. Nyasaye nokonyo jo Israel mokalo nam maduong' e kaka an bende ahulo wach kaka Musa nowuoyo. Kaka dala ka , Japuonj nani, kachako anwang'o ka utugo kode to unu neye. 41 Kiny adwaro mitokini abiriyo (7) adhi neno D.C. Siaya kadhi Bondo Sakwa aweyo kamano. Chakre kawuon Fr. Stephen Romanus Ndolo orito St Paul Siaya Sagero. Ka adwaro mondo ogerie od kidi ma ibiro lemie. 42 Kanisa ok anyal donje en kar Nyasaye, ma ok anyal donjoe. Kanisa en kama idhiye mana kidhi lamo, kidhiye lemo to idhi kiparori apara. Kanisa en Misumba obedo kama bor gi ji. Kanisa ok ji dag moluoro. Kanisa Nyaembe ober ndiyo to ji oluore marach. 43 Gima omiyo adagi, Kanisa mani machiegni kod ji ema kane isando Ruodhwa, kane jonek ng'ulo kuome olawu to jomoko ng'ong'one ni "kayande iwacho ni in Ruodh Jo-Galili koro dak ikuori kendi". 44 Jowadwa ne gibiro gi ng'ong'one Ruodhwa marach. Mano ema miyo Kanisa bedo mabor kod ji. Kata ng'ok nyalo hingi to idhi ing'okie tok Kanisa. Kata ng'ulo olawu bende kamano. Mago duto rach kitimo ei Kanisa.

45 Oyawore uru duto joka Mama. Kitabu mar ngima ok nochwe nono ma ok ondikie wechegi. Ruodhi ka ruodhi nolarre kendgi kendo gode ka gode gini tuomre kendgi. 46 Wuod dhano notho adieri ewi Musalaba, to ka notho, notho kayiem nono ma onge gir ng'ato mane okwalo kata matin. Wan duto waluwo bang' Ruodhwa Yesu Krestoowuon ne ochiwo ngimane kod rembe mondo giyud kwo. 47 Maria no wero wer moro niya kyrie elaison... kyrie elaison... kyrie elaison. Mano ne oywago godo wuoyi ma miderma.

48 Nitiere rombe moko mabeyo ahinya mago pod gin rombe maler, to nitie rombe moko mabeyo molokore diek, rombe mane olokore diekgo, polo nomil momor negi matek gioko mane gisiko gioko kuro, kendo ne gin rombe mano kuong'. 49 Mago ginie rombe ma osiko gi oko ka gimuodo ochok. Rombe mane ok owuok oko ginie mane osiko e abila to ne gi ng'eny ma ok kwan gin e magi eki. 50 Yesu owacho maber ni rombe ma maga winjo duonda kendo en Yesu nogo ema nowacho ni nochiwo ngimane ne rombe mage kendo rombene ochiwo ngimagi kuome. Adier adier awachonu, rombe moko oa oko ma ok rombena to anakwagi gi duto.

51 To nitie Jotakatifu ma jomiriambo gini bii kuomu kaka rombe to igi to gin ondiegi mangemo mawuondo ji. Onge Jahulo moro ma jogweng'gi oyiego, ma ema omiyo kata mana an, ma an Ruoth Yesu Kristo ni, ne ok apuonjo thurwa Nazareth kama ne onyuolae madakie, nikech ok dine ginyal winjo puonjna. 52 Bikira Maria ema ne min Yesu Kresto Ruodhwa, An achiwo ngimana ne romba nono, un bende miyauru ngimau nono. Jomalaika ne ochwe mang'eny mohingo piny to bang'e malaika mang'eny nolokore mopiem gi Nyasaye modhiye mach. 53 Malaika mane opiem gi Nyasaye iluongo ni Jochiende. Jochiende oherowa? Ooyo jochiende ok oherowa, gimon kodwa ahinya kendo ndalo duto gin butwa ka gitemowa. 54 Malaika mabeyo oherowa ahinya kendo ji duto nwang'o malaika achiel achiel, tich gi en rito ji kendo nyiso ji timo tim maber. Nyasaye kane osechweyo Malaika bang'e eka ne ochweyo dhano. 55 Nyasaye ne okuongo ochweyo ji ariyo, mano Adam gi Efa. Ji duto nene giwuok kuom Adam gi Efa chiege. Kidwaro dhiye polo nyaka imak buche Nyasaye.

66 Kendo nyiego nobedie piny mathoth, mae notimre e ndalo kethruok, kendo ndalo kethruok piny kik pou nimar nase puonjou chon mondo ukan wechegi echunyu. 67 Kendo muoch noka piny to piny notungini kuonde duto nyaka udi kuma wadakie nyaka e pinje ma oko, kendo ma emomiyo kineno ka ng'ato sandi gi lweny ei ot to mondo itang' ing'eni ndalo mag giko ema ochopo. 68 E ndalo ma unune ka piny ochako tungini miriambo nobar piny gie diere tir kendo miriambo nomonj ji nyaka ei ot kama idakie, to kata kineno mano to mondo ing'eni en kethruok mar piny irit chunyi obed motegno kuom puonj kendo kuom Ruoth Nyasaye. 69 Kendo ich wang' nochakre mana gie ot kod migundia, nimar in dhano pok ne ineno gima chal kamano, gode bende nomukre. koro magi duto katimore to mondo uparie gima nose nidik e kitabu chon cha. 70 Kachieng' moro uneno katungini ochakore, to unune ka piny kon gi kon lawore kendo mirima nothor hewo ng'ato ka ng'ato saa matin nikech mano nobed ndalo mar mirima makata mana wach matin wang'o mana iing'ato piyo piyo. 71 "Kendo ndalogo nyithindo matindo nonyuol nyithindgi." Magi duto kanotimre to mondo ung'e ni ndalo mag giko chiegni chopo kendo weche mane ondiki osechopo kare.

72 Yesu tone ondiko ni ndalo mar giko piny wechegi notimre Nyasaye mano ndiko wachni enie polo to bende ka wan kuome kendo wang'eyo yorene to en kodwa. 73 Kendo nyithindo manyiri kata machuo noriekre mathoth, kendo ng'eyo margi nomedre kuom timo maricho. Kendo thomoni madongo dongo nochak kayogi nikech timbegi maok ni kare e nyim Nyasaye mane ochweyo polo gi piny. Kendo thuonde mane kayo ji chon e Jerusalem ema dwaro duogo kayogi nikech timbegi modwanyore. 74 Gik mane Yesu ondiko ok noruchre. Adier adier awachonu, giko piny chiegni, higini piero abiriyo gochiko kata gaboro muodo lak nobedie kendo nobed malich ne dhako madhodho kata ne dhako ma hembo kata dhako ma ich ohewo. 75 Kuom mon abiriyo, gini chokre kuom dichuo achiel ka giwachone ni yienwa, wabed buti kaka mondi, mondo ig'eng'nwa wich kuot, to wanacham chiembwa. Emomiyo akonou, mon abiriyogo ginie masanigi kata endalogi. 76 Jo – Malaika gini go tung' e tiend gode, kendo Joatakatifu duto ginilor e piny giteko Nyasaye. 77 Nyasaye owacho maber ni ana konyu kendo mi anabed Jakwath maber kuomu nyaka chieng', kendo Nyasaye nosewacho chon ni piny marariyo nowang' gi mach. 78 Kendo e ndalo go mar giko piny nowang' nyaka oniambo manie lowo – piny nowang' nyaka oniambo manie gode. 79 Onge Jahulo moro manong'e chieng'giko piny - kata Japadri manong'e chieng'giko piny – kata Japuonj mong'eyo chieng' giko piny. Onge kata Bishop kata Papa kata Cardinanari manonge chieng'giko piny onge. To Nyasaye wuon kende ema ong'eyo chieng' giko piny. 80 To kata mana nyathi manyako marego oko e agola ok no aye agola nodonjie ot, ot modonjeno nowang' Kata wuoyi ma umo od min mare ok nolorie tado madonjie ot, ot modonjeno nowang'.

81 Yaye owetena gi nyiminena, piny polo chiegni, enie dhoot ka, ritreuru echunyu maber. Kata mach ma ok tho ni bende chiegni, enie dhoot ka, unu nene giwang'u. Gode madongo dongo nomukre kendo ruodhi ka ruodhi nolarre kendo un jolemo nosandu kendo nonegu e nyinga. 82 To kata ka uneno ka itimonu kamanoto kik uluor nimar gigi duto nochan ni chieng' notimre kamano nyaka aa chakruok piny. Kendo kachieng' moro anabi to ok unung'e kata kadhi kuom jarateng' to adhi mana gi kitgi, kata kadhi kuom Muhindi to mana gi kitgi kata kuom Musungu bende mana kamano gi kitgi. 83 A Nyasaye majahoyo ma hoyo chunyji duto, ikony chuny nyithindi ma wigi ok wil kodi to gi kata nyithindi ma wigi osewil kodi. To Yesu wuon owacho maler ni enie yoo kendo enie ngima kendo onge ng'ato ma nokadhie wang' rang'ach ka ok onene, Un to ukan wechegi e chunyu. 84 Ochako owacho ni adier jowadwa e ndalo chakruok kethruok piny, unune kagik moko kethore mos eka unung'e ni ogik kama ne wuod dhano owacho ni nobedie chakruok ketho piny. 85 Ochako owacho kendo maber ni birone onge ng'ama nofweny, enobi ka wuon ot ma ok go hodi kata matin. To kuom wachni, Jomiahudi ne giparo ni wuod dhano nyalo biro ka aye kor chieng' kendo ni ji duto nonene. 86 Kata kamano sani koro Jo-Adventist gi Jo-Pentecosti pod odagi kagiwacho ni Yesu pok obiro e piny makata sani giwacho ni ng'ato ma wuothono en mana anti Kresto, ok en Kresto Yesu. 87 Bende kata Mathayo nokwerowa kata mana Yesu owuon ne gikwedo kamano kagiwacho ni ma mana anti Kresto ok en Yesu kendo negiwacho ni ogolo Jochiende kod teko mar obelsibuth, bende neuru kokawo Susana gi Josphine odoko monde, ng'atni ok Yesu, Yesu pok obiro, ojamiriambo. 88 Nyasaye ok dew wang' ng'ato adier awachonu chuth nimar piny polo oyawore ne joma chunygi beyo. Endalo giko miriambo nobed mang'eny ma adieri koro onge to adieri nyalo miyo polo yawre nikuop ji manok ma chunygi beyo. 89 Yesu Kristo owacho ni nosewacho ne jolupne ni anabi mael aboro gie kor polo to ji nene. Adagi ng'at mong'eyo kendo adagi rieko mar joma riek, bende an adagi ng'eyo mar joma ng'eyo kendo anawuothie e dieng'egi kaka lowo motwo. 90 To kilisieche mag Jo-Engereza anakethgi kendo anadonjie chuny jomoko mondo okethgi, kendo anager kilisiaeche maga awuon kendo ginibedie nyaka chieng'. Kane openjo jolupne to ne gikia birona kendo negi nyisa ni e wuod dhano in ema mondo ihulnwa kar bironi. Yesu owacho maber kuom joote mage ni anaduogii chieng' giko piny to ok nonena kendo onge ng'ama nong'e.

91 Jaduong' Jochiende miluongoni Lucifer ne obetie bura kod joge to kane gisetieko buchgi, neginyiso Nyasaye ni nyoro wabetie buchwa to magi e gik manyoro wayalo ema:- 92 Wadwaro kaka wanyalo yudo jowa nikech ise ooro wuodi e piny kendo otiyo matek koloko jowa mane wase yiero, ogolowa e utewa mabeyo manyocha wadakie kendo koro wan kod chandruok. 93 Koro wabiro mondo imiwa rusa mondo wa oor jowa moko e piny mondo bende odhi oyier jowa, nikech nitie ji moko moyie kuomwa nikech mwandu, to kwadhi to wadhi miyogi mwandu mondo waneye ane ka bende ginyalo luwe (luwo wuodi).

94 Ne giduoko ni wadhi dak e dier dalani maler kama ogandani nitierego e kama wadhi betie, koro wawuok kanyo kawadhi dwaro jogewa, to wadwaro chako kod kama wuodino odakie ekoa wabiro kee kawadhi kuonde mamoko.

a.
• Mane oseweyo chode waduoke chode tee.
b.
• Mane oseweyo Juok waduoke juok tee.
c.
• Mane oseweyo nek waduoke nek tee.
d.
• Mane oseweyo ukabila waduokogi mondo gimed bedo jo ukabila motegno.

97 Ok ubidhi sani, pod adagi, adwaro mondo wuoda opuonjgi mondo gi winj weche mag Nyasaye maler mondo wuoda kik bed kod bura e nyim Joratenge. Nimar Joratenge pok ong'eyo Nyasaye maler. 98 To gima uneno, an ema ne achweyogi ne ase neno, pod ayiero jogena maler. To jogenago maseyiero, kata ka udhi kuomgi ok ununyalgi, nimar gin jomaler. 99 To adwaro mondo wuoda kosetieko tichne epiny, koseduogo ira ka, to an ema abiro chiwo thuolo mondo udhiye piny mondo koro uti tich, to jogena mase yiero kik umul.

1 An Simeo Melkio donge Legion Maria akelo gi remba, to aseneno ka Jarateng' osepielo e chiemo manie mesa kendo moo ose wichore, awuoro jorotenge to moloyo Jo Luo. 2 Usetema kod bunde gi nawi moko notema kod polo, to en ema polo nodokne motieke. Owera noii koda, ang'oma ne otimorene? Awachonu Legion Maria onge wuon gi anie wuon go kod mama Maria. 3 Kata ibed mana Papa matakatifu, onge gima inyalo loso e Legion ka, an ema amiyo Jo Legion Maria oluorou – to ka aonge to ubiro neno gi wang'u. 4 Nyasaye ne oora ni mondo apuonju wachne. Nyasaye – okwera ni mondo akweru uwe ukabila – ubiro negore kendu uwegi. Sani koro koth odagi chwe Lunyu ka udagi lemo, usando nyithind kiye ng'oo koth onge. 5 Anto ndalona gi pinyni oserumo to aywago joma odong'go ndalo biro – aneno Loch moro ka marach ndii – ji mang'eny notho, mach nowang' piny, gorofa nogore piny, remo nochwer ahinya.

6 Bang' thona kasetieko higini 18 yrs. nyaka higini 20 yrs.. Chieng' norieny e piny, kech nobed mang'eny to ndalono Legion Maria ema nokony piny kod lemo. To ka gidonje siasa ma gi weyo lemo, ana oor Sirkal mar piny noked kod Jotelo mag Legion Maria, nimar Jotelo mag Legion Maria jogeno kuom pesa to giweyo lemo. 7 Kanise mag Legion Maria nodong' nono kendo ayany kod achaye nobedie e Legion Maria. 8 Aneno ka uweya to utelo mbele to kama udhiye to ukia, anie wuon wuoth to uyomba, koro akia ni udhi kanye? Bishobe olokore Jochiende, Pate bende kamano, omiyo achaye odonje ei Legion Maria. 9 Ng'ama ndiko weche gi ondik gik mawachogi, kendo wechegi ok nokal maok otimore, joma ngima biro nenogi gi wang'gi. To joma ose tho nobed saidi maga, mago kende. Nyasaye obed kodu higini gi nhigini Amen.

10 Erokamano adwaro mondo undik wechegi maber ginie mwandu mabiro konyou kasetho. Ma ok uwinj maber to anuoyoni. 11 Jesus Kristus en wuod Nyasaye mangima, Ka nene odwaro tho ne oluongo Jopuonjrene duto monyisogi weche duto kaka ibiro ndhoge gi ng'ama biro ndhoge, kendo ne ochiemo kodgi mogik. 12 Ndalo osechopo ma ang'oge wechena duto makata ka aonge to kik buogu mondo ubed ka ung'eyo ni magi ema Baba nene owacho. An aneno ka ndalona oseromo kendo anyalo poyou saa asaya.

