Katekism Gi Sakrament

Nyasaye emanochweya, emoketa e piny.

Nyasaye en chuny makare, en jachwech polo gi piny, en ruodh gikmoko duto.

Nyasaye eniye piny, eniye polo, en kuonde duto.

Ee, Nyasaye ong'eyo gikmoko duto kendo onenogi; parwa duto bende Nyasaye ong'eyo.

Gi mamonowa neno Nyasaye, nimar en Chuny nono. Oonge ringruok.

Nyasaye oonge kar kwongone.

Oyo. Nyasaye ok norum.

Nyasaye nokwongo chweyo Malaika.

Malaika gin chuny nono, gionge ringruok.

Nyasaye nocheyo Malaika duro ka gibeyo bang'e Malaika moko nopiem gi Nyasaye, emanomiyo Nyasaye owitogi e mach maoktho.

Malaika manopiem gi Nyasaye, iluongogi ni jochiende.

Jochiende ok oherowa, gimon kodwa ahinya; kendo ndalo duto gin butwa kagitemowa.

Malaika mane ok opiem gi Nyasaye, iluongogi ni: Malaika mabeyo kata 'Malaika' kende.

Ee, Malaika mabeyo oherowa ahinya, kendo ji duto nwang'o Malaika achiel achiel,tichgi rito ji kendo nyisogi tim mabeyo.

Nyasaye, k'osechweyo Malaika, nochweyo gikmoko duto mwaneno, bang'e, nochweyo ji.

Nyasaye nokwongo chweyo ji ariyo: Adam gi Eva.

Ji duto gia kuom Adam gi Eva.

Nyasaye nochweyoWa duto, nimondo wang'eye, wahere, watine epinyka, kendo nimondo wapwoe i polo higini gi higini.

Polo en karbet mar ji mabeyo ku ma ginenee Nyasaye, ka ma giheree ahinya, ku ma gimoriye kode higini duto.

Kwadwaro dhi e polo, nyaka wamak Buche Nyasaye.

1. 1. Ilam Nyasaye achiel kende ihere ahinya.
2. 2. Kik ikuong'ri kayiem gi nying Nyasaye.
3. 3. Los chieng' Nyasaye.
4. 4. Luor wuoru gi meru.
5. 5. Kiki ineki.
6. 6. Kik iwuow.
7. 7. Kik ikwal.
8. 8. Kik ihang wadu; kik iriambne.
9. 9. Kik igomb chi ng'ato.
10. 10. Kik igomb gir ng'ato.

Oyo, ok giromowa mako to onego wamak buche ji monwanng'o duong' kuom Nyasaye bende. Ka ruodhwa, ka wuonewa, ka jowetewa, kendo ka jodongwa.

Bura mokwongo; "Ilam Nyasaye achiel kende ihere ahinya." Oyalonwa miyo Nyasaye duong' mar Jachwech, tiyone maber, kendo here moloyo gikmoko duto.

Wamiyo Nyasaye duong'ne mar jachwech kwayiee. kwageno kuome, kwakwaye kajachwechwa, ka Ruodhwa, kajaduong'wa adieri.

Watiyo ni Nyasaye kwamako buchene maber.

Wahero Nyasaye moloyo gikmoko duto, kwahero gikmoko duto ma Nyasaye ohero kwajok kod gikmoko duto ma Nyasaye ojokgo.

Bura mokwongo okwerowa lamo gikmoko duto ma ok Nyasaye, dhii ajuoke, lamo chieng' gi iro ji.

Bura mokwongo okwerowa ketho gi Nyasaye kendo okwerowa hango Nyasaye kuom tim moko ma ok onyal timo.

Bura mar ariyo: "Kik ikuong'ri gi nying Nyasaye." Okwerowa kuong'ruok mar ayiem gi Nying Nyasaye, yanyo nyinge, kendo okwerowa gombo nwanng'o marach kata gombo ni ng'ato nwang'o marach.

Bura maradek: "Los chieng' Nyasaye." Oyalonwa kwayo Nyasaye kendo weyo tich matek gi chieng' Dominika.

Waweyo tich matek e chieng' Dominika, nimar en ndalo mar lemo, mar nwang'o sakrament, kendo mar loso chunywa maber.

