Lemo Motelo

E nying Wuon, gi Wuowi, gi Chuny Matakatifu. Amen.
A chuny matakatifu bi, donj e chunya lere, punja rieko mar ng'eyo wach Nyasaye. Kendo mia teko mar makogi maber. Nikech Kristus Ruodhwa. Amen.

Nyasacha, alami amiyi chunya, akwayi chieng' ma tinende mondo odoki maber ni chunya kendo maber ni ringra. Amen.
Nyasacha, agombo nwang'o induljensia duto m'anyalo nwang'o kuom lemona kendo kuom tichna ma tinende. Amen.

Malaika mar Ruoth nohulo ni Maria,
Nomako ich kuom Chuny Matakatifu.
   Misawa Maria...
Ero an misumba Ruoth,
Otimna kaka iwachono.
   Misawa Maria...
Wach nodoko dhano,
Nodak Kuomwa.
   Misawa Maria...
Ikwanwae min Nyasaye Matakatifu,
Mondo wadok jomowinjore nwang'o gik ma Kristus nochikowa.

Walem
Wakwayi Ruodhwa, mondo ilung' nemani e chunywa; kendo kaka Malaika nohulonwa timruok dhano mar Kristus Wuodi, mondo kamano nikech sandne gi musalape, wachop e duong' mar chier. Nikech Kristus nogo Ruodhwa. Amen.

Ayie, Nyasacha, In ka alami, aheri gi chunya duto. Agoyoni erokamano nimar in emanichweya, in emaniwara gi Wuodi m'ihero ahinya, niloka jakristus kendo agoyoni erokamano kuom nema duto mimiya. Kendo agoyoni erokamano nimar irita otieno.
Amiyi chunya, gi ringra, gi parona, gi wachna, gi tichna, gi chnruokna matinde. Ariwogi kanyakla achiel gi sand Jesus Kristus, Ruodhwa. Amiyi mago duto mapwoyigo kendo machuligo marichona. Adagi chuth ketho tinde to miya nemani nimar ok anyal timo gimoro k'aonge gi nemani.

Wuonwa ma i polo Nyigi oluor, pinyi obi, kaka idwaro mondo otimre e piny kaka timore e polo. Imiwa tinende chiembwa ma pilepile, iwenwa marichowa kaka waweyo ni ji matimonwa marach. Kiki iterwa kar tem, to iwarwa kama rach. Amen.

Misawa Maria ipong gi nema. Ijahawi kuom mon; gi Jesus nyathi mar iyi jahawi. Maria Matakatifu Min Nyasaye, Ikwanwae wan joketho, kawuono gi kar thowa. Amen.

Ayie Nyasaye Wuon manyalo gikmoko duto jachwech polo gi piny. Gi Jesus Kristus Wuode ma miderma, Ruodhwa. Manomak ichne kuom Chuny Matakatifu; Bikira Maria ema nonywole. Manosande kuom Pontius Pilato, manogure e musalaba, manotho. Manoyike, nolor e limbo, chieng' mar adek nochier kuom jomotho. Nodum odhi epolo, obet e lwedo ma kor achwich mar Nyasaye Wuon manyalo gikmoko duto. Kama noaye koduogi yalo jomangima gi jomotho.
Ayie Chuny Matakatifu, Eklesia Makatholik Matakatifu; riwruok mar jotakatifu, golo mar maricho, chier mar ringruok, gi ngima maokrum. Amen.

Nyasacha ayie chuth adier duto ma Eklesia Makatholik puonjowa, ni mar in iwuon emanielonigi, ma ok nyal wuondi, ma ok nyal wuondowa. Amen.

Nyasacha ageno kuomi chuth nikech Jesus Kristus. Inimia nemani e pinyka, gi ngima maokrum i polo k'amako buchi, nimar in emanichikowa, in eber ahinya, in minyalo gikmoko duto, in m'ichopo wachni. Amen

Nyasacha aheroi ahinya gi chunya duto, moloyo gikmoko duto, nimar iber ahinya, moher ahinya, kendo ahero ji duto kaka aherora awuon nikech in. Amen.

Nyasacha akwero marichona gi chunya duto nimar giyanyi kendo gikwinyi. Ajok gi marichona kendo akwerogi nimar aheroi gi nemani, achikora kodi kwero marichona, timo tim mabeyo, adwaro tho moloyo timo marach maduong' kata achiel. Amen.

Par Bikira Maria, moher ahinya ka nyakanene podi k'wawinjo ka nituono ng'a m'oringo obiro kuomi, mondo irite, m'okwayi mondo ikonye, m'odwari mondo ikwane. Em'omiyo ageno kuomi abiro kuomi. Achung' i nyimi k'akwero marichona. A min Jesus kik ituona gik m'akwayo, to mondo iwinja gi ng'wononi, iyie lemona. Amen.
A maria manochwe ka onge marach mar kodhi.
Ikwanwae wan m'waringo kuomi.

A Nyasaye maokrum jachwech gikmoko duto, mondo ipar ka chuny jokafiri gin twich lweti. In emanichweyogi ka kiti, ipar Jesus Kristus Wuodi manosandi malit, manotho mondo gikwo. Kik iyie jokafiri ochaye, to yie lemo ma Eklisia, Chiege Matakatifu ogoloni. Ipar ng'wononi. A Nyasaye wiyi mondo owil ka ok giyie, migi nema mondo giyie ka Nyasaye, Jesus Kristus, Wuodi manioro e piny mondo okwowa, omiwa ngima, ochierwa, kendo manowarowa e mach maoktho. Humbe obedie higini gi higini. Amen.

Nyasachwa, imiwa hapi kodi chiembwa bende m'wabiro nwang'o kuom ng'wononi. Nikech Kristus Ruodhwa. Amen.

Nyasachwa manyalo gikmoko duto, wagoyoni erokamano kuom chiemo duto m'imiyowa. Ng'a mobet kendo makwayo ji higini gi higini. Amen. Chuny jomoyie mondo oywe