13 Adier adier awachonu un joga mae tienda ka to moloyo un jootena ma aoro koni gi koni. Bang'a kasetho ibiro mayou gigena duto – sanduge mag pesa, Bank mega duto ibiro loro kendo ibiro riembou oko ka giwachoni tinde gichamo ahinya wan bende gi ayenwa wacham. 14 Koro adwaro nyisou gima mondo utim, kik ng'ato pusie dhoge kata kik nga'to tamre gimoro amora magidwaro. Umigi amiya to kik buogu uyie mondo gitim kamano to mak mana ni seche mikawo gimoro kuomu to undik piny, to bang'e gini hombu mondo ukonygi. 15 Kik uringa ni koro asetho, lemuru alema. Kata obed kifungu kata mana book mar bank, kik utamgie, kata lawu kata giga manie office, uwenegi aweya mondo giyaki kaka gidwaro, kik ng'ato golie dhoge. 16 To mondo undik piny ka usendiko to mondo ukan maber, mondo kochopo chieng' bura to ndiko mondo okonyu.

17 Gima omiyo awacho mago, aneno ka abiro weyou malit ibiro sandou kikwedou ni wan joge Baba oolowa. To awuoro kaka ajemo ne mond liete gi nyithind kiye mang'eny. 18 To ok rach ana oor ng'ama nokonyu. Kaweyo mago adier adier awachonu kendo kahombou, un joma adakgo mondo uwinj puonjna, kendo asayo Jo Legion Maria piny mangima mondo gimak puonjna. 19 Ndalo biro ma joma uneno aweyougogi ni jotendugi, biro witou tee, to moloyo joma chuo ok bi dwar kata achiel. Mon to gibiro hero nikech mago to mekgi giterore go. 20 Kwane uru Papa Timotheo, wasigu aneno koluore, ondiegi okete diere, giwachoni atamogi loso Legion Maria, atamogi sero mon kendo atamogi chamo sadaka kod ketho gik moko. 21 To aneno ka ginyalo hinyo Papa matakatifu nikech moko osebire tienda ka giomo dhoga mondo giwinj gima awacho to atamogi. An ema amako Legion Maria kod lweta to katho to Papa nobed kod tich matek ahinya. Magi notimre nikech gitamore wechena. Wechena ibiro wit oko kendo ibiro kwedgi tee.

22 Rwedhi ariyo nobed etiend nam, ginichak kedo kod Jakwath ma rombe moko nokee, to Nyasaye wuon emane ologi kod bura kendo ginitem tero jakwath e nyim Sirikal to Nyasaye notamre kendo enolo bura. 23 Bang'e ruath achiel nobed e tiend Jakwath konindo ka guok makiyo chogo, to bang'e koling' matin enochik bomb manogo Jakwath manorweny ma rombe nobarre e diere – moko nobed etiend nam kor - wuokchieng' to moko nobedie kor podho chieng'.

24 Kasetieko higini adek bang' thona, Nyasaye noor Malaika moro ma nyinge Lati Lati e piny, enobedie piny kong'iyo jok maricho, kendo Jachien bende nokwa rusa mondo obi oyier joge. 25 Jachiendno nobed kod tung'e adek – achiel mochiko yor podho – machielo mochiko yor wuokchieng' – to achiel mabor mochiko polo tir. Ka Jachiendno oselor, jojuogi nochak iro nyithindji kod joma dongo mana godiechieng'. Ondiegi bende noring mana godiechieng', lweny nobedie piny.

1. 26 Tung' achiel mochiko mochiko podho wangchieng': Tiende ni en ema nokel ukabila maduong' e Legion Maria, kendo enie ema obiro kelo negruok maduong' e Legion Maria.
2. 27 Tung' mochiko yor wuok chieng' enie ema obiro kelo koko maduong' e piny. Raia biro gore kendgi kendo kech biro kayoji ahinya.
3. 28 Tung' mochiko polo to enbed mar yiero Jotelo madongo mosetimo richo konegogi kendo koterogi e mach maok tho.

32 An nene anyiso Cardinal Mumbo, Cardinal Angi, Bishop Sewe, Bishop Omulo mondo gitelna aluwo bang'gi mondo seche machopo to giromna, kata mana Philipo matakatifu bende nyoro wan go. En bende orita kucha ahinya. En ema okaso Bikira Maria ni donge ineno kaka Jorotenge Jo Legion Maria sando wuodi...ome obi oywe. 33 Bang'a kasedhi, ibiro sand mond liete gi nyithind kiye. Nyithindo masomo ok bi somo, jotelo biro ninde pesa duto tee. Kiye nosandre malit kod mond liete. Kiye gi mond liete nochak bayo baya kagi manyo chiemo kuom ji oko. 34 Nyithindo mane oserwaka kendo mane oseluoka, enochak bayo kamanyo chiemo kuom chuo oko. Kendo gini gol duga oko, kagilando luluna oko. To nobed malit ne jagono manowe mondo ochok rombe.

35 Endalogo ruoth Nyasaye nodonjie chuny joma golo pesa gini tamre e pesagi. Kendo ginigomb mondo gimany jogena mane adakgo mane aoro epinje to ok giniyudi. 36 Legion Maria nopogre matindo tindo kendo ukabila nobedie Legion Maria maduong'. To ukabila nochakre ekom duong' koduogo e kombe matindo. Ji nogore, Bishobe, Cardnache nogore kagilaro pesa kod mon. 37 Bang' kokono Nyasaye noor Malaika makwiny kendo eno neg jomaricho tee. Wechegi mondo osomgi e piny duto kendo usomgi kamoro amora mondo piny owinjgi.

1 Lemo norum kendo pate nokan lewini mag misa, Bishobe bende kamano, nimar pesa odong'negi giyako. Wach nyithindo ma ne achoko kod mond liete nokel koko maduong' e Legion Maria ka. Mon nogore kod chuo chuo nogore kod mon. 2 Anto gima aywago, ne Jo Legion Maria modong', uyie uritna nyithind kiye kod mond liete. Kiyudo gimoro matin pog kode ediere. Asayou kik uwe gisandre, gin ema giting'o luluna duto. Mago e mwandu maweyunu. 3 Bende kik ukwedgi kata ng'at wuo kuomgi marach. Kaka wuod Seweni amiye Ahenda mondo obed wuoru nyaka chieng'. Lemo obed mang'eny, kalemo obedo mang'eny to Nyasaye nopar piny, asepuonjo Jo Legion Maria to onge ng'ama winjo. 4 In Jamoko mamor kod gik moko manie piny-ka ma ok dwar konyo jomodhier, morgo amora to piny polo to onge donjo.

5 Jamoko ma mwandu turo! To kik itho, to kitho to kare ok iriek,. Cham achama kendi to nyithind kiye kod mon liete to kech kayo! Inine chandruok mos. Awuoro joritenge, Jo Legion Maria, Jodolo mag Legion kara mae kitu? 6 Wasungu kare ne winje puonj matin, to maruni manade makata aloso to itu usoyo mana e yuothu !! awuoro. 7 Jesus Kristus kane idwaro nege nene remo okaye ahinya, emomiyo kata an awinjo ka ndalona oromo anyalo tho saa asaya. Jogi ne ogoya moturo kora, awuotho mana gi tho e batha kendo anindo kode eot achiel!

8 Adier adier awachonu e Legion Maria ka e moting'o Jojuogi, Jo sihoho gibiro nego nyithind ji kod joma dongo, gibiro goyo nyithindo momo godiechieng' an ema pod ageng'ogi, kasetho to ubiro mana nenogi gi wang'u. 9 Awuoro Jorotenge kaka unie chandruok maduong', ibiro kwedo joga maoro mane ndiko wechena.

10 Weche biro kod Agulu kendo gi biro wacho ni weche Baba to wewachonwa Baba ne wachako go chon kapok onyuolu, ayenwa wadwa loso Legion Maria. Bishobe Pate, Cardnache mohero chamo gik mowang', madwaro mare kende, ubiro tho afula ahinya.. 11 Bishobe owinjre achiel, gichiem kanyachiel kendo ginind kanyachiel ka gibiro e sawo. Asepuonjo matinde aol, anto ang'ogo gik manie chunya kawuono kik ng'ato wach ni ok nene awacho. 12 Jokombe, ji duto mabire sawo, obed motang' ahinya, chiemuru kanyachiel, herreuru. Ero awach Jowuoro mohero margi kendgi Jachien majanek to ero oselorie piny. 13 Un Jo-Legion Maria osejok koda makata tinde akwa gimoro to ok miya, gijok kod nyithind kiye. To magichako sandore gisanini to ka onge to biro bedo machal nade? Unenoni amor kendo ni anyiero kodu, nyaka nene abi e pinyni pok anyiere gi ng'ato, asiko mana kaywago timbeu. 14 Weche mawachogi enobed matek yudo nimar unuriemb jomokanogi kendo weche mang'eny nobau nikech uriek moloya. Modong' kiny nawach kiny adhi nindo kata Onyango bende dhi nindo. Wechegi ne Baba ochako wacho saa 11.45 pm nyaka saa 1.38 am.

15 Oyawre uru duto nyikwa Abraham! Oyawore! Nyasaye nikod piny gi wach nimar usando wuode malit. Utimo richo ka ung'eyo maler, ka iikori maber mar timo richo omiyo en kod piny gi wach kod dhano mae piny nimar dhano ema timo richo to ong'eyo maber ni otimo richo. 16 Wuod Nyasaye ywak malit ahinya koparo gima biro timore kendo pi wang'e chwer moloyo. Kata kamano dhano onego oywag marichone chutho moloyo to onego iwee marichoni mitimo pile pile. 17 Wee kuoth, achaye, miriambo kod mirima. Magi ema miyo Nyasaye bedo gi mirima kod dhano.

18 Jo - kwaya wer mamit ndii to chode ema uwee kendo uher Nyasaye moloyo duto. To ka udagi weyo magi to Nyasaye paro mang'eny kod dhano. 19 Chuny Nyasaye paro mondo okel koth maduong' omuk udi kod yien mondo ogore piny kuom ji to oneno ni mano kayiem nikech oneno ka koth biro miyo chiemo chiek kendo kuonde motwo biro bedo gi konyruok. Omiyo wuode oneno ni higini apar mabiro nyime, obiro yiero higa achiel mondo obed rapar ne joma timo richo, modagi lamo Nyasaye. 20 Obiro miyo ji kum machalre. Odwa golo chieng' mager mondo omi jomanie piny-jomotho, mondo oyud lokruok. To kulemo muweyo richo to Bikira Maria noparu. 21 To nobed marach ne ji mong'eyo wach Nyasaye nikech gidagi puonjo wuode mane ooron gi chir. Gi wuotho kode, ka gi jare, gichaye kendo ok gimor kode to gigombone mana tho. 22 Omiyo en bende osejok kod jopiny masira, omiyo odwaro omo Jaote mane ooro e dieru. Ok owacho ni an e Jaoteno to bende anyalo bedo jaoteno nimar ne oora mondo anyisu weche mopondo mane Jarateng' ok nyal fwenyo. 23 Jarateng' ne iluongo mana ni bimbe kod ong'eche.

24 Nosanda malit ahinya mokuongo ne wach loch marwa mar Kenya ka, ka wan kod Jomo Kenyatta wuod Kamau, ne otwewa Kapenguria. Marariyo ka akelo Legion Maria ne otweya Migori kendo otweya e Jela Asego Kanyada, Kisumu Kodiaga kod Ukwala e piny jo Ugenya. 25 An nene onge gir ng'ato mane akwalo, nene ayalo mana wach ngima. Police moro nogoya moturo onding'a. Omiyo Legion Maria onge tugo, en mar Nyasaye wuon. 26 Cardinal Lawrence Puis Chiaji ma wuod Adera e chaa ei Kadem Kakoth, ne omiya lowo agere dalana maler Jerusalem, ne ogoye momuk lake e Got Kalafare, molonye duk lii, ma oywaye e lowo. 27 An ne wach obirona maling' ling' ni Chiaji chunye osechot, Jo-Police ose nege. Omiyo ng'euru ni lemoni ok en mar tugo.

32 Un Legion Maria une kat piny, kulemo kusanduru, kutweyo iwu to Nyasaye nowinj ywaku kendo nokony piny. An munenani anto weuru ng'iya, an asedhi ndalona orumo, luth eri odong' e lwetu, to ka unukwa rombe marach to unurom kod wuod dhano akor kod akor. 33 Jodolo madongo makoro ose ool, kaka Andiego wuon bugo, en koro oyweyo mana mos ei Cathederal mare, uyiero man joma tindo mapod yot ema koro tiyo tij Nyasaye, en koro ochiemo mana mos. Papa Kajakwath owuothe pinje kuma oluonge kendo opuonjo weche Yesu Kristus lilo ok omedie mage moko. 34 Unyis Papa matakatifu Timotheo mondo oluong Jodolo duto kochakore mathe nyaka, Pate, Bishobe kod cardnache mondo owuo kodgi kapod angima, to kodagi to jogi notame choko. Bishobe materore kaka Ongawo, Alexius Ogola magi duto ok onego obedie buche mag Jodolo nimar giseketho. 35 Nyamin mare ma Justina nyoro oyanya malit kanyoro onyuol Manyatta ni an Jachode kendo ni an Jamiriambo, ahango owadgi ni sero Siprosa. Omiyo en andhoga , mach e giko! Sero chi ng'ato ok ber kuom Jadolo.

36 Wach Nyasaye onge luoro wang' ng'ato. Awacho makata kogik ni e thona – ayie ! Ok apandi, owacho ka ji duto winjo. Joma gombona tho ng'eny moloyo to piny ka wahero chulo kuoro chuth e pinyka, to polo inibed nade? 37 In Bishop masero chi ng'ato ng'e maber ni ingima gi ringri to chunyi to osetho. Kata mana Padri matimo kamano, ji duto kata obed brother, kasero chi ng'ato nyinge onge e piny Ruoth Nyasaye. 38 Luor obedie kind Sisters, Brother oluor Padri kendo omiye gima owinjore kode. Cardinal Dean mondo ogol chik ei Jerusalem, ok adwar mondo mon odagie kod chuogi. 39 Udhi unyis Alexius Ogola ni ochak chon odhi odwanyre kod monde ji oko. Okaw Chiege odakgo kuno, nono to Nyasaye biro timone malit moloyo.

1 Joma terore ei Jerusalem kamaler, ubiro jemo ne piny. wachni kata Catholic onge magi. Nyasaye iye nyalo wang' gi piny nikech iketho dalane kod chode. Wachni awache ka iya owang'. Jomon odhi odag oko e rangach. 2 Jochiende maricho koselor kuomu to mondo udhi utim timbe jochiende e "Bar!" Wachni landuru e Kanise, ok adwar Joma odak kod mon e dala Nyasaye kama olosne maler. Mon moti kod mond liete mose aye ria ema mondo obedie Jerusalem Amoyo gi kwe, to jo-mon! oko Rangach. 3 Nyithind kiye ma Jonyuolgi osetho, mondo kanisa okonygi kod kony mowinjore. Onyombnegi, gidagie kanisa, gidagie dala Jerusalem gi kwe ka gilamo Nyasaye, giwerne, gidende. An ero aonge gi teko, dalana onge kwer mag piny, lemo kende. 4 Kik uwe ka ji chandore, magi ema miyo Nyasaye mirima kod dhano. Kaka Isiaya Okero ng'iye uru maber en ema orito office mara Jerusalem. Ka kech kaye to obiro kwalo gige Jo-Legion Maria to onge ng'ama noloye kod bura nimar ok urite maber. 5 Mond liete bende kamano. An kata awuotho oko uneno ka amor amora kendo anyiero anyiera to nyasaye bende uparo ni mor? Kutamoru un Jodolo ni ng'ato ka ng'ato dwaro mana mare to ng'euru ni Nyasaye mirimbe ger onyalo goyo piny kod masiche.