Bura mar ang'wen: "Luor wuoru gi meru." Oyalonwa luoro wuonewa, gi minewa gi jodongwa gi Luor mowinjogi, kendo oyalonwa herogi, winjo wachgi, konyogi ka gichandore, to kony moloyo wakonygi ka giseti.

Bura marang'wen oyalo ni jonywol pidho nyithindgi, puonjogi, sandogi ka giketho, kendo okwerogi timo maricho nyimgi.

Bura marabich: "Kik ineki." Okwerowa nego ji kayiem, okwerowa ketho ringre ji kata chuny ji kayiem.

Bura mar auchiel: "Kik iwuow." Okwerowa timo tim duto mochidore, kendo okwerowa timo tim duto manyalo miyo waketh burano.

Gik mamiyo waketho Bura marauchiel gin emagi: miel, mer, nyasore, tugo maricho, bayo abaya.

Bura marabiniyo; "Kik ikwal." Okwerowa kwalo kata yako kata ketho gi ng'ato.

Kwadwaro dhi e polo, nyaka wamak Buche Nyasaye.

Bura mar abiriyo ayalonwa dwoko gik mwakwalo kuom wuon, kendo oyalonwa chulo gopwa.

Bura mar aboro: "Kik ihang wadu; kik irambne." Okwerowa wacho miriambo, hango ng'ato, owo ni ng'ato wach kayiem, kendo jigo ng'ato kayiem.

Bura mar ongachiel: "Kik igomb chi ng'ato." Okwerowa paro kata gombo tim duto mochidore.

Bura mar apar: "Kiki igomb gir ng'ato." Okwerowa gombo kwalo kata gombo ketho gir ng'ato.

ng'ato m'ketho buch Nyasaye, k'ng'eyo, otimo marach.

Oyo, maricho duto ok romre, moko dongo, moko tindo.

Maricho madongo iluongogi ni maricho mag tho.

Maricho madongo iluongogi ni maricho mag tho nimar ginego chunywa, ka girwenyonwa nema malero chuny.

Watimo marach mar tho, kwaketho gimoro maduong' kwang'eyo ka duong' kendo kwayie chuth e chunvwa marach m‟watimono.

Marach mar tho otimowa wasik Nyasaye gi misumb jachien.

Maricho matindo iluongi ni maricho mag ng'wono.

Nyasaye en achiel kende.

Kuom Nyasaye achiel, Keche gin adek: Wuon gi Wuowi gi Chuny Matakatifu.

Ee, Wuon en Nyasaye.

Ee, Wuowi en Nyasaye.

Ee, Chuny Matakatifu en Nyasaye.

Marach matin iluongo ni marach mar ng'wono, nikech ng'wono Nyasaye em'ogolonwa marachno piyo.

Marach mar ng'wono osweko hera Nyasaye e chunywa, kendo osweko teko mar mako buch Nyasaye maber.

Nyasaye sando ji motho gi marach mar tho e mach maoktho.

Mach maoktho en karbet chandruok duto, kumisande jo maricho higini duto kanyakachiel gi jochiende.

Nyasaye sandoji motho gi marach mar ng'wono e purgatory.

Purgatori en kar bet: chunyji kumisandogie nyaka chopi ka gitieko chulo gop marichogi.

Ji manokwongo ketho ne gin Adam gi Eva, chieng mane gichamo olemo, mane Nyasaye okwerogi.

Ee, Nyasaye osandowa duto nikech marach Adam. Waduto inywolowa gi marach Adam, waduto to mana Bikira Maria Mtakatifu kende emane ok onywol gi marach Adam.

Bura mar ongachiel: "Kik igomb chi ng'ato." Okwerowa paro kata gombo tim duto mochidore.

Marach Adam nokethonwa hera Nyasaye gi ngima ma ni e polo; kendo okelonwa chandruok duto mar chunywa kendo mar ringrewa.

Marachno iluongo ni: Marach mar Kodhi.

Ee, Nyasaye notimo ng'wono gi ji: nochikogi kelo Jawar.

Jawar en Wuod Nyasaye.

Ee, Nyasaye ni gi Wuowi, en Nyasaye marom gi Wuon mare.

Ooyo. Keche kende gin adek, to Kechego en Nyasaye achiel, en Didek Matakatifu.

Nyasaye Wuowi, ker Mar ariyo mar Didek Matakatifu emanowarowa, ka nodoko dhano.

Wuod Nyasaye manodoko dhano nyingine: Jesus Kristus.

Timruok dhano, ngeche niya: Nyasaye Wuowi nonwang'o ringruok. "Wach" en wuod Nyasaye "nodoko dhano"

Nyasaye Wuowi nodoko dhano, nimondo owarwa kuom maricho gi mach maoktho, kendo nimondo onyiswa yor polo.

Nema en mich mar chunywa ma Nyasaye miyowa amiya mondo wadonj e polo.

Nema ipogo ariyo: nema malero chuny gi nema mar timo.

Nema malero chuny en nema ma Nyasaye miyowa matimowa nyithinde mohero kendo mowinjore donjo e polo.

Nema mar timo en nema ma Nyasaye miyowa makelonwa teko mar timo tim mabeyo kendo mar weyo tim maricho.

Nema malero chuny wanwang'o kuom Sacrament mar Ukarestia.

Nema mar timo wanwang'o kuom lemowa kendo kuom timwa mabeyo.

Ooyo. Nyasaye ok otwonowa nema, kwakwaye.

Lemo en tero chunywa kuom Nyasaye, kwamiye duong'ne, kwagoyone erokamano kendo kwakwaye gik mabeyo mag chunywa kendo gi mag ringerwa mwadwaro.

Lemo moloyo lemo duto gi duong'en lemo mar "Wuonwa".

Momiyo lemo mar Wuonwa" oloyo lemo duto gi duong'nimar Ruodhwa Jesus Kristus emanopuonjo lemono owuon.

Wuonwa ma i polo - Nyingi oluor Pinyi obi, kaka idwaro otimre e piny kaka i polo – Imiwa tinde chimbwa mapilipile -iwenwa marichowa kaka waweyo niji matimonwa marach kik iterwa kar tern -to iwarwa ka marach Amen.

Ee, ber ahinya kwayo Bikira Maria Mtakatifu gi Jotakatifu, nimar ginyalo nwang'onwa gikmoko mwadwaro kuom Nyasaye.

Misawa Maria -ipong'gi nema - Ruoth obet kodi -Ijahawi kuom mon -gi Jesus Nyathi mar iyi jahawi - Maria Matakatifu –Min Nyasaye -lkwanwae wajoketho -kawuono gi kar thowa. Amen.

Sakrament en ranyisi mone, mar nema maok ne, mane Ruodbwa Jesus Kristus oketo, mamiyowa nema e chunywa.

Ee. sakrament miyoji duto nema, manwang „o sakrament ka chunygi oikore.

Sakrament onwangó teko mar miyo ji nema kuom sand Ruodhwa gi thone.

Ee, onego waher ahinya nwang'o sacrament nimar gikelonwa nema e chunywa.

Ee, sakrament mar baptisim kendo mar konfirmasio kendo mar ordini ema keto mbala e chuny dhano.

Mbalano ma sakrament oketo e chuny dhano en kido mosiko, maokrum e chuny dhano; emomiyo sakramentgo wanwang'o mana dichiel kende.

Sakrament duto gin abiriyo; Baptisim, Konfirmasio, Ukaristia, Pentensia, Unksio Machien, Ordin gi Matrimonio.

Sakrament duto ipogo tieng'ariyo; nitiye sakrament mag jomotho; gin Baptisim gi Pentensia. Nitie sakrament mag jomangima, gin Konfirmasio,Ukaristia, Unksio machien, Ordini gi Matrimonio.

Sakrament mag jomotho ngeche niya; ng'at ma chunye otho gi marach moro nyalo nwang'o sakramentgo.

Baptisim iluongo ni sakrament mar jomotho nimar ohango miyowa nema malero chuny, mane podi waongego.

Pentensia iluongo ni sakrament mar jomotho nimar oduokonwa nema malero chuny, koserwenyonwa kuom maricho madongo.