6 "Uchok cham mang'eny uter Jerusalem mondo ji duto ochiem. Abiro ndiko baruwa machielo kendo mondo okowne Jo-South Nyanza mondo gichok cham giter Jerusalem, abiro gi welo mang'eny" Mano kende andiego in bende puonjie ji."In Nomen + Patris + Et Filli + Et Spiritus Sanctus" Amen.

7 Oyawore uru duto jokresto mae piny masira kae. Ero kamano ahinya nyithind Mama. Awinjo duol moro koa e polo kucha mawer mamit ahinya, kawachoni mondo wawer wer mamit kaka yande chon. 8 Wer machalo kaka Ave Maria stella, kendo duolno wacho ni kawero wer mar Laudate, to ugo chongu piny didek. To wer mar pamo lwedo to Jopolo odagi ok gi dwar, ni mago wend jomach ema pamo lwetgi ei mach. 9 Jesus owuon owachoni mondo uher wero wer mar " Chon Nyasaye wuon ochiko" mondo wapar godo tho Ruodhwa, kendo wer mar Alleluya. idwaro ahinya ni mondo uher were mar paro chier Ruodhwa. 10 Chieng' moro Maria Magdalina nodhi luongo Petro kod Joanes, to jogo ne gin osiepe Ruodhwa ahinya, to Joanes ne kijana matin noringo matek moyombo Petro nimar Petro ne en jaduong', noringo mos, ne gichopo e tiend Ruodhwa ma giyudo Maria min Ruodhwa kod Maria Salome.

11 To gima anyisu, jamruok biro bede e kindu un Bishobe kod Cardnache. Brathe mang'eny ahinya mabiro gombo bet e komani kasetho, kata kapod antie, aneno ka chuny moko gombo kata sani to ok gini nyal. 12 Ruodhwa Jesus Kristus nowachoni onge ng'ama nokadha e wang' rangach ma ok aneno to kendo ne owachoni ok amar pinyni an mar polo. To dabed mar pinyni to yawuotu gi nyiu dikoro ohera mana ka chak da ok giringo, to ok gihera nikech an ok amar pinyni, to beduru gi hera motegno ahinya mar konyo joweteu mathagore, machalo mond liete kod kiye. 13 Kamano nyithind Nyasaye awewu gi mago, Nyasaye mondo oritu gi mago mosiko manyaka chieng' higini gi higini Amen.

14 Oyawore uru duto ei Africa mashariki. Erokamano nyithind Mama, baruani andike ni committee duto te, gi Pate, Bishobe to kod Cardnache duto tee. Joma mon duto gi mon mapate e central Nyanza, Suoth Nyanza Uganda, Awasi, Tannzania, Kenya, Congo kod Rwanda, Burundi. 15 Chokruok nenitie maduong' mabiro bedo Jerusalem kae, mikutano maduong' ahinya moriwo nyaka Serika to ne ok dwarie siasa kata matin, nimar nobed chokruok mogik mar fungo mwaka. 16 Adwaro ni mondo Jopate mung'eyo ni richo mose kawo mon ma ok owinjre, mondo ukelna nyinggi, adwaro ng'eyo kama gichung'ie koda, to koyalgi moyud ni gin gi kosa adieri to imiye chulo moromo gi kosaneno, to ka adagi to ochik mana dalagi. 17 Nitie bishobe moko e Legion kae ma osendhogowa kod Serikal, to kapo nono ni onyalo ng'ere kende owuon to obi oywagi marichone kuom gima osetimo, an ok awito ng'ato kata achiel to modagi winjo chik to omany mana kama odhi leme, koda ohero dhi lemo e Catholic, koda odhi kure mano wachne.

18 Joma nyiri matho kawore gi joma chuo mondo unon wachgi ahinya, mago elai lai maketho Legion. Kendo chuo mondo otang' nigi ahinya. Ji duto mapiny Kenya, Tanzania, Uganda, Congo mondo giherre kendo gibedie achiel, to mak mana ni kawruok kaka winyo ema wadagi, wagoyo marafuku, lemo kende. 19 Ngama ok orito ringre to wachne gi mach. Ng'at morito ringre to nokuo. Susana kende ema jatich Ruodhwa nyaka chop thone. To ne ok oketho mana kane pok okende, nong'ad ng'ute gi pala ka diel. 20 Bang'e kane Susana osetho, koro Masliana ema ne koro tiyone gi jomoko be. Maliana be ne onegi mana kapok onyuom.

21 Chik maduong' ma Nyasaye oseguro e piny masira ka to nilemo kendo ng'ama kinyo serikal ema ok dwar. Wan ok wausiana gi serikal. Ng'am dhi riwo lemo gi serkal en kata serikal omake to wachne. 22 Siasa onge kata matin mar dhi kinyo serikal gi weche mag siasa to in ng'ama jalemo., adagi mogik chakre kawuono. Mano e chik maguro mogik kawuono. Weche ma awacho, ukee gi e piny duto te mondo okowgi ne ng'ato kendo ugoye Press, nyaka tieng' nyikwau marang'wen noyud wachni, ok norum. 23 Jowadwa kworuokwa chiegini. An akelo gini nono ne ok akele gi pesa, unto tinde aneno kuseloke mana mar pesa gi siasa. Siasa kod pesa onge kata matin ei lemona kae, adagi adagi mogik kendo adagi gi thuon. 24 Kang'ato osiekonu ei skul maluongore ni enie Baba, kata mama mondo uriwne lemo achiel motegno mar kwayo uriembego odhiye mach. Gimomiyo andikonu kamano ujo Legion Maria, an ema ujemona gi sirkand polo, umiyo sirkal mae polo kucha dwa nega. Omiyo jk ma kamago ok adwar gi chuth. 25 Sama koro Jo-Malaika riembi kidung' kaka diep cha to dak usirie, ma seche mag ketho to mon mitnu kaka Sukari. Seche mag chamo yath kutuo to umoko (uchamo) obuongo dhano wadu gi Kedhno. To seche makoro Jo-Malaika owichore kodi riembi ka gigo dung' e dhogi kaka diep dhano mokuok cho, to dak usirie?

26 Sama uketho bura mar auchiel to Nyiri mitnu kachwe. Jomo hero ketho bura mar auchiel kadhi e polo kucha to ayudo mana kuyoro mach kang'ama yoro pi, to kaduogo e pinyni to to ayudou kulemo koro be udhiera. Un, uwang' tuwuotho tukia akiaya. 27 Jomohero ketho buche Nyasaye, chak uru chon ulem yawa, akwerou marichou. Jowadwa piny Nyasaye chiegini. Kwa uru matek mondo Nyasaye okonyu. Chiegi kende ok rach, ma ng'ama jagombo onyuom mana chiege, chiegei en mari. 28 An be an mana chuodho motop mang'we, to an ema ujemona, umiyo sirkand polo dwa nega ni gima utimo rach malich. To kata kamano okrach, chieng' wantokre e Tawo malando mar Platus cha. 29 Ng'ato ka ng'ato mondo oidh osuri nimar aneno ka wasigugi luorore kodu ahinya. To ka ng'ama ongego to kinenogi kagin nyimi, kik idhi adhiya ni Nyasaye ang' nokonya, ooyo chak chon ibar kamoro. 30 Kata thuol ka nie wang' yo, kik idhi kadh mana bute mar oyiem ni ajalemo, Nyasaye ang' nokonya. Ooyo thuol malewe okegore adek ero biro enie yo mondo utang'ne ahinya. Ruodhwa noriembo jachien……………………….missing.

36 Erokamano nyikwa Adam, chieng' mane adhi e dala mar Yesu nadar gi Manyatta kacha gima owinjore achak ajiw ni mondo walem matek lemo kende. Nikech Yesu dwaro ketho pinyni gi mach to mach nitie elwetu uwegi ujoma ohero mach ma ji budhogodo ei office Jokabwana kagi a pong'o piny. 37 Aero ugombo mach, to mach ero biro. Owacho maber ni mondo walem alema mos maber to walem matek ne piny. Polo chiegni, yor polo diny to yor mach maok tho lach ahinya moloyo. 38 To ojiwo ahinya konyiso sheria ni ng'ama ong'eyo ni en japinyni en otim dwarone tetete, wiye kiki wilgo kata chiel, mano ekaka awinjo onyisa. To king'eyo adier ni iwendo wuod wegi kama, ok ing'eyo kata kiny sama kama igoyo bul e liendi, to ka in Jalegion to itero lemb yweyo maokrum e liendi aye to jo oolo wachoni wale-ee-m. 39 Bas koro mondo wang'e chon kendo wachak chon kendo timbe duto mayande itimo kawuono logie iwe chuth. Kayande idhako in gi chuori, to ilokori malaya, ihero mana chuo ma oko to chuorino to in godo mana gidhogi, ee Nyasaye bende owacho ni tim atima timbenigo nikech iparo ni pinyni ero ok nidarie, to kidarie to kara ifuwo.

40 Dhako moweyo chuore goyiem kata dichuo bende mokawo chiege ong'ogo ni bwe ! ka ng'ama ng'ogo ng'ok manie iye, to ne ichandori kikawo chiegino bende ne ing'iewe (nyuome) kapod onyako kendo in ema ne iketho gi ringre moketho hesimane dalagi, to tinde eka ineno korachni, wuodwa Nyasaye none kodi. 41 In nyako bende konyuomi bed mos inyuol nyoti dipo ka ikwano.To ok ni machuori to ma chuori, moloyo kaber chutho itho idhiye mach ibed kuro e ngima aluwani. 42 Kata in dhako mohero chuo to nigi chuore – aluwa kamluwe – ma kata mbas nyathini to gangore e agogi – ee orom kodi. To ng'e malong'o ni idhiye mach! 43 Kata in nyako chak chon weketho secheni kayiem nono. Yie mondo dichuo onyuomi inyuol nyotu gi e ot dipo kikwano ok ni machuori machuori. Kaber chutho itho idhie mach maok tho ibed kuro.

1 Adwa loso Catholica – ni kong'o jomoko dokie kong'o e thurwa ka jomoko bende ohero akwede, in jakwede kik itho, kitho to dang' rach. Piny polo kucha ok en mari, en jomofuwo migweyo gi tielo, misiemo wang'gi gi bunde, misiemo wang'gi gi arunge ni ling', abiro ng'eyo ni ofuwo ee ang'o? 2 Ee ng'ama ofuwono e kind oganda, Jobeyo odage tee nyaka Joma nyiri mabeyo tete te odage duto te. Nikech en ng'ama ofuwo orach, to piny polo kucha to ikiye chieng' thone, to iromone gi dhano kundi – dhano kundi, olang' ywagorene malich mokalo, Kingele ywak malich to olang' ywak, tunge tung' piny gi tung' piny, ikia ni en cha oywak kure. 3 Kingele ywak malich olang' ywak mana ni mbom! mbom! .mbom!. To joma dumo aduma ubani Mabende ok ine to taragana. To joma ineno gi ma ok ine bende nitiere. Jowadwa, omiyo ayie gi jomigweyo kod tielo. 4 Ani jopolo romoni maber mokadho. To wachni ka in wuod wuora ma kiwuotho to nyaka ing'anjie matin kama bende! Ok rach, lakini – ee – ng'anj ang'anja ka in to ing'eyo ni piny nisikie – sikie pinyu ka kik idar.

5 Kuma nyocha adhiye ni yawa, aneno weche duto. Aneno ka jomoko iyalo ka muodo mach gidhogi. Jaduong' moro nitie ma ume bor, ume bor manyaka nene pok aneno ng'ama ume okadho alama. 6 To nowang' ma ume chalo mana........sijui........bende onge gima dang' apime go, odhanjore kama to kendo odhi ni...ii dwa chalo ka um ng'uruwe, wang'e odhanjore ka wang' bim to mach to omuodo gi dhoge. Koke oyombore ma lwetene chal kar okombo. 7 Emomiyo nyithindwa jomatek kik dhawie pinyka kudhawo to ufuwo. To Jakuo mong'eyo gombo ni....ii.....Pesa wadgi, pesa ikiyo mana ka dhako goyo mbaka gi chuore e ot eka koro ilidho mos dhi iyawo lot rangach.

8 Jo-Malaika ginigo tung' e tiend gode, Jotakatifu duto ginilorie e piny gi teko mar Nyasaye. Owetena Yesu Kristo ne owacho ni "An arito chieng' giko piny ka unune ka ichungo lemona, ka igoyo kendo imako jotendgi ni mondo ung'e ni an ema andiko wechegi an awuon." 9 Serikal mar piny nowang'got kama jotich Nyasaye odakie. Wachni opimore kod mar ruoth Faraoh kod Nebuchadnezzar mane owang'o Jerusalem maduong'. 10 Ruoth manong'ad bura kuom jolemo noluonggi ni ruoth Herodes kod Pilato ma piny masira. Judge mano yal jo Legion Maria, noluonge ni Zerubbabel mar ariyo. 11 Jong'ad bura duto manong'ad buch jolemo, norundre kendo moko nolokre Pate mag Legion Maria to moko norundre ma nodhiye mach. Ruodhi ariyo nolore teko. Achiel nochung'e pier Nam, to moro nochung e tung' wang'chieng' (Bablon maduong') Im marateng' nogore lweny kod 12 Im marachar, Im marateng' nogo Im marachar manolwar mwalo e mach. Im marateng'ne oloyo lweny kendo ne okawo Bandera.

13 Got moro nobedie e piny milambo miluongo ni God Kwer, godno noluonge ni God Hawi. Ji nochak kuodho wach ni mondo omuk godno, to kapok ochak muke, kibaji nogo ji maringi ma nodong' ji matin kende. 14 Bang' muko got, Serikal mar piny nobed mamor kendo ginipogre gik moko gi jopiny (raia) duto ma ok dwar lemono. Bang'e pi wang' biro chwer machiegni gi sano kapok ogik saa kendo muodo lak nobedie kuom jogo motimo kamano. 15 Chieng' onogo kibaji nogogi malich miwuoro kendo ginibed e lweny mar mach ma ok tho. Chieng' onogo ginisau un jolemo to kik ukwanegi nikech ne gitimonu malit ahinya. 16 Ng'atma nokwanegi to en bende nodonji e lot. Nyasaye noyieng piny kochakore e pier nam kama nokanie jatelo mar lemono kod jolemo manoluw bang'e. Piny duto noyiengini matek. Kata imakou to kik uluor, gima Roho Maler owachonu e jela kuro ema utigo. 17 An bende anakonyu, to un bende kik ukweda. An Yesu JaNazareth an ema loso kodu.

18 Oyawore uru uduto Legion Maria of Africa Mashariki. Yesu no tugo kod nyithinde seche duto. kendo nobedo but nyithinde to ne onge gimoro marach e kinde kodgi. Yesu nothiedho nyithinde odiechieng' gotieni. Seche duto ne onge Sama ne obir kodgi. 19 E wechegi andikogi adiera ma ok apando. Nyithinda chieng giko piny anawir bang' wechego, chieng' giko piny anabed kodu kod kitu, bende kod chalmaru. 20 Kendo unuhangna weche malich mana ni aketho nyiu kendo ni aketho Yawuotu. To ok naringi kendo ichwang' nowang' koda nikuop timbena matimo go ok gidwar. Nyiminega to unugweya malit, kata megena monyuola, to kik usanda malit. 21 An dhano wadu, ana bed mofuwo e kindu to ok unung'eya. Un duto unubed Jochung'na to an bende anabed Jachung'maru.