Sakrament mag jomangima ngechgi niya; ji ma chunygi ngima gi nema nyalo nwang'o sakramentgi.

Sakrilego, en chayo ng'at moro, kata gimoro, kata kamoro, moyang ni Nyasaye.

Baptism en sakrament magolo marach mar kodhi gi maricho duto mane watimo, ka podi kawanwang'o Baptism, kendo otimowa nyithind nyasaye gi nyithind Eklisia.

ng'ato monwang'o baptism odoko nyathi Nyasaye kinywole nyadiriyo konwang'o nema malero chuny.

ng'ato monwango baptisim odoko nyathi Ekiisia koriwe goganda mar jokristus miluong ni Ekilisia, konyalo nwang'o gik mabeyo mag chunye mane Kristu oweyo ni Eklisia.

Miyo ji baptisim tich padri; to ji duto nyalo miyo ng'ato baptisim, ma tho ohingo ka padri onge.

ng'ato konwang'o baptisim ochikore kodi Nyasaye kwero jachien gi tichne duto gi chikne duto.

Ooyo, ng'a ma podi ok onwang'o baptisim ok onyal dhi e polo.

Ngato mapodi konwang'o baptisim ma the ohingo maonge ng'a mamiye baptisim, mondo ogomb ahinya nwang'o baptisim, okwer marichone mani e chunye, oher Nyasaye.

Ooyo, nyathi matin gi ng'at maduong'ok giromore nwang'o Baptisim. Nyathi matin onwang o baptism anwang'a nimar podi okiya gi motimo to ngat maduong'onwang'o baptism koselosore.

ng'a maduong' kodwaro tho alose kamae: Ahulne niya Nyasaye en achiel, osando jomaricho, okwoyo jomabeyo. Ahulne niya: kuom Nyasaye achiel nitiye keche adek; Nyasaye Wuon, gi Nyasaye Wuowi, gi Nyasaye chuny Matakatifu. Ahulne niya Wuod Nyasaye en Jesus Kristus, nodoko dhano, nothonwa ni mondo owarwa. Kanwang'o koyie wechego, kojok gi marichone, koyieni kosekwo, nopuonjre wach dini, eka amiye baptisim.

Ka ng'ato onwang'o baptisim, ichake nying Jatakatifu moro nimondo jatakatifuno odoki jaritne, kendo mond jakristusno oluw bang'e otim kaka jatakatifuno notimo e piny chon.

ng'at monywolo nyathi moro e baptisim onwang'o tich mar ng'iyo nyathineno kendo tich konye mako wach dini.

Konfirmasio en sakrament mamiyowa Chuny Matakatifu gi gige mabeyo duto, kendo otimowa jokristus matek gi makare gi joaskach Jesus Kristus.

Miyo ji konfirmasio tich jabishop.

Ee, konfirmasio en sacráment maduong' ahinya momiyo papa osegolo bura mochiwogo ni jopadri nyalo mar miyo ng'ato konfirmasio kohewore, ka ng'atno pok nonwang'o sacrament mar konfirmasio.

Jabiskop miyo ji konfirmasio kokwayo chuny matakatifu mondo olor ni ji mabiro nwang'o konfirmasio, koketo lwete e wigi, kotimonigi ranyisi mar musalaba kojiwogi gi krisma mar kwo e patwang'gi kowacho weche mag konfirmasio.

Jabiskop komiyo jakristus konfirmasio, owach niya; aketo kuomi ranyisi mar musalaba, ajiwi gi krisma mar kwo, enying Wuon gi Wuowi, gi Chuny Matakatifu kendo opado lemb jakristus gi lwete mos.

Jakrisus madwaro nwang'o konfirmasio, kik obedi gi marach mar tho echunye kendo mondo ogomb ahinya nwang'o sacramentno.

Ooyo, ng'a monwang'o konfirmasio kobet gi marach mar tho echunye, ok onwang'o nemane kendo otimo sakrilego.

Ukaristia en sacrament mantiye adieri Ruodhwa gi ringer gi rembe gi chunye gi nyasache; epiny kit makati kendo epiny kit difai.

Kuom sacrament duto Ukaristia emologi duto gi duong'.

Gimomiyo sacrament mar ukaristia oloyo sacrament duto gi duong' nimar e sacramentno wanwang'oe Ruodhwa owuon.

Ruodhwa notimo sakrament mar ukaristia tich ang'wen matakatifu, nonindo achiel notho.

Gimomiyo Ruodhwa otimo sakrament mar ukaristia nimar nodwaro bet kodwa nyaka chopi giko piny, kodwaro golo liswache pilepile, kendo kodwaro doko chiemb chunywa.

Ruodhwa notimo sakrament mar ukaristia tich angwen matakatifu, kanosechamo nyarombo mar paska kod jootene, eka nokawo makati noloko ringre kowacho niya: Ma e ringra. Noa nokao difai,noloko rembe kowacho niya: ma e remba.

Ee ruodhwa nitiye duto epiny kit makati kendo epiny kit difai. Emomiyo jakristus konwang'o Hostia Matakatifu to onwang'o Ruodhwa owuon.

Nwang'o ukaristia iluongi ni nwang'o komnio matakatifu kata sudo bende.

Kadwaro sudo maber nyaka abed gi nema malero chuny, keado nyaka atwe nyaka a odiwuor tir.

Ee, ng'ato mosudo gi marach mar tho e chunye, otimo marach m‟iluongo ni sakrilego moloyo maricho duto gi rach.

Ooyo, ukarastia ok en sakrament kende en liswa bende.

Liswa en gima jadolo golo ni Nyasaye moyie ni Nyasaye en Wuon gik moko duto.

Ee, jokristus bende bet gi liswa ma padri ogolo miluongo ni Missa Matakatifu.

Ee, joote gi jopadri nenginwang'o teko mar golo ne Nyasaye liswa manyienno.

Joote gi jopadri negi nwang'o teko mar golo liswa mar Missa Mtakatifu tich ang'wen matakatifu kane Ruodhwa owacho ni jootene niya: Timuru kamano mondo uparago.

Missa Matakatifu en liswa ma ringre Ruodhwa gi rembe mantiye e wi altar piny kit makati gi piny kit difai. Padri emagolo ni Nyasaye nikech jomangima gi jomotho.

Makati gi difai gilokore ringre Ruodhwa gi rembe ka padri wacho weche mag konsekrasio edier Missa Matakatifu tir.

Weche mag konsekrasio gin emagi: Ma e ringra kendo ma e remba.

Ee, liswa mar Missa Mtakatifu gi liswa mar musalaba en achiel nimar ng'a mogolore kendo ng'a mogolo en achiel, en Jesus Kristus mogolore ni Wuon Mare e wi altar, ka padri somo Missa Mtakatifu.

Liswa mar missa mtakatifu igolo mar lamo Nyasaye, mar goyene erokamano, mar nwang'o golo mar maricho, kendo mar kwayo gik moko duto e nying Jesus Kristus.

Ee, Jesus Knistus nitiye adier e ekiesia, odak e tabernakel piny kit makati; emomiyo onego wadhi limo Eklesia tielo rnang'eny.

Pentensia en sacrament magolo maricho duto ma jakristus otimo.

Golo maricho tich Nyasaye.

Joote Ruodhwa gi jopadri ne ginwang'o teko mar golo maricho chieng'mane Ruodhwa okudho muche kuom joote, kanowacho nigi niya: nwang'uru Chuny Matakatifu, maricho mag ji ma nugolnigi, nogolnigi to maricho mag ji ma ok nugolnigi ok nogolnigi.

Padri ogolo mancho kowacho weche mag absolusio.

Weche mag absolusio gin e magi: an agolo ni marichoni e nying Wuon gi Wuowi gi Chuny Matakatifu. Amen.

Jakristus madwaro kwero mondo oti tich ang'wen, mondo odwar marichone, okwergi e chunye, ohulgi ni padri, ochulgi maber kaka wang' nolosne.

Kadwaro ng'eyo maber mariichona, mondo apar buche Nyasaye gi buche Ekiesia, achiel achiel, apar kaka naketho gi, adwar kar romb marichona, kendo ane kaka natiyo tichna mochika.

Ajok gi marichona ngeche ni maricho manatimo litna, emomiyo agombo weyogi chuth.