22 Kachieng' moro uneno lemo mimake ji lemomi wite ji e mitoka kogunde to mondo ung'e ni anie wuon lemono. Ne utuona kar nindo ok nanindo, ne uriemba ma ne anindo oko. Kane asudo butu machiegni to ne uriemba ni dog kari kuma ininde, ang'o miomo ka? 23 To adier adier awachonu niya, kane awuotho duk ne ok udewa, ne upenja mana ni into in ng'a. Kane pok omaka ne uchako kuodha ni ng'atni ong'at marach, oromo otweye matek, mane uwita e od twech (Jela). Kane otweya ne ok ulima e od Jela. 24 Ne utera e od chieth ok ne ulima. Adier adier awachonu niya, unune polo koyawore. Bikira Maria Matakatifu nonyuolo wuoyi achiel ma miderma. Nong'iewe gi fedha 30. 25 Joseph Matakatifu ne en jarit Bikira Maria Matakatifu ka onge marach mar kodhi. Mase duogo kakitu ni nyithindwa ang'o mulawo. Ka chieng' moro piny nobed mayiengni matek to unubed nadi? To lemuru matek ng'ato molemo matek ema Nyasaye konyo. 26 Ok abiro pogo nyathi kod wuon mare kata kod min mare, to chik Nyasaye ema abiro loso mondo emodhi kare. Ka udwaro nimondo ubedi gi hera, to umany buk machon mar hera mar Yesu kristus mondo onyisu. Weche duto masewacho an awuon aumogo chuth, aloge kaka Pilatus nologo e tawo malando. 27 An amor kod Nyasaye momiyo abiro e piny masira, Jowadwa amor ahinya, nyathi ma noyie koda mofuwo ka an ema nokonya tich. To ma ok oyie dwanyruokna, ochak chon oa. 28 Kaka Yesu Kristus nogoyo ngero ni kik ung'i marichona to ng'ii uru mana yie mae kilisia Makatholic. Adwaro ni mondo jotije giwinjre achiel, madongo kod matindo. Mondo giwinjre, ka gidagi to mondo giwachnwa.

29 To nanga machiek en mar tij ot. Sama iwuok oko to irwako Kanzu mabor. Chik duto wayudo mana kuom Joote mokuongo, To wan joma welo, waluwo mana chikego. Kaka andikoni jowadwa ok andiko ni ng'at achiel, andiko ne piny mangima mondo upar wach nanga machiek. 30 Nanga machiek itiyogo mana tich e odi. To ka isetieko tich odi koro irwako Kanzu mabor. Nyathi kod nyamingi ka ayudo ng'ato mopogo gi nyamin mare kata gi owadgi to mano Ojajuok. lemo mar ji duto ok en mar ng'ato achiel. 31 Nyithindo manyiri giluor Jomadongo ahinya kata Jaduong' ot giluor ahinya. To mirima ema obed maonge. Jomadongo ma mon bende oluor nyiri. To lemo ema mondo obed mang'eny. Uduto un jotichna aherou te. Yieuru mondo uhera moloyo machon. 32 Kik uluora unduto un nyithinda mani oko machuo kod mamon. Kik uwita, dhoga ema jemona. Yesu owuon ondiko ne nyithindo ma pok onyuom kata mose nyuom. Ruoth oritu.

46 Harambee to ero agolo matin to un uwegi uparee matin adenyo goyo koko, sama upuonjoru to jomoko kiko kod ayany, mae ema omiyo aketho chokruok ma Raha, nikech weche mane owachi Raha pok awinjo maber, wachno pod an godo e chunya. 47 Acting na kod Maurice nene aoro kuomu, Raha to nyaka sani pok awinjo wach malong'o. Kijande mang'eny manie pachokae ma wuondani lemo alema to nyithindo manyiri kod mon to gimiyo iye, Pate manie Jerusalem kae ma wuondore ni lemo gin Bikira to mon kod nyithindo manyiri to githiro kod iye, gichak chon chon gi nyombi. 48 Kit ji mang'eny maseneno ka nyithindgi nie pacho kae mang'eny. Alego Boro, nyithindo nitie, Got Zeituni, Kirindo nitie nyithindo matindo to onge wuonegi. 49 Nyomburu. Kijende, Bishobe ma jomiriambo, Pate ma wuondoji ni giweyo mondegi gilemo to mon kod nyiri to ginyuol godo! gichak chon gidogie mondegi gidolgo. 50 Alego Uranga, Awasi, Nduga, kuondego nyithindo nitie to an awuon ang'eyo wuonegi duto tetete chakuru chon unyombi. Abiro goyo koko kod nyingu, mondo sirikal odonjie kanisa. 51 Omiyo nyomburu, pile pile ka adwaro goyo koko to uwachoni Baba in ema ing'eyo ma marichowa duto, to wang'ni to akok. Kijande ma jomiriambo, Pate ma jomiriambo, Bishobe ma jo miriambo nyomburu., Weuru wuondoru ni un Bikira to nyiri gi mon to uthiro gi iye. Nyithindo opong'o Kanisa ! Wang'ni to agoyo koko. 52 Chiemo osekonyo Jerusalem loche adi mose donjo kata in Obera isekelo loche adi? Kata Got Kalafare osekony kod loche adi? Kata nduga Nyakach, Kata Kanyada Achiero, kata ombo, usekonyo kod loche adi un joma tiyo oko piny mangima? 53 Pesa to ero usesolo mar gedo mar oda awuon, kwan gi, ang'eyo awuon gin mana otongloche, nduche, Rochere, nade ang'eyo kwan gi duto mar oda awuon, to mar Kanisa ok atamoue. 54 Omiyo pesago duto adwarogi kuoma to Lawrende ema adwaro mondo obi kod pesago duto obi okwan enyima. To kiny aorogo jaote dhi omonago gik gedo. Oda awuon weche mang'eny aonge godo.

55 To awinjo kuluongo Deacon Maurice to obiro ndiko ang'o, weche miriambo koso? Omiyo adagi, weche miriambo. Wach ma Raha pok awinjo nyaka sani. Kane apenjo nyithindo nito ang'o mowach Raha, nyithindo ok ne oduoka. Mirima nene omako mana nyithindo. 56 Omiyo kata sani in Cardinal Lawrence apenji wach ma Raha iduokae ang'o? Omiyo wach ma Raha to pod abandho. Mokoungo nene oketa Chairman to tiend Chairman ok ang'eyo pod amanyo to otama. Ka in jatelo to isiko iriambo mana ne nyithindo, nyithindo biro galo ni iwacho adier. 57 Omiyo ka inyiso ng'ato ni en jakeno pesa, mokuongo kwong' ng'ani kod lawu makwar kabisa ma kik owuondu ni okeno to ochamo. Kata un jodolo, Bishobe, Vicar Padre, Pate pok uchane pesa Sadakagi adier? 58 Ka usechamo to chakuru chulgi kuoma kawuononi nikech ukia gima chuny Nyasaye paro malo kae. Kata mana komiti kochakore kod komiti mani Kadem kae, jakan sadaka pok uchame pesa sadaka? 59 Musechamo to chakuru chon uchul ukia gima chuny Nyasaye paro. Jodongo an gi ywak, Rombena Jokakoth otieko. To kawuono anwang'o Titus Atego dwaro kwayona chakre kiny en bende uparane wach mar chule msara. 60 Rombena 700 (mia abiriyo) mane agolo Kakinyuru Kanyuor otho duto ka Marselus Ogola duto. To man dalani bende Kadem man Kakoth yako tieko. Rombena rumo. 61 To ka kwath nyalo tamore to anyalo dwaro permit mondo a "Transfer" gi atergi Kirindo Alego. Cardinal Lawrende, bi sani kod Maurice kod pesago te. 62 Pesa gin mag gedo mag oda. Tich adek bende wadhi ng'iyo dhok ka oloo Ermanus, ka waa koloo to wachomo Dalmas Oyier, ka waa kuro to ka Ogola ka waa Kogola to ka Ogwari wadhi rangogi aranga kod Karene maga kwan nyithindgi duto to ka onge to wach nochom wang'chieng'. 63 Saa 1.40 (achiel gi dakika piero ang'wen otieno) ema ndik mar Messiah orume

64 An Melkio madwaro chako losono. Nyinga wuon mar Baptism en Melkio, machielo Emmanuel koro adwaro chako loso. Jokristuswa waduto te manie piny Kenya, oyaworeuru kamoro amora kama ugikie. 65 Ayawou uduto tong' Kenya gi Uganda gi Abisnia, Congo gi Somali land gi Tanzania. Kamoro amora ma ugikie. Amosou uduto ni Oyawore uru uduto. 66 Ja Askofu mapado lemb jakristus mos en wuon ji duto maok odwanyre, Ja Askofu komiyo jokrestus Sacrament mar Confirmassio, kowacho niya "Aketo kuomi ranyisi mar Musalaba gi Krisma mar kwo, kowacho wechegi riat, ni ajiwi gi mo mar krisma gi Jokristus duto. 67 Kendo Ja Askofu wachone jakristus niya, ibed Ja Askari matek motegno kendo makare mar Ruodhwa Yesu Kristus kitweyo Patis. Chuny matakatifu machalo kod Akuru. 68 Lor chuny matakatifu machalo kod Akuru nolor ei chieng' Pentecost godhiambo ka piny okwe. Nolor ei dala mar Jerusalem kuom joote. Ja Askofu en jakwath adier mabe-e-er to ok en ng'atma orochore. 69 Bishop en jakwadh ji duto to dwanyruok moro kata matin to oongego. To Ja Askofu makelo duwruok kuom ji ento oonge tich odhi ei mach maok tho nikuop oketho chik Nyasaye. 70 Nyasaye wuon piny kendo maonge kar kuongone en ochweyo nam gi polo. Kite madongo manie nam ka, gi gode madongo ochweyo mang'eny. Mifudhi mag bel ok nyal cham to bel maler ema inyalo chamo. 71 Yor polo oler to joma dhie mach maoktho yor polo dinynegi kendo ok lernegi. Nyasaye bee-e-er. 72 Nyasaye ochweyo dhano kohero kendo dhano nyaka lam Nyasaye kohero to dhano ema kethone Nyasaye. Dhano en lowo to bende en buru. Nyasaye ochweyo dhano kod chuodho motop Chuny nono to ne ochweyo maler maonge ringruok, Chuny nono madhi kuom Nyasaye. 73 Nyasaye en dhano adieri kendo en dhano mariek kendo en chuny nono oonge ringruok. To Nyasaye en gi lwete to Nyasaye enie polo to en dhano adier. 74 Bikira Maria matakatifu en min Nyasaye mar adier chuth kendo onge gima oreme. Japuonj maler en min ok obed japuonj mochido. Japuonj maler en obedo japuonj maler ka wang'chieng'.

75 Nyasaye noketo chikene te kata kuom rech noketo ruodhgi. Kata kuom nyang' noketo ruodhgi ei pii momiyo ok ginyal mako ng'ato ma ok gipenjo ruodhgi. 76 Nyasaye ochweyo gode modongo. Omiyo dhano kilamo Nyasaye gi adieri to ilam Nyasaye gi adieri king'eyoni Nyasaye ochweyo gode madongo ei chuny pii. Kendo ochweyo gode madongo oko mineno momiyo dhano owe timbe maricho. 77 Bikira Maria ne otoyo wi thuol e chula Fatima piny joreno portugese. Dhano to ti-i-n e nyim Nyasaye, dhano rem kombong'ne to bende ok chop kuro, en aena chuodho motop mang'we to lazima nyaka olam Nyasaye gi adieri. 78 To ka ok olam Nyasaye gi adieri, to Nyasaye nyalo loke aloka chuodho dakika mati-i-n. Momiyo nyaka ilam Nyasaye giadieri. Kata ji mokuongo ka mane luwo bang' Ruodhwa cha kara e momiyo Nyasaye nowitogi ei mach maoktho. 79 Nyasaye nowachoni herane okrum. Herane ng'eny ahinya kendo oloyo pii nam gi ng'eny kendo gi thoth. 80 Mirimba thoth moloyo kuoyo manie dho nam. Kendo owachoni anie Nyasaye mar adier, machulo kuor richo. Padri en gi teko mang'eny mathoth ahinya. Nam maduong'ni oonge gikone e kaka Nyasaye bende oonge gikone. 81 Nyasaye ochwere achweya nyaka chieng'. Nyasaye sandi mana ei kethoni. Kuom buche auchiel isandi kuom higini mang'eny ka iketho buche abiriyo bende isandi mang'eny, buche aboro iwitie mach maoktho.

1 Ng'at malemo kik iwuond Nyasaye, Jachien ema iwuondo. Kiwuondo dhano wadu mano ngecheni iwuondo Nyasaye. Maria onyono thuol gi tiende e dala mar joreno, Fatima Portugese. 2 Kidwaro ng'eyo pek mar Nyasaye to ne kaka Nam romo, kendo gi giko wang' mar polo nie. Olandore alanda ochwere achweya kuma ng'ato ok ong'eyo. Nyasaye ochweyo gik moko duto moketogi ei piny, onge moketho kata achiel. 3 Mano emomiyo andikonu wechegi mondo kata in Bishop, kata in Archbishop kuma oketie itiye, mondo ing'i mana tichni kende ma ok igondri kod monde chuo wadu kata nyiri. Ka ok ung'iyo to en mana wachni anto asepimonu. 4 Toto – misse ok nyal dwanyore kod joma nyiri gi mon matindo ei Kanisa. Ichikri tir kod lemo kende to chieng' migombo nyombo to idhi mana dalau ipo mana ni isenyombo.

5 Kendo e ndalo mar giko piny, nywandruok nobedie piny kendo chuny Nam noting're. Nyasaye ochweyo dhano ei ich kaler to kisebedo dhano mariek monyuol ei pinyni nii to ilokori Nyasaye kendi milamo. 6 Koro area ma intie ok ng'ato nyon, iloko jowadu wasiki, moko bende iloko omwasini misando nikuop odakie puothi. Inie mach maoktho. 7 Kuom bura mar abiriyo eno ipime gi ang'o? Kendo bura mar auchiel eno ipime gi ang'o? Ngech bura mar aboro to ang'o? Ei kit buche, bura mar ongachiel owacho ang'o? Kata ei kit weche okwero ang'o? To osiemo ang'o? 8 To ng'at modagi en? Ang'o gi ang'o ma Nyasaye osiemo ekind dhano gi Nyasaye mondo dhano obed malong'o ne Nyasaye, en ang'o gi ang'o? To ang'o gi ang'o ma Nyasaye odagi makelo sadha e kind dhano gi Nyasaye? 9 Sacrament mokuongo en ang'o? Bikira Maria en min jokanye? To omin ng'a? Altari to ango? Terbenaculo to ang'o? 10 Adier adier awachonu, chieng' tich ang'wen matakatifu Yesu nokudho muche kuom jootene duto. Kudho muya ngeche ang'o? 11 Timo ranyisi to ang'o? Bedo bikira to ang'o? Sacrament duto gia kanye? Dhano motow mang'we oluokore kanye? Oluokore kure? Wuon Yesu kare en ng'a? Osuch ot to ang'o? Kata tat ot to ang'o? To piny ma wantieni en to orumo koso nade? 12 Lobni enosienyre koso nade? Ng'ato moro to ne owacho adier cho-o-n ni wanyalo nene kamoro kuma diny to giko mar pinyni norom karang'o? Nyasaye manie polo ohero ji duto, Nyasaye ogero pinye ei polo kendo ogero e pinyka bende. 13 Dhano en gimotow to Nyasaye ohere ndi mak mana oritre maber. To ranyisi to ni kanye? Ruoth openjo nito ranyisi nikanye? Ochako onwoyo kendo ni ranyisi to en ang'o? 14 Yesu nonyisore ne jolupne ewi Got Sinai. Onyisorene kendo ofwenyore ni jolupne ratiro konyisogi ni marang'o utamuru lemo nang'o? 15 Lemuru weuru nyosoru. Nyasaye owacho, owachoni mondo waherre hera maokrum. Nyasaye wuon piny oyie gi dhano. Nyasaye oketo jokwath ei pinyka makwayo rombene. Dhano chalo kod Nyasaye. Dhano en chuodho motop. Yesu oluongo ji duto kendo ogoyo olang' mondo ji duto ochokre ei polo.

16 Ndalo tweyo weyo ring'o, nyaka chop ndalo Advent nyaka chop sap buru ndalo 40 (piero ang'wen) mane Ruodhwa otweyogo ewi Got Sinai. 17 Chunyu obed maler ka chuny pi kata ng'atma rach oluokre ei pi mondo chunyu obed maler ka chuny Nyasaye. Ruoth Yesu Kristus en Nyasaye mara dier. Dhano e piny kwe kende ema idwaro kwe maokrum. 18 Lemo obed mang'eny ei chuny piny mangima, ngeche ni ei chuny ji duto. Puoth Nyasaye en dhano. Buch maricho madongo omakowa kawadhi kwero. Yesu en dhano adier. Nyasaye ne oloso udi mang'eny. Orituru uduto piny mangima.

19 Ni mae kirak piny monyono kumaler. Nyasaye maler man gi rapor e lwete kendo noluongeni Ambuor marateng'. Marariyo eno por tiende gi tiend jomaler. 20 Jogo majodolo madongo ma Jokohani gini chak piem kode kendo gini luonge ni jachien, kagiwacho ni jachien onyono kumaler. Kendo joge ng'atni nogo matek ahinya. Kuomgi mang'eny nosandi, mon mang'eny noto igi ma nyithindo nokirre. 21 Kendo Jodongo mang'eny noroo kod nyinge, kata nyithindo machuo mang'eny manoroo gi nyinge nikech giyie kuome. Kendo awacho ni e ndalogo ginigol jochiende gi nying ng'atno magiyie kuome, Nyasaye madier moor mondo obi opuonj ji mofuwo ka en.

44 Jorotenge noket Pate maggi, Bishobegi, Cardnachegi kod Papa margi, kendo giniyud osimbo margi mar lemo gi uhuru (thuolo) mar lemo ma onge Sandruok mang'eny. 45 Kendo osimbo mar pinyni bende noyud bang tungini gi sand mang'eny to mana Nyarombo ema nogaa pinye wowuon to eno gaa pinye ka enie polo ma ok ka ie pinyni. Nadonj kuom ji ajia giwegi ema nogaa piny. 46 Kendo nomiye kwe nikech Kanzuni oseng'ado ne piny bura ma piny ok nobed gi kwe, ma ng'at mariek odonjie ei Kanzuni. 47 Nyasaye ohero ji te, Nyasaye ohero ng'ata ang'ata kata iber kata irach nikech ne okudho mach maoktho ne joketho. Yesu owacho ni enie yo to enie ngima maradier, onge ng'at mano kadhi kod kang'eye kadhi kawuon. 48 Nyithindo duto mae piny mano chwe gi lope, parruru wuonu mano chweyou. Nyasaye enie dieng'ech piny mapiny obedo godo be, to enie chuny piny. Samson bende ne en wuod Manoah min gi ne en Justina.

49 Koth machwe en mar Nyasaye, dhano bende en mar Nyasaye. Bikira Maria matakatifu nene onyuolo Ruodhwa ka onge gi marach mar kodhi kata matin. 50 Ber piny en koth kendo ber piny en chieng' matwoyo kuonde modhiek, kendo koth goyo piny mondo piny obed maber kendo puothe ochiegi nimar dhano en mana Abuoro. 51 Kendo enowach weche, weche duto Yesu owuon. Nikech kane ochweyo dhano en ochweyo dhano ka momo kendo ne otucho dho dhano mawuoyo kod um dhano mayweyo, kendo nochweyo it dhano mawinjo wach mondo dhano oti mana tichne owuon kende. 53 Kendo in dhano bang' tiyone, weche duto mabeyo gi maricho, ichok wecheni duto mabeyo kod maricho ikelna ka isechoko duto. 54 An ne achweyi ka iler. Mondo igur marichoni kaka Yesu ne ogur ewi Musalaba. In dhano mondo koro eka ing'e ni aheri ahinya moloyo ringra, emomiyo ne agolora awuon madhi athoni ewi Musalaba. 55 Kendo e wang' Zaburi achiel nowachoni udwaro tema kaka kwereu notema ei thim kane gichamo Manna manie thim, mondo ung'eni wachno ok adwar. 56 An Nyasaye maradier ok adwar tem ma nono go. Nyasaye nene ochoro dwe mabor mane odhi opime gi giko wang'. 57 Nyasaye ne ochoro sulini mang'eny mane odhi omoko e kor polo. Nyasaye ne ochoro wang'chieng' mane odhi okalo dwe mabor foot mia achiel modhi obet malo to dwe ema odong' machiegini mayiero chuny dhano, dwe marieny kamenyo piny maler. 58 Mach maoktho to ok norum. Piny polo ok norum. Pinyni to noban ka Kalatas. Pugratori to noban ka Kalatas, mondo ung'eni e ndalo giko unune masirini madongo dongo. 59 Nyasaye wuon piny ochweyo dhano gi lwete, gik moko duto to ne owacho awacha to otimore. Nyasaye ng'at mawacha awacha to timore kaka owacho. Dhano kende ema ochweyo gi lwete ka kite.

60 Dhok gini go to owacho awacha to otimore. Nyasaye ne openjo ji duto, Nyasaye nopejo ng'at ang'ata ni ere owadu mihero ma dang' akonyni kae? To ng'ata achiel nowacho ni "owadwa ma odwa ema mondo ikonyna" Nyasaye ne onyisogi ni her owadu mae ot kod nyimineni duto mae ot eka iher jowadu duto. 61 Owetena duto mae ot mawang'eyo kod mago duto maok wang'eyo ei ot, waduto wan lope achiel mane Nyasaye ochweyo. 62 Lemo mar yie nokwo ng'at matuo, ka en gi maricho Ruoth nogolne. 63 Bikira Maria en nyar Eliakim min mare to iluongo ni Anna. Kidi kod kidi ok nowere kod kidi wadgi, gini bed mana kanyachiel. Nyasaye ok dwar kuo, kuo ok ber kuom Nyasaye. Ng'ama okwalo oketho bura mar abiriyo. Ka iketho king'eyo to ng'eni idhiye mach.

67 An amar piny duto te. Nyuol to onyuola Nyando Angoro to sani Nyasaye oloka mare chuth. Sani iluonga ni Legion Maria of African Church Mission.
68 To ka Nyasaye okawa, (ka tho) nokunya Got Kalafare kama iluongoni ni "OKUONG" kanyo e kar lienda, to wi got malo to aweyo ne Kanisa. Makanyo ulemie ahinya ka Nyasaye okawa kendo utimie nyasi duto. To jopiny ok adwarie lienda ni goye koko. Jo-piny mobiroe to lemo kende e tich to gia, koko ok adwar..Ok akwedo Jo-Angoro to mak mana ni katho kata Angoro to nyaka Got Kalfare.
69 To an ok adagi ni ok adhi Hospital ka laka rama to adhi Hospital. Ng'ama tuo ema dhiye Hospital to ng'ama ngima ok dhie Hospital. 70 To kata mana Wilson Owino kogo koko to Police makanyo omake. Copy mar baruani adwaro odhi ka Police duto mondo ging'e ni an amar Legion Maria of African Church Mission to kod Serikal, katho to Got Kalafare. 71 Godno chunya nitie an ema ne abetie kotimo bungu kod thuonde omiyo kik ng'ato parni katho to inyalo kunya Awasi-Angoro, kata Nazareth kata Jerusalem Amoyo. Kata ka tho oyuda mana mabor kaka Nzoia gini, to nyaka Kalafare makata ringra dung' to Sanduk tayare nyaka Kalafare. 72 Kadem mangima ok adwar koko, Kadem ma Kanyarwanda nyaka Kakoth, nyaka Kanyuor, nyaka mwalo Modi ok adwar koko. Nyaka Watombori duto modak Kano Awasi Angoro, ok adwar koko elienda. 73 Mang'ama okelo koko, an mar Nyasaye anakwa Nyasaye noor polo apar nogo joma okelo koko. Polo goyi to Police bende maki.

74 Ok adwar koko an amar polo an gi jomarito. Jo-Pinje duto ok akwerni ok achiem kodgi, kata gibed Kadem, kata Jo-gem. Tunge piny duto ok adwar koko kilele mang'eny, lemo kende ma ng'ama oneno ka lemo oserome to odhi mana mos. 75 Ng'ama okelo koko to Police. Copy biro dhine Police duto kod advocate mara. Wan Jo-Legion Maria of African Church Mission, wan ok waywagre, walemo alema kaka nene opuonj Musa kod Joshua wuon Nun ni kik giywagre. 76 Joma otho ema mondo oywagre kod jomotho to joma ngima to olem alema. Mak mana ni chiemo ema kik utuona piny duto to mak mana kaka in Wilson Owino ka itho kuoma to ok achandra ni ateri Awasi, ayiki mana kuoma nikech ok in mar piny to an amar piny duto katho to Got Kalafare. 77 Kata in mana ja Police kiki ibi e lienda kod koko, ka ibiro to ilem alema mana mos to ia. Ji duto onge ng'ama siko e pinyni, ji tho duto remo ok adwar e lienda. Kata katho mana Awasi to itera mana Got Kalafare, kata atuo ahewora to got Kalafare, kama ase ndiko ma Police duto biro yudo Copy nyaka ma Koru, Muhoroni nyaka Songhor. 78 Gima omiyo an ahero Serikal, Serikal ema orita dinyocha onge Serikal Jokuoye dine osenega. An Serikal ema ayienge chunya kata Awasi kadhi, Serikal ema rita.

79 Adwaro mondo uwuothna ukuonde duto umanyna pesa. Ichako wuoth gi Alego Boro gi Maurice, Philipus gi Marsellus Bishop Sewe, Daniel Osuri mondo koro oyangre e lela, in Elias, Maurice, Philipas, Sewe gi Daniel Osuri wuotho manyo pesana duto kuonde magin tie. Mondo koro ng'at mogoyi kata ok ing'eye to idhi ka Police igoyo report nyaka Nairobi ni Mau Mau ma nyocha idwaro osepowore boro ka kendo igoyoji. 80 Okni pesana ema iserogo nyiri gi mon ka ihoyo gigo ok adwar. Sani udwaro chako tich kod Alego nyaka Gem, Sifuyono te kendo mana kiny moruu. Kata an adok South Nyanza to un uchaka chaka wuoth kiny moruu. Ogola Jacobo bende uwuothogo nyaka ei Kisumu, nyaka Songhor, Muhuroni. 81 Koro sani Miyengo dwaro chako wuoth ei piny duto te kendo awacho to Sewe in bende iwinjoni uwuotho to ng'atma mako pesa to en Maurice kata in Daniel Osuri, imako pesa to imiyo Maurice ndiko. 82 Pesana duto indiko ma ka ng'ato otamore ni pesa moko odong' ni ot to pesago uwene awena te. Kigolo pesa to igola gola duto maokni pesa moko odong'. 83 Kiny kiny moruu uchak goyo peksen Kisumu Town ka nyaka oko ei samba, koro wuok tich unumboure oko nyaka kuma Sewe ong'eyo. Nyaka Yawono te, Nyakach te ei dhonam ma Ouko ka jogo oyudi to wuoth ochuni ni ikowogi ei Nyakachno te. 84 Nyakach koro Sewe ema nitie kod Siprianus Ouko. Sewe osiepne machon to lazima mokuongo nyaka gikuong gi wuoth nyaka ei dho pi, nyaka Bwanda, to Osuri bende gi kalam elwete gi Miyengo Bishop. 85 Ma ka gitieko to gidonjo ei Bondo, Yimbo, Asembo, Uyoma pinyno duto te. Pesa duto muyudo oko ukelo kuom acting'na goye seyi, un bende ugoye seyi. Eka an bende abiro akagua gi to akete seyi koro aneno madhiye Bank to gima adhi bende chamo achama. Pesana michamo achama ekor piny adagi. 86 Bishobe duto te te te ma Suoth Nyanza bende ubiro dhi wuotho kodgi kod Marsellus Bishop Sewe gi Osuri Gi Owuonda Bishop gi Miyengo Bishop koro Bishop mokelo koko to inyiso Chief Onyango soyo e cell. Ubiro wuotho nyaka ei Karungu, Sori Pinyno te.

87 Daniel Osuri ema biro ongoza Harambee mara. Anto iruaka kaka jakom matin to Papa Matakatifu e wuon kom koro pesa duto kadho ei bwoi kod an, ma itero e bank itero to modong' to imiyo Papa matakatifu. 88 Marwani en mana kwe kende to ng'atma ong'eyo ni ojasiasa to odhie Bunge to marani to lemo kende. Kaka Simeon osewacho tosha. 89 Wan ne wakawo register ne lemo kende, bende ok wan josiasa. Josiasa ema kulo wigi ne Serikal to Serikal to kulo wigi ne Nyasaye. Pesana ema adagi ni ok cham. Wan marwani ok kiki kod Serikal maka ikike Serikal to pesano aweyo aweya an. Marwa watimo atima kendwa. 90 Baruwa manyocha andiko koa Busia kuom wach mar Okola ok andiko miriambo, to andiko edier mane awinjo ka abet piny eot mar acting'na ka isiemo jatichna ma aoro ei piny te eod acting Papa matakatifu ni ibiro toyo wiye ei Boro Diocese. 91 Nopenj maber wach gi ecclesieche duto te ma Yimbo, Bondo, Uranga, Kirindo pok olosore maber. Mae momiyo andikoni piny mangima ni siem misiema, Kisiemo Elias to isiemo piny mangima, kisiemo kata Daniel Osuri to isiemo piny mangima mae emomiyo adagi ni pesana ok dhi Sifuyo. 92 To ka pesago gin meki maok isolo kuom jokrestus to itamrie. Ka gin maga to gidhi ei bank Siaya kata Suoth Nyanza, mano to ayie. 93 Baruwa mar Tittle Deed ma Sifuyo kod seal adwaro. Wan duto wanie achiel kuom Yesu Kristo ok abi kwer ni ok an mar Yesu, anto ema orita. Kata in Police isom ni Yesu e jarit Simeon Melkio. Kata itama lemo to ing'e ni an Yesu ma wuod Nyasaye e jaritna koro ka gineno ni rach negi to mondo gidhi gimak Yesu.