Kagombo weyo marichona chuth, onego akwa Nyasaye ekar tem, kendo onego apar ji duto kendo gi gik moko duto madwaro tera e maricho.

Ooyo, jakristus maok ojok gi marichoue Nyasaye ok ogolone.

Wanyalo jok gi marichowa kwakwayo Nyasaye mondo omiwa nema mar jok gi marichowa kendo kwaparo gik makelonwa tem.

Paro makelonwa jok gi marichowa nikech Nyasaye en ma: marichowa wayanyogo Nyasaye, ng'a maber ahinya moherowa ahinya.

Paro makelonwa jok gin marichowa nikech Ruodhwa en ma: Ruodlhwa notho nikwop marichowa, momiyo ng'ato kotimo marach mar tho, oguro Ruodhwa nyadiriyo, kochaye.

Kwero makare ngeche niya; Ijok gi marichoni nimar iyanyogo Nyasaye, ng'a maber ahinya.

Kwero moromo nono ngeche ni ijok gi marichoni nimar iluoro sand ma Nyasaye sandogo jomaricho, kiriwo gi hera mar Nyasaye.

Kwero makare ogolonwa marichowa kapodi kwanwango Pentensia: To buch hulo marichowa madongo omakowa kwadhi nwang'o sakrament mar Pentensia.

Hulo maricho ngeche niya; hulo marichoni ni padre mane jabishop oketo e tichno.

ng'a mopando marach mar tho kamano, nyaka owe sudo, to mondo ohul ni padre marachneno kodhi kwero, onyisi padri kaka nopando marach maduong'.

Chulo en tim moro kata lemo moro ma padri onyisa machulogo marichona.

Ooyo, chulo ma padri omiyowa ok rom gi gop marichwowa duto, wanyalo medo lemo moko mwachulogo marichowa kendo watem nwang'o Induljensia.

Induijensia en gir Ekiesia magolo gop marichwa, ka marichowa giwegi osegolnwa.

Teko mar miyowa induijensia Eklesia onwang'o kuom wach Ruodhwa, mano wacho niya: gik moko duto ma unugony e piny, nogony e polo bende.

Jakristus madwaro nwang'o induijensia mondo oket chunye kuom nwang'o induljensia, oter lemo duto kata otim tim duto monyalo nwang'ogo induijensia modwaro, kendo mondo obedi gi nema malero chuny.

Ooyo, ng'ama bet gi marach mar tho e chunye, ok onyal nwang'o Induljensia.

Induijensia ipogo ariyo: Nitiye Induljensia magolo marichowa duto; nitiye Induljensia magolo gop marichowa matin.

Ee, nitiye induljensia moko mwanyalo konyogo chuny machandore e pugratori, to papa emohulogi.

Unksio machien en wiro jomatuwo gi mo matakatifu moriw gi lemo.

ng'a mowinj ore nwang'o unksio machien en ng'at matuo matek ema nwang'o Unksio machien.

Unksio machien omiyowa teko mar tuo maber, kendo ogolo marichowa kendo okwoyowa ka Nyasaye neno ka ngima bernwa.

Kitabu matakatifu owacho kuom unksio machien niya: kanitiye ng'ato kuomu matuwo, mondo oluong jodoug Eklisia, mondo gikwane, mondo giwire gi mo matakatifu e nying Ruoth, lemo mar yie nokwo ng'a matuwo; Ruoth nochiere; kendo ka en gi maricho nogolnegi.

Jokristus mondo giom padri ka gineno ng'a matuwo kodwaro tho; giwe budho ahinya.

Ordini en sakrament matimo jobishop gi jopadri gi ji moko matiyo ni Eklesia.

Jabiskop kende emanyalo miyo ji sakrament mar ordini.

Ooyo, ji duto oknyal nwang' o sakrament mar ordini to mana ji ma Nyasaye oyiero kende.

Jokristus mondo gimi jopadri duong'gi mondo giluorgi kendo gihergi, mondo giwinj wachji.

Matrimonio en sakrament malero chik kendruok mar jokristus kendo omiyogi nema ma gidwaro ka ginwang'o sakramentno ka chunygi oikore.