94 Ji oherre ahera, hera machon odhi kanye yaye Jo-Legion Maria? Koso obel odonjoe chunyu? Anto chunya atuono obel, an Nyasaye pod nie chunya. 95 Kata in Ja Kenya go chongi piny ilam Nyasaye aye siasa. Kata in Police timie ng'uono igo chongi piny ilam Nyasaye iaye siasa chuth. 96 Ng'at ma lamo Nyasaye ndalone nomedre mathoth. Kata in raia lam Nyasaye aye siasa. Wan chakruok pinyni ne wakia, joma kwedore gi Serikal achiel kende tu, en Yesu, gi machielo marito pinyni ma Nyasaye ema ong'eyo. 97 Wan to wan jo sirkand polo gi pinyni. Sirkand polo to rito chunyu to Sirkand pinyni to rito ringrewa to lazima serkand pinyni okul wigi piny ne Nyasaye nimar Nyasaye ema omiyowa loch pinyni. 98 Anto achunogi ni lazima nyaka gikul wigi ne Nyasaye gilam maka rachnegi to gimaka. Gimany kuma antie piyo piyo. 99 To bende pod an kuma Charles Cheregony nitie, kata Kwoyo K'Odero kacha an melkio, Emmanuel, Lordvicus an ema awacho wachno awuon ok ng'ato. 100 Kata in mana Jakeya, kata ibed mana Ja Police, igo chongi piny ilem. Nyasaye ema omiyo nyithindu rieko mar riembo Ndege kendo emomiyo an aketo lazima gi thuon ni lazima ugo chungu piny ulem. 101 Kata ibed mana raia to lazima igo chongi piny ilem ma ng'at modagi to omany Ruodhe. Wan duto wanie achiel ei polo kucha kendo an aungo Yesu lwedo. 102 Anwoyo diriyo ni an aungo Yesu lwedo, koro ng'ato modagi unge lwedo to chieng moro bende inibi malo ei polo kucha to nopenji gimomiyo ne itamori ungo Yesu lwedo niwach ang'o? 103 Koth e wuon chiemo ka ulamo Nyasaye uduto te Serikal nyaka raia to koth chwe achweya mang'eny mabe-e-er. Nyasaye ohero ji duto te kata ng'ama owiti to Nyasaye ohero. 104 Pesana to adwaro duto te, to kendo Sewe e Sub-inspector maduong' mabiro wuothe pinje te. Ee aungo Jo Malaika lwedo manie polo kendo waungo Jotakatifu duto lwedo nimar ginie weg serikal, wan bang' serikal te. 105 Achako anwoyo wan bang' serikal duto te wan Jo-Legion Maria of African Church Mission. To apenjo Serikal nito duyie mondo ukul wiwu piny ne Nyasaye? Jehova ywak ei polo kucha ne Serikal gi raia duto te, Nyasaye ema omiyowa Lojni, uyie goyo chongu gi kulo wiwu piny ne Nyasaye koso udagi?

106 Kata un Jo-raia duto te kata ma ok lem ei Achemes (C.M.S.) Kata maonge ei Catholic, ung'eyoni Nyasaye ema omiyou loch? uyie goyo chongu piny gi kulo wiwu ni Nyasaye? Nyasaye wuon polo gi piny chuny nono maonge ringruok. 107 To pesa mane dine uwinjie chon ni pesa dine negie dhako kod dichuo cho-o-n. Ananias gi Safira chiege ne ang'o mane onegogi? Ananias gi Safira chiege ne gichamo pesa Sadaka. 108 Pesa chiemo misologi ema nomiyo Nyasaye nonegogi mowitogi ei mach maoktho. To un, un Jo-Legion Maria of African Church Mission ang'o momiyo uwuororu gi pesa? Ok rach chamuru achama to gikone Nyasaye biro sandou malit. Dhano to lowo, dhano en lowo motop mang'we. 109 Dhano en lowo ndi, to gima ber chunyi ema onego bed osiep Nyasaye. Ndalo biro ma nuwachi ni dine ang'e ok dine aweyo lamo Nyasaye. Emomiyo makuru osiep kod jotakatifu. 110 Gima agoyone Arap Moi erokamano en Kong'o, to nikech kong'o mayande mayowa pesa koro sani piny Nyanza ka okwe maonge taabu mang'eny emomiyo walemuru kwa goyone Arap Moi erokamano. 111 Nyasaye wuon polo gi piny ne oseloso pinye owuon to enie wuon Serikal to ng'ato madichiem gi Nyasaye en ng'a? 112 Nyasaye wuon polo gi piny en chuny nono maonge ringruok, okuodhonwa ei chunywa ni mondo wabed maler, wawe madho kong'o, wawe chodo nyiri gi mon mondo wabed joma beyo malamo Nyasaye kende. 113 Lemo mineno ichayoni, lemoni obe-e-er ei polo ka to joma ok ochaye none maber ei polo ka.

1 Yawa ung'e maber ni pi eri wamodhe. Wamodho pi maricho ei aore, wakia ni thuol nende owuothe pigni gotieno, wakia ni Nyang' nende owuothe pigni gotieno, wakia ni kudini man gi sumu owuothe pigni gotieno. 2 Yaye chwakuru pi mondo oneg yembe maricho mag sumu mag gikmoko mawuothoe pi! Wek modho pi maok ichwako kata obed mana pi koth to nyaka ichwake ma ithiwe maber. 3 Kik ited kod pi manumu maok ichwako. To kapok ichwako pi to nyaka ikuongi ithiw pi eka ichwak godo kata en rech, kata obed ring'o to nyaka ited gi pi mochwak ma kik ia aaya oko gi pi to iole Agulu kata Sufuria ni tedo godo maok ichwako pi monego sumu maricho. 4 Mae puonj magolo ne Jo-Legion Maria kod Serikal bende. Ni kik uted gi pi manumu maok othiw ma ochwaki ma kendo othiw maber bang' chwake. Tedi uru gi pi mochwaki mothiw maber.

5 Oyawore uru duto te te te. Adwaro puonjou wach Nyasaye. Kudwaro mondo ulem ne ng'ato to kiki uruyo (rudho) lemo. Ka ng'ato pod oomo lemo to uchiko itu to kotieko eka joma odong' oolo, ang'eyo ni pod un mana joma ipuonjo mana seche duto.

6 Kitero lemo mos eka ng'ama ilemone chunye duogo ni "adwaro tho to kare an kod Nyasaye buta" Lemo makamano nyalo luongo Malaika mapiyo piyo. Weuru goyo nying wuon ma ok owinjore, mano uyanyo Nyasaye. 7 Jomoko bende ketore e duong' kendgi to kata Papa bende kia wachno. We ji ema mondo omiyi duong'. Ka awacho adier to dak uluru gi chik. Ka wuora ok donjie gi lemo maneno kagi, miroknigo kagi. 8 Kapod ikia dhowa, lem kod dhowu kata ibed kabila mane. Joma nie polo winjo dhok te, kata obed mana English to giwinjo.

9 Ka Padri dwa chako misa okuongo otimo ranyisi mar musalaba kowachoni "In nominePatris.....", to mano ok en chiwo hawi ahinya. 10 Naneno weche duto e polo to Yesu noketo weche adek, mokuongo en lemo, marariyo en hera, to maradek en kwe, kik ugore e uteu kuonde ma udakie, luorre uru uduto.

11 To gima ne onyisa kendo, odagi kong'o, sigara to gi kom nyaluo . 12 Kata kidwaro Kom mar sand Ruodhwa kik iket kom nyaluo, los kom moro nono to ikane mana kor rwakruok, to sama iwero Credo to ibetie. Mano e kom mane ojarie Ruodhwa. Ne gikawo ludh ruodhwa ma gituro, negi goye ka remo chwerie ume kendo gigweye. Komno noketie Ruodhwa ni bedie gi thuon. 13 To kom Ruodhwa mane ochieme Jo-catholic nokano, tinde eka igologi oko. To adwaro mondo umanyna law Ruodhwa kod kom duong'ne mondo amiugo hawi. To ka komno pod onge to hapu bende pod onge. 14 Yesu nonyisa kom achaya, en kaka kom nyaluo mane kwerewa machon betie. Aywaknu beduru joma oherore, weche duto mane onyisa e polo pok atiekogi. 15 To nagolo matin mane omiyo aninde Jela Asego, marariyo Kodiaga kendo maradek ne omiyo Got owang', omiyo moko pod aninde. 16 Owadwa dipo kigalori ni itho wuoyo awuoya to kare kata ng'ama ichiemogo ema negi. Bende ing'eyo gima ne omiyo Ruodhwa otho? 17 Judas eskariota mane kano pes jomodhier kod chiemb jowuoth, en ema ne ondhogo Ruodhwa. Omiyo weche moko awito. Mama bende nowuotho e piny Misiri. An aonge wach, aherou te. An kata ok uhera to heruru Nyasaye. An an kaka chuodho an kaka un, Nyasaye ema mondo obed tekreu.

18 Nitie jomoko malemo kae to parore ni eni warwenyo koso waluwo yoo. Kik uparru kuoma, kaka uluwo bang'a e kaka an bende aluwo bang' Otunga kod Pope Paul. 19 Omiyo kik uparru ka uluwo bang'a. Yesu bende nene uluongo ni Jachien to e Jachwech. Weche duto to ok anyisou to nikech gima ne usetimona ema obuoga. 20 To nonyisa ni ng'ama odagi to owe, enone moudo lak kod pii wang'. Oyawore uru duto kendo ! ang'o momiyo chunyu ner? Lem uru alema. An kod sani ang'eyo ni kata atho sani to adhi e polo kae. 21 Omiyo kata ituona chiemo to ok alawi. Nadonje e ot moro makata mos mar oyawore onge. Kata olawu ok ng'ulie. An nosema kod thuon mane abaro kod oko kata kuma nonyuolae okne adonje. 22 To gimane aneno kuro, mano piny maber ! Lum mani kuro mit kaka Sukari. Yesu nonyisa ni nosandi, nogoyi, notweyi to kik ikechi. Uhuru mar Serikal kod mar lemo, owuokie got Kalafare. 23 Awacho gi thuon! Gima anyisou, kudwaro nono wach dhiuru ir Yesu An an mana momo. Malaika manie piny polo ok nong'e thinyruok mar wuod dhano, Nyasaye wuon ema nong'e. 24 To Nyasaye pok obiro e pinyni to enie chunywa. Samoro ileke aleka ema omiyo nyaka upar kendo unono wach maber.

25 Polo onge ng'ama oti kod wuoyi ji duto romre te. omiyo an ayie lemo, onge gimoro amora ma notama lemo. Kata in Ja-catholic, go chongi piny ilem. 26 Mokuongo nagalo ni an kenda e ja-Catholic kaka awinjo ka jomoko wachoni an Ja CMS, AIC kata Islam. 27 To ang'o momiyo kitho to irwako Musalaba e ng'uti? Ji duto lemo alema tendeng', kendo gin mana Jo-Catholic. Nyuomo mon, uhero mana chode to chiegi to in godo. Nyithindi bende opong' to umedo mon nango? 28 Mano omiyo hapu onge. An atin marang'o aweyo nyombo? Un ok uparie kanyo? An bende chon ne ahero timbego to aweyogi nikech aneno ka piny polo olomba. Ng'ama okawo dhako marariyo ochimo mach! 29 Ng'ama okawo chi ng'ato kata bed ni onyuome to ochomo mach. Chakuru chon utang'. 30 Sani polo koro opong' kod wach mang'eny, ng'ato ochopo gi wach ni omaya chiega, machielo bende ni omaya nyara kod thuon. 31 Ng'ama okawo chi ng'ato iyale buch fuwo, gi buch mach. Ng'ama okawo nyar ng'ato iyale gi buch "raka" en bende iyale machiegini gi buch mach. 32 Ogwal bende ochamo. Ng'ama otho kod gowi higini (28) piero ariyo gaboro e Purgratori. To missa to isomonu ei Purgratori kanyo. To chieng' ngeso to udhie polo Jumapili ulemo to chieng' wuoktich kochopo saa 6 to ng'wech ma thiri ng'inyi mochomo Purgratori. 33 Omiyo anyisou ni ng'ato kik tho kod gowi. Dhako mayanyo chuore eyo manono, dichuo mayanyo chiege eyo manono, mach e giko. Beduru johera, un joma oserwako law maborni ujohera. 34 Joma dhaw Nyasaye nenou maber. To obiro sandou. Eka aneno piny polo duong'.To ng'ama ohero Nyasaye piny polo nobed mari manyaka chieng'. Yesu nowacho maber ni onge ng'ama nokadhie rangach ka ok onene. 35 Nyathi kik iyany meru. Dhou obedie achiel. Mae jaduong' maru miluongoni Baba Matakatifu enie tachu, kendo enie tacha. To akiani onindo kama nade. Paruru maber kaka unyalo loso jougi. 36 Sani lepgi ler matin to nyocha gibiro kuoma kagilil ahinya. Ok adwar ni ibiro kod lewni molil buta. Adagi. Nyaka upar wachno Jokrestus. An kata anind kama rach to an ng'ama duong'. 37 Amor ahinya ulosa to nyithindagi bende upar. Kamano kende joka Mama. Hap nyasaye obed kodu manyaka chieng' higini gi higini. Amen.

38 Oyawore uru duto nyikwa Abraham! oyawore! oyawore uru kendo! Oyawore! Nyasaye mondo ogwedh jo Legion Maria duto kuonde duto piny mangima Kenya, Uganda, Tanzania nyaka kuonde te, amosou amosa. En mana mos ema amosou kod wach madwa wacho.

39 Kuom jokrestus un ema uchiwo nyiu uwegi kendo koru othung' to an pok atale wach moro. Un Jo-padri kod Bishobe ka nyithindo ma nyiri konyou tich to ang'o ma omiyo uloko gi mon? An ok ne awach ni mondo ulokgi mon. 40 Kata misungu ondiko jotich mang'eny machwo kod manyiri to ok gi nindie ode, gitiyo to gidhi ginindo mana kuonde nindogi. To ang'o momiyo unto ulokogi mondeu? 41 Ok an ema aor jogo be ni mondo olokgi mondegi. To bende in jadolo miketo inyuolne chuo waduno, ibiro aye gi badi makata inyuole wuoyi kata nyako mokawo kiti ndidi ndi maok pogigo to inyuolo mana ne wuoyi wadu, ifuwo ichandori kayiem ibiro tho kaguok. Chak chon iaye timbego. 42 Jodolo wadwa tim ma utimoni omitnu to onyamin ywak, kendo nobedni malit ka koro ineno ka kothi wuotho oko kamae tineno, imako umi litni ndi, inyamo ywak. 43 Omiyo parreuru ane kuom wachno. Tich to jotich duto te mamon gi nyiri mondo gi tine jodolo mag eklisia Nyasaye to ber mondo gitinu e seche mag odiechieng' to kochopo saa apar gariyo tichgi orumo gidhi kar dakgi koro odong' watoto missa ema koro dong' katiyo tije modong'. 44 To ka ng'ama oneno ni idhi nyuome to onyuome, to ok ei kilisia, odhi mana dalagi ema mondo wuoyi oterie jowadgi giwinjre eka mondo ochak tero dhok, to ok nyuomruok mar kuo kuo gi. 45 Ero awacho to ok aketonue amri to mana ka un bende uneno ni bernu dang' konyu. To ka udagi to bende ok rach unune kod wang'u kuma chike tekie. 46 Koro kinwang'o chiemo to iyuyo ayuya iweyo mana ni mano chiembi mapile pile ok ing'eyo ni ogoni mana karibu, ogali omoni puro puothi iwuon mondo okonyi. 47 Koro nyathi minyuolo oko ma ok inyuole ei pacho dalau, iparo ni jo-odu go, oweteni dibedi mamor kodi ni itimo tim lela? Bende mano itimo maber koso dibed tim marach? Parrie ane katimno bende ober koso rach? 48 Koro ka wuon nyako nobi iniwach ang'o? Un upiedho wiwu ni ka nyathi manyako tiyoni to iweni ochiegi! Ka wuon nyako obiro gi wuoyi makoro dwa kendo nyare, to iyude mana kothir gi ich kata en gi nyathi elwete, koro aye wuon kawe miye wuoyi, in idong' kanyo kikumo ni ii. 49 Mano ijajuok ok ing'at makare, moloyo chutho many nyako inyuom iriwgo matirimanio.

50 Jonabi duto ne onyombo. Elkana ne onyombo, jacob nonyombo, Daniel nonyombo, Jairo nonyombo, neginyombo te to negin jonabii. Ng'ato mondo oriw arus mondo odhiye polo. 51 Jokrestuswa, Kenya, Uganda, Tanzania, chutho Jodolo machon ne itiyonegi kod joma chuo. Emomiyo koro agolo chik ni kuom Jodolo magwa onge nindo onge nindo gi nyako ei ot kata dhako, mano iketho afya (ngima) mar polo omiyo jopolo opingo wachno. 52 Kata nyakanene chakruok gilala ne nitie jotich machuo gi mamon, gi nyiri to tim anjawoni ne onge.

53 Kata kamano tim makoro itimo atima adharani ok ber, makata ng'ama yande olewo maok dak onyomboni orach ok ober. Kare bedo misumbini mag ji ober koso orach? 54 Dichuo wadu oketi inyuolne anyuola ka misumbane, makata mon mane nyuol otamo gi chwuore, kata dhako majaksoni manyuol otamo, winjre gi chwuore ni dhiyo idag mana ei Kanisa mondo iyudie nyathi. 55 An akelo lemo ni maler maonge chode to ka ng'ato oketo ni chiemo ayuya, to bende noneye gi wang'e.

56 Kik ng'ato ket ringre kayongo, ni kiketo ringri kayongo ni eka ibed ng'at maber e pinyka kata inyako, kata iwuoyi. Mano tim manono machieng' mitho to ichako yali gi ewi liel nyak idonjie ei liel iyali. Mano pok ichier, bang'e kise chier koro eka iyali maber enyim ji duto. 57 Sama uthagoru to koro ufuyo mana e ute mon malich, to sama ase miyougi ni mondo gikonyu, to kendo ukawogi mulokogi mondeu, uteruru kodgi kata joma nigi mon kata misumbini. 58 Mano omiyo nyaka kawuono adong' gi higini abiriyo makaneno ng'at mochung' kod ng'ama nyako to atweye jela, Police ema make sano to ok ochak obed Jadolo mar Legion. 59 Agolo amurini chuth ni chakre saa apar gariyo, wasista koro obed mana e jikondgi kuma gi nindeno. To kayudo wuoyi e odno to olewo. Kata ng'ama manyako kadhi ayude ute joma chuo sano to lewo. 60 Ka ng'ama iye lach koro oted kende maokni ng'ama nyako. Kendo chakre Deacon, Toto-misa, Brother, Bishobe kod Cardnache aguro amurino kawuono ok adwar dwanyruok. Mano kende Jokrestuswa oritu duto.

61 Oyawore uru duto jopiny masira, ne wachokore ji mang'eny to adwaro mondo ji oluokre. Yawa piny biro ma ji biro lokore ondiegi gi thuonde kendo ubiro neno jochiende molokore thuonde Rachier, Amadh chak kod ngiri, to biro nego ji. 62 Jopiny masira, timo richo ema nomiyo wuod dhano oweyou. Abraham owacho e polo kucha ni mondo ka uyie un jopiny masira to mondo uger ne Ruoth ot maber ahinya mar kidi, mano to gi nyalo weye mondo otim puonjou, to ka ujok kode ok udwar gerone ot malong'o to jopolo owacho ni gibiro oome nimar gineno ka utugo kode.

66 Oyawore nyikwa Abraham, an awacho ni ng'ato ka ng'ato olam Nyasaye ahinya. Kineno ka ng'ato nie lum kik ichaye to kony uru jowadu gi lemo, bende weuru bedo gi chuny maparore, gima Yesu owacho ema uriti kendo gima chuny matakatifu owachonu ema utigo. 67 Weuru ichlit ng'ato ka ng'ato lembe ema nokonye. To gima rach achiel, aneno ka chunyu orem e kor yoo, nikech kapimou mos sani to aneno uwuonda to ka aleng'orani ii to uchako miriambo, un be Kuleng'oru buta to uchako chodo mondeji, mano kende ema uromago joterregi. 68 Uparo ni gik ma utimogo biro konyou gang'o? Chakruok na nyaka aye thinna pok aneno Jarateng' mochoko ji kamae e piny, unbe useneno? Ere ng'ato kuomu kae moseneno jarateng' mochoko ji kamae e piny kata da obed ng'ama nade? 69 Amor kodu nyikwa Abraham, to timbeu ema biro jemonu, nikech uchayo Yesu gi Nyasaye. 70 Ruodhwa nopenjo Petro gini mokuongo nito uluonga ni ng'a? Jomoko noduoke ni Johana, to moko ni Jahulo. 71 To Ruodhwa nopenjo Petro ni into iluonga ni Ng'a? To Petro noduoke ni in e Ruodha gi Nyasacha mane oor mondo piny ocham kendo onwang' kwo kuome to adiera ok tow, an abiro mana mar chopo chike. Ok nabiro kethogi to kaka nondiki e kaka watimo. 72 Ruodhwa nowacho ni bang' tungini mar piny, ana duogi diriyo. Parruru wach Nyasaye achiel kende to adwaro ni ulos kuonde buoro magu to ka ok udwaro loso kuonde buoro magu to abiro weyou kendo abiro dhi loka Misiri. 73 Hawini en mar Jo Africa duto, to adwaro od kidi maduong' e Jerusalem Amoyo Kadem kae, mamara. Ekilisia maduong' mar kidi. 74 Adwaro ot maduong' mar kibanda maraon mar kidi mar jotuo. Nzoia bende adware od kidi maduong' kod kilisia maduong' mar kidi ei central Nyanza. Tanzania Kafernaum adware kilisia maduong' mar kidi kod oda bende. Uganda bende kamano kod Congo, Rwanda kod Burundi.

75 E piny mangima adware kilsieche madongo moger gi kidi gi oda be ma Jerusalem ka mapiyo ahinya. Ute lemo madongo moger gikite adwaro e Africa mangima. An ne abiro chuth e Kenya kae maka Jokenya kae ema oriemba to an ema ang'eyo kuma anyalo dhiye, koro mano nobed wachgi. 76 Ywago ang'e bang'e e marach. Misiri to abiro dhiye adhiya to adwuogo, to onge ng'ama nochak onena kendo kaka unenani. 77 An kane abiro kapod awendo to ne umor koda ndi Jarateng', to tinde to uneno ang'o momiyo uketa e dhier malich kamae, koso unena ni an mana chuodho ka un ok an Yesu? To ugoya kamano nang'o? Kare mae ngero mane Ruodhwa Yesu Kristo nowacho gi dhoge e piny chon, momiyo uketa e dhier malich kamae koso unena ni an chuodho ka un ok an Yesu? 78 Kik ugorru un Bishobe kendu, ng'ama nochak laro tich kod wadgi, mach biro wang'o ume, ka ok kamano to an ng'a ka ok an Yesu? 79 Weuru goyo jowadu, wuon piny pok obiro ng'ama ogoyo nyawadgi to mach biro wang'o ume, lekene, lewe kendo mach nowang' nyaka dande ma iye chuth. 80 Adwaro ni mondo ubed kaka Jotakatifu mae polo, chakre Central Nyanza, Suoth Nyanza Nairobi, Mombasa, Tanzania, Uganda, Congo, nyaka Rwanda gi Burundi, piny mangima kamora amora ma Legion nitie. 81 Owetena, Wuonena kod nyiminena eka amor kodu higini gi higini. Koso bin diponi gigeu ma umiya gi ema akawo kaka Nyasacha ma alamo? 82 Un Cardineche kod Papa beduru kuluoro nyithindo matindo mae bwou. Wasista bende oluor wasita ma Pate wetegi ahinya ma mathe. 83 Nitie wach achiel ma chandowa ahinya ei Ugenya kucha, adwaro mondo unyisa nito udagi muono liend mama koso uyie mar muone gi simiti? 84 Lemo to lemuru alema makata in mana Joseph Oyugi kata ni Joanes Muga, kata in Carilus Mumbo, kata ibed mana Simeo Ondeto, kata in mana Timotheo Atila, ilem ma onge siasa kata matin. Anyalo bet kodu kubeyo to ka ok un jomabeyo to ok anyal bedo kodu ndalo mang'eny. Kare e gin Yesu owuon nowacho ni ok gini winj kata matin kata gi ket negi mana Papa.

85 Mon duto ma chuogi oriembo kata ma chuogi otho, mondo odagie Kanisa mos. Ka machure oriembo to oyalo gi chuore moyud baruwa mar divorce chuth eka obi e Kanisa to ka osedak e kanisa to kik oketh kendo. 86 Konyuru mond liete duto mathagore, weuru ketho kodgi ka uteruru kodgi, mondeji be weuru terrurugo. 87 Bishop oluor Cardinari ahinya, Cardinari bende oluor Bishop ahinya.. Cardinari, Pate, Mothers kod Jokresto duto luoruru Papa ahinya, en e wang'a, ng'ama oluore noyud gweth, ng'ama ochaye noyud pokne mar kuong'. 88 Tich mitiyo ok nokadhi nono ma ok iyude pokne. Pope bende oluor nyithindo matindo kendo oluorna gi ahinya, kendo oherna gi ahinya.

1 Kik ng'ato pogre ni lemo kende Mago e chike mogur e kom duong'e polo kucha. Kik utho puso weche apusa, un jokresto. Beduru gi luor kata un kendu adwaro mondo luor kod hera obedi e kind jokresto gi jowadgi. 2 Ero kamano uru Jodong Ekilisia, guro to koro uguro ndi, to wachna to ok owinji, un kata ng'ato chier mana koa kuom jomotho to ok unyal winjo wachne. 3 Bende ung'eyo sama yamo kudho kuma oaye gi kuma odhiye? Mondo uparane malong'o. 4 Kik ayudni upogo lemo, ng'ama pogo lemo maok adwar riwo lemo gi jowadgi, ochomo yor mach maiye. Kik ng'ato opog lemo ni olemo yore. Riwuru lemo kanyakla achiel eka lemo donjo maber. 5 Ka kilisia ni machiegni, to riwuru lemo e kilisia. To jogo modak mabor gi kilisia, to nyalo riwo lemo e od jakresto moro mani machiegini mondo lemo odhi kanyakla achiel. 6 Mago e chike ma aguro kawuono ma onge kadho. weche duto mase nyisou ema mondo upar kendo utigo. Medo dhako marariyo, ok adwar medo dhako kendo machielo e Legion Maria ka, ng'ama nochak omed dhako kae, to mano omedo chiege mar mach. 7 Onge mana wach. Dhako mimedo e Legion kae onge, adagi gi thuon. In nyako kik ited ne ng'ama nigi dhako ni idhi bedo dhako mar ariyo kata mar adek, adagi chuth ma kidhiye githuon to chak chon iwe lemo ubiro dhiye mach kayiem. 8 To kadipo ni nitiere polo mar mondigo, to bende ok rach. Kik uyiene jopiny nyuom nyiu, ka in nyako ma nyar Legion to kendo ok ileme Legion maria, kik itedne japiny, adagi Nyasaye bende odagi e polo kucha. 9 Konyuru jowadu gi tich, kendo ukony Jodolo magu gi pur, kendo mando ulosne tijene duto maber mondo kik umi Padri tich matek e Kilisia. Kik ikaw chie ng'ato, mano rach kapok otieko wechene gi chuore aye imiyogo Padri tich matek e Kilisia kidwaro ni padri ema oriembe. 10 Tich Padri maduong' en miyoji uksio machien, Baptism, to gi puonjo wach Nyasaye to ok golo mondeu mikawogo. Kuonde duto ma chokruok dhiye, Tanzania, Uganda, Congo, mondo ubed mana gi wach achiel kende ni luor kod hera ema adwaro. 11 Onge wach machielo makalo wechego. Parruru Jo – Africa hapu biro yombou, puonjuru kuluoro jotelo madongo mano ket kod piny mangima machalo kaka Petro ma Roma, mondo uwinj weche duto ma nowachonu, ng'ama nocha weche mowuoke. Gin bende ka gini cha nyithindo magirito to mach maiye.

12 Kik lepu riwre gi lep Wasista, beduru kodgi mabor kata ei Kanisa duto ma untie. Kik ubed jogo mamiya mana luor sama unena e wang'a ka un buta to kuleng'oru to uchako miriambo kendo uchako dwanyoru gi timbe magala gala, uparo ni sechego to aonge butu? 13 Koro e anyisou weche chon, kik chieng' moro ukwer nine ok uwinjo, ng'ato mapod misumba ma pok onyombo. 14 Ruodhwa nowacho ne jootene ni adhi mondo alosnu kar bet to beduru gi hera ahinya, kendo mondo uluor jotelo ma Nyasaye omiyou e pinyni.

15 Wach ordini olor kochakore kawuono. Kik Bishop kata Cardinari omi ng'ato ordini, Mama pod olore. Ruodhwa ero jobiro gi Abraham, to kata kamano, kik ng'ato wuondu gi weche manono. 16 Aneno ka wasik musalaba ema ng'eny e piny, to kik giwuondu, ero girwakore gi lep rombe. 17 Kuwinjo ni ng'ato tuo e Kenya kata Tanzania, au Congo, Uganda, Rwanda gi Burundi, kamora amora ei Africa mangima, riwneuru lemo ka ukwayone gi lemo achiel, ma kik ng'ato wachi ok okwane ng'ama ok ong'eyono. Mondo ung'e ni mago gin oweteu gi nyimineu ni mar Nyasaye nyalo oro joge e piny kukia.

28 Oyawore uru duto nyikwa Abraham. Sama ne adhi Armus okinyi naneno kamane Abraham ochokore gi joge, to ne giyalo Bishobe gi Cardnache. To ne oyudi ka Bishop achiel nigi kosa maduong' ahinya, to ne gin Bishobe machon mag Kaisar. 29 Achiel kuom Bishobego, ne onwang' ka nigi pesa mang'eny mohewo tekre. Ne gin pesa mar Jo obatisim gi mag Konfermasio gi mag joma kawo kos mar tich Padiri. 30 Cardinari achiel bende ne oyud gi pesa mathoth, pesa mang'eny ahinya, nikech nohero "acham ayieng'". Cardniari machielo to oyudi ka en ng'at ma ok owinjore gi gitich mar Kresto, kendo ne gin Cardinache ariyo maricho to ne gin mag Kaisar. Bang' yalo jogi, ne aneno kowitgi e mach. 31 To kaduogo e piny to ne ayudo ka ringre gi pod ngima pod lemo to buchgi ma ei polo kucha to osewiti e mach. 32 Jotakatifu maggi kod Malaika majoritgi osebologi e lwet nono nimar bura noloyogi giwegi. Nyasaye owuon nogoyo ngero ni nyathi matin ema nodonji kuoma to ng'ama toke tek to nocham thuone!!. To Abraham noduoke ni Ruoth adier kaka idwaro e kaka itim, nimar wan, wan chuothe ma onge gi teko. 33 Bath piny konchiel biro nimo bat korkacham, kod remo gi pi wang' to kata kamano pod odong' higini gana apar eka notimre. 34 Nyasaye wuon oluwo gi dhoge ni wuoyi maduong' osemi loch, to kik okethi nikech ochung' e lak ngegu matut, to koketho to dochik kanye.

35 Nyasaye chuny matakatifu to owacho ni jorotenge ma Jo – Legion Maria mondo ni ong'iew lewini Marochere, majan Kabich, Alum, Mbulu lawu makite achiel ok odowo. 36 Loch momiwa en loch lemo. En loch mogurore higini gi higini. Ng'ama oketho kende ema imako itweyo, ng'ama ok oketho to ok twe. Nyasaye wuoyi ker marariyo mar didek matakatifu, en to oluwo gi dhoge kowacho nito wuora, koro mumiyogi loch to magichayoi achayani? An gichaya giloka mana chuodho motow. 37 Ruodhwa Yesu Kristus owacho gi dhoge niya, "ne asandora malit, remba nochwer malit nikech maricho mag ji anto gimiya ang'o? 38 An wuod dhano adhanani" Ruodhwa ywak malit ka duonde kirini ni seche pok ochopo mondo oketh piny gi masiche to wuora ka in ema ne imiya teko ni mondo adhi aketh piny Sodoma gi Gomorrah, to kane idagi to ne awegi to ne awegi gi mirima. 39 Bath piny konchiel piny Jorochere oseneno to ka loch nochop kare kuom Jorateng' to natim wegi mondi, ka ginidhi gi tich nyime maber ma ok gisand nyirombe. 40 Singruok mar wuod dhano ok norum kaka ne owacho, ok norum kata matin. 41 Adier adier awachonu unune polo ka oyawore, wuod dhano enobedie wang' rangach kod kome eka nowach ni, "un ji duto moyie koda, biuru ira kae" kendo unune ng'at moro miluongo ni Messias e pinyuno eka Ludh Yuda nogol moos kendo enomiye ng'at moro miluongo ni Nikodemo to Papa mar Jorateng' Timotheo Blassio Hitler ema norwakne Osimbo.

42 Abraham nolemo ahinya kendo nolemo koywak ni "Ruoth, Ruoth kecha an nyathini majaketho kikiwit chuny nyathini e mudho, Aa Ruodha gi Nyasacha! Lemo mar riembo jochiende, lemo mar kwero. 43 Piny polo en piny maler kendo ober ahinya yawa rang yo machieng' ringre matoka oseburore malich kendo ochiegini mana dinore, mudho biro lilo piny matek ahinya to ka ok walemo matek to ok wanyal. Kwauru Nyasaye mondo okonyu to ka ok ukwa to onge mich moro amora mano aanu kuom Nyasaye. 44 To neuru, paruru anee kaka udak ei piny masirani ka, kuom Pontius Platus, an ne ok abiro ng'ado bura mag mon ei pinyni. An ne abiro yalo negi wach ngima mar polo. 45 An aonge gi teko moro amora ma ang'adogo bura ei pinyni, kod obani. Kiyewa mantie ei pinyni mondo wakony, kiye machuo gi ma mon wakonygi gi udi wakonygi gi chiemo, wakonygi gimoro amora machalo lawu bende. 46 Bishobe duto mondo gibedie achiel kik moro pogre gi jowadgi, moro ma opogore gi jowadgi to mach kendo, mach nochak luwe gie dande tir nyaka sundune. 47 Jopate duto mondo obedie achiel gi jowadgi, Cardnache bende kamano kik ayud moro mopogore gi jowadgi. 48 Jokristus duto mondo obedie achiel gi jowadgi ma onge pogruok moro kendo mondo ubed gi hera maduong' ahinya uduto. 49 Weche ma an go e magi; kuom Sacrament – Baptism, Confermassio, ukarestia, pentinisia gi maturmanio, mago kende e Sacrament mag jokristus. Ordini en mar Pate, Bishobe, Cardnache kod Pope gi mothers matiyo e eklisia mar Nyasaye, to mana jogo ma oritore maler kendo ma odimbore maluwo Nyasaye tir gi adiera.

50 Ordini ok mi jachode kata jakuo, jamiriambo, jafwong' weche ma thoth ne ji, jadhawo ma goyo ji, janyiego ma ok dwar jowadgi, ja ayany ma yanyo ji, mago ma ok dwar jowadgi kod mathuwoji, jalweny, ja ayany ma yanyo ji, mago ma ok dwar jowadgi mago ok nyal mi urdini bende ok ginyal rito eklisia ka omiye to obiro ketho go eklisia, adagi jok makamago, Jopolo bende odagi. 51 Yawa onge ng'ama nyalo chamo ring'o motow, ng'ato ka ng'ato dwaro mana chamo ring'o mangima. 52 Jopate kod Bishobe mondo giwe sero nyiri ma gidak godo e eklisia. Mond ji bende giwe chuth, Nyasaye okuong'o. Wasister duto mondo gibed ka gidimbore but jopadri. 53 Kamoro amora ma Padri nitie ok adwar sister malemo wach alema. Ofuwo bende mano jachode andhoga mamirieri. 54 Adwaro luor ok adwar wang' teko to ka diponi chode ema morou ahinya to Nyasaye owuon ema biro makou e lum kata e uteu kuonde muchodoe go. Kata in mana brother to ka ichodo ahinya idhi mana e mach to chiegi to dhie polo. 55 Oganda Susana gini negitiyo maber ahinya nyaka chop thogi gidhie polo kendo ne gionge gi weche mag tuomo wich, kata oganda gi Juliana gi Masliana gin bende negitiyo maber nyaka chop thogi ma gin bende gidhie polo. 56 To oganda ma sanigi osiko mana gi tuomo wich lilo to ng'ama notim maber maonge gi weche mag tuomo wich to nobed jahawi. 57 Ruodhwa nopuonjo weche mang'eny kendo nowacho ni maricho duto ok romre moko dongo to moko tindo. Aweyou g imago kende. Nyasaye mae polo mondo oritu ogwedhu, okonyu kendo obed kodu manyaka chieng' higini gi higini Amen.

58 Chik ma an go gin manok; Ka ng'ato ohero cha chiewo ni ka itame to otho, ok aweye mondo omadhi makata koro lewo chunye kuro to ok obadha. An ok ayawo ni mondo ng'ato omadh cha chiewo, an chak mopuo ema ayawo ni mondo omadhi; Ngeche ni ayawoni mondo ng'ato onyuom mana dhako achiel kende...ema ayawo.
59 An ka apuonji to itamo wang'a to aweyi ne Nyasaye. Ka ng'ato gombo chuny dhiang' to lazima nyaka obang'. gima dang' alar kodu ok aneno.
60 Legion Maria an ema nakelo kenda - ang'at achiel..... to Maria kod Yesu ema ne omiyago. To nene onyisa ni kik aduwra kode. Omiyo jomomedo mon gichak chon gi dhiye kong'o. Kaka gidagano e kaka an bende adaggi, wuora okuong'ogi nikuop gin giriek. Jomofuwo kik gimed mon, gibed abeda kamano ginie joga. Jomomedo mon onge thuolo mar chamo Sacrament.
61 Joma yande gombo dok e kong'o kawuono ayawonu.... kata gichak chon godog ir Maria Tinga. Joma omedo mon chakuru chon uriembgi kapok akuong'ou.
62 Jotelo chikuru wach tir, weche migadho to ok adwar, kaka awinjo uwacho ni ayawo nyombo. Ee nyombo to ayawo adieri, to kaka ayawe en e ma; Ayawo ni ka ng'ato en misumba to oneno ka ringre oloye, to onego onyombi moloyo ketho Kanisa. Ero mor to wamor ni oyawnwa nyuomo mon mang'eny, to kara wamor kayiem....to kar donjo to onge. Kata mana an be amor ni oyawna to kara polo olororena; un to ero un maber nikech unudonj adonja maonge wach moro. Mak mana an ema ok nadonji.

63 Cardinache kod Papa, Bishobe, Pate, Mathe, luoruok ema ber, beduru ma oluorore. Nyasaye nyalo ooma to un onego ubed mana kod luor. Nikech ka uluorore eka Nyasaye nyalo gwedhou kendo ndalou nyalo medore e pinyni. ok adwar winjoni ugoyo koko, ok adwar akwede, Nyasaye ok dwar akwede.
64 Piny polo awuothoe duto to ok anene akwede – Ji duto oherore te kendo onge dhako kod dichwo. To pinywa kae Nyasaye oyienwa mondo wakendi dhako achiel kende iriwogo matrimonio to ok mon mang'eny kata ang'wen kaka aneno jomoko kendogini. Jo-Luo kik ukwed kabila moko.
65 Wanyalo wacho ni waherore to kara ok waherore nikech jomoko Jogwuondo, Jomirima, Jochode; koro ere kaka wanyalo wuondore ni waherore? Yesu nene owuotho kod Elias to nene onyiso Elias ni mondo obed jarit nyithinde.
66 Puonj ataro ok adwar, wapuonjo nyithindo ataro, nyithindo bende omako mana wechewa marichogo. Ka inyuolo nyathi puonje mana puonj maber, to ka ineno ni ok in ng'at makare to leng'ri kode thenge mondo itim timni marichogo to ok e nyim nyithindogo. Puonjo tir ber moloyo.
67 Wiwu owil kod puonj Yesu mane puonjo kowachoni "Herreuru kaka aherou” Adwaro mondo uriwre achiel...minwa en achiel.
68 Ng'ama kelo piem e Kanisa en ng'ama Jajuok, makata owuondore ni olemo to ok en dhano maber. Chike mag mudho ok adwar. Jowadwa bende ung'eyo ni gik mautimo gin gik ma chieng' ok rienyie. Chik ber miketo to buk bende irango. Chik miketo ka ok......

69 Unena ka anyiero to ugalo ni amor. Awijno marach, ok abi pandou. Un uling' aling'a to ok unyal para kod cham. uranga aranga to kech to nega. An adwaro chiemo to ka rita otamou to mano wachu. Paruru ane wach..ni kuonde mane asenyono kod tienda kik ulokgi puothe.
70 Ok ber ka Jatelo ywago chiemo to nyithinde to nitie. Omiyo parruru wechego awinjo ka chunya dwaro ool; bel, oduma, kal daber daukelona cham akonyora godo. Kiye an godo mang'eny thagore kech kayo to onge ng'ama dew to un to uchiemo e uteu uyieng' ayieng'a.
71 Jogagi ka uwito muweyogi to githo athoya kech. To ka an jatendu da ufwenyo rieko ukanona pesa e Bank, maka kech dawaro kaya to koro jotelo maluwa ema gineno ni wagol pesa adi mondo wami jotije mondo okonye korka chiemo. Koro inyalo golo kata Shs. 4000/- to irundo godo chiemo. An ng'ama maduong' ka ywago kech sache duto, koda kiye ma an godo. Aywago mana iya.
72 Kata mana Jatelo maduong' nyalo biro kae to riyo mana kech nikuop chiemo onge e store. Jatelo marwa machalo Papa kod Cardnache mage nyalo ywago kech to nyithindo to nitie. Kata mana Bishobewagi kech kayogi malich to mano ok ber nyithindwa, Jotendwagi tho athoya kech to wichkuot ema omonogi nyisou; anto wiya ok nyal kuot hulonu.
73 Ng'ama iluongo ni Ja-Legion Maria of Africa mondo opar maber mar konyo Kanisani kod chiemo ma Jo kresto ma ok nyal golo chiwo mar Kanisa, moloyo ochak chon odhi eode obed piny oling'thi.

74 Wach motelo ng'euru ni an ok an dhand pesa. Asetiyo ne pesa kuonde mang'eny, ka ok utang' to kanisaugi thuonde ema biro dakie. Thuonde mane onego Jo-Israel chiegini.
75 Adwaro ugerie office mar Legion Maria kod kama iyaloe joma oketho, kamoro achiel mondo agwedhnu, eka unuger moko bang'e. Kanise duto mag Legion Maria mane asenyono adwaro ni mabati orienyie duto tendeng. Keturu paro achiel mar gedo. Nitie jomoko e iye kaeri mawuondore ni jomuya to monde ji to ok gine gi wang'gi. Kidwaro gero od kidi to giwacho ni Baba odagi, kidwaro gero ot motegno to ni Baba odagi; gin ema gi ketho it ji.
76 Jo-Legion Maria of Africa ero abiro dhiye got Kalafare to adhi betie ang'o? Koso adhi betie ute chuo wetena mwalo? An adwaro mondo uger udi e wi Got Kalafare mag kite mabeyo ahinya. Adwawro ni mondo uger ute lamo Nyasaye mabeyo marieny......to rieko mar tich ema otamowa. Gedo ema adwaro, Kanisa motegno, ute jotelo, mar Papa, Cardnache Bishobe, Pate kod mar Mathe motegno. Choche adwaro mag simiti miloro kod thigo.
77 Kweruru joma puonjo ataro. Bishobe majomiriambo ma puonjo ataro gin kata weche gedo ok gidew. An ema upiem koda to gedo anyisou pile to ok uwinji. Uwuonda ka unindona piny to kara en mana nindo mar miriambo, omiyo adagi wachu. Nyaka nyocha uchak bedo e Legion Maria usetimo ang'o? Mondi kata od Mutokana ema onge, dhou ema upiago ni miriambo.
78 Udagi gedo to bang'e chieng' unudogie. Kech gini uweyo kaya to ayany bende uroma godo...kata e wang'a ukuodha to awinjo. Legion Maria nene odonje piny chon ma dikoro wase gero udi mabeyo mag Kanisa. Maskinde thagore to ni wan Jotelo ma modho moo kende ema wang'eyo. Omiyo Cardinache, Bishobe, Pate, Mathe an kodu gi bura mapek kata ok an Nyasaye kamano. Adwaro nimondo upur puothe mang'eny mag Kanisa makonyo Jodolo, weg puothe bende omedwa lowo malach kuonde Kanise.

79 (1) Romanu Ong'ombe Ligati. (2) Silvester kweto. (3) Raphael Abala. (4) Johannes Baru. (5) Girphas Wayoga. (6) Cancius Okumu. (7) Raphael Omenda. (8) Ernest Nyamwanga. (9) Lukas Owino. (10) Agustino Riko. (11) Andrea Odundo. (12) Johannes Wakori. (13) Martin Were Ong'ech. (14) Omino Jakisumo.

80 Bang' wiro jogi jomoko kuomgi nene Baba omiyo tije mopogore opogore, Rapheal Abal gi Romanus Ongombe nene oketo obedo Jo-kwath. Silvester Okweto ne omi Roho mane yiero jok mane imiyo Urudini kendo en ema ne okoro weche kod loko lek. 81 Ndalono urudin mane ochiw ne ok owirji kod moo matakatifu ne en mana pii kod olawo ema ne ichiwo go urudini. Jodolo mokuongo ne onge kod Missal matinde wan godogi, gin ne gisomo misa kod bug lemo matin mar dholuo . 82 To jogo manene opuonjogi somo misa ne gin kaka Oduor, Michael Ojwando, to kod Father moro mane owuokie Catholic maja Kalenjin ma ne iluongo ni Fr. Johannes ne obiro kod gige duto mag lemo gin e jogo mane onyisoji kaka itimo misa, to japuonj maduong' ne Roho Matakatifu ema ne miyo ji mako lemo mapiyo piyo.
83 Endalo mokuongono joma Mine bende nene owir obedo mathe motimo misa kaka Gaudesia Aoko nyar Obala, Mother Winga, Mother Maria mane nyar Ugenya to kod mine moko ariyo mane owuok Tanzania to bang'e to Baba nene ochungogi nikech tuo margi ma kawaida mar joma mon mar dhi malo. 84 Ka in Kalafare inyalo winjo ka kamoro iluongo ni okuong' ne ochaki nying'no kaluwore kod gima ne otimore kanyo. Nenitie Ng'ato moro mane wiye rach, jali nene obiro ma omonjo ji saa lemo ka en duk thiring'inyi koting'o tong' odwa chuowogo ji, koro kanyo ema ne Baba okuong'oe jachiend jalo to kendo ne okuong'o ni ngat mamadho ndawa ok nokal kanyo. 85 Endalono bende ema Anjilina jaod tieng'o kod Archbishop Siprianus Ochieng ne Roho omako kendo nene oketo ji owang'o pesa Kalafare ka gi wacho nipesa jachien not mar shs. 5/- ne owang'e Got Kalafare.

86 Endalono ema ne Baba opuonje wach deg akeyo kod ngero kowachoniya:- "chieng' moro nene oyudo akalo e bath gunda moro napoka awanjo ka mon moko wuoyo, achiel wachone nyawadgi ni, 'nyawasaki, miya a lot dek mara orumo'. 87 Ka ne achopo machiegni kanyo naparo ni mano pacho ma ji odakie to ne ok aneno ot kata ng'ato achiel to piny ne osebedo otieno ne achando kama adonje, ma anindo mana ewi yien. 88 Kochopo kinyne ne arango kanyo ka daneye joma ne wuoyo kande to ne ok aneno ng'ato, kare ne en mana gunda ma ji ne osedarie. Mano ema omiyo wan Jo-legion ok wacham deg gunda.