Ji monwang'o sakramentno ka chunygi oikore kendruokno oloyo miyogi nema mar konyruok mar herruok, mar nano ni chik kendruok kendo mar pidho nyithindgi maber.

Ee, ng'at monwang'o Matrimonio gi marach mar tho e chunye, kata konwang'o matrimonio kochayo jodong Eklesia, otimo sakriLego: Ji monwang'o Matrimonio kamano, ok ginwang'o hap Nyasaye kendo gimiyo Nyasaye kwiny kodgi.

Ooyo, ng'at mapodi konwang'o baptisim ok owinjore nwang'o matrimonio.

Ee, jakristus motemo kendo ng'a mosenwang'o baptism mar dini moro, oketho nimar Ekiesia okwero timo kamano.

Ee, Eklesia okwero jakristus kendo wadgi.

Ooyo, dhano ok nyal ketho chik kendruok nimar Kristus nowacho niya: Ero gima Nyasaye oseriwo kik dhano pogi.

Ee, onego wawinj jodong e ekiesia nimar Jesus nowacho ni jodong Ekiesia niya: ng'a mowinjou ema owinja, ng'a mochayou ema ochaya.

Buche eklesia gin auchiel:

1. 1. Los dominika duto gi sewini madongo mowachi, kiwinjo misa kendo kiweyo tich matek.
2. 2. Twe ndalo mar tweyo kik icham ringo ndalo ma eklesia okwerowa.
3. 3. Nwang'o sakrament mar pentensia ka pok itieko higa.
4. 4. Nwang'o sakrament mar Ukaristia ndalo mar paska ka pok itieko higa.
5. 5. Kony jopadri kichiwonigi kuom gigi.
6. 6. Kik inyuom nyotu; kendo kik ited sap nyombo maduong' ndalo ma ekiesia okwerowa.

Bura mokuongo oyalonwa loso chieng' domnika, kata sawo maduong', kwawinjo misa kendo kaweyo tich matek.

Sewini madongo marom gi domnika gin ang'wen; Noel, Assensio, Assumsio gi sap jotakatifu duto.

Ee, ka ng'ato otimo samwoyo ka ok owinjo missa chieng' domnika kata e sawo moro maduong' otimo marach mar tho.

Ee, jonyuol gi jodongo mondo ging'i ni nyithindgi odhi winjo missa dominika gi sewini madongo.

Bura mar ariyo oyalonwa tweyo ndalo mag tweyo, weyo ringo ndalo ma Ekiesia okwerowa.

Ndalo mar tweyo en ndalo mwadenyee, kwayieng' dichiel kende.

Ndalo mag tweyo maduong' gin ndalo piero ang'wen nyim Paska.

Ndalo mag tweyo gi mag kwero ringo gin ich adek mar buru, tich abich duto, ndalo duto mag tweyo maduong' gi vijili mar Noel.

Eklesia ogolonwa buch tweyo gi buch kwero ring'o ni mondo wa sand ringrewa, mondo wachul marichowa.

Bura mar adek oyalonwa nwang'o sakrament mar pentensia, kapodi kwatieko dweye apar gariyo maok wanwang'ogo.

Nyithindo oromo nwang'o pentensia ka giseng'eyo pogo mabeyo gi maricho.

Bura mar ang'wen oyalonwa nwang'o sacrament mar Ukaristia kar paska ka podi kwatieko higa achiel.

Jakristus ohango nwang'o sakrament mar Ukaristia ka ong'eyo wach Sakramentno.

Bura mar abich oyalonwa konyo jopadri kwapogo kodgi giwa.

Wakonyo jopadri gi giwa nimar oweyo dalagi gi jowetegi duto kendo ochiwore ni Nyasaye mondo oti ni ji e yor dini kende. Mano e momiyo ochuno joknistus mondo gikonye gi gikgi, mondo padri odag maber kendo obed gi teko mat timo tichne maber.

Bura mar auchiel oyalonwa niya; kik wanyuom nyotwa, kata kik watedi sap nyombo maduong' ndalo ma Ekiesia okwerowa.

Ndalo ma Ekiesia okwerowa tedo sap nyombo maduong' gin ndalo mag Noel; kendo ndalo manyaka atich adek mar buru nyaka chopi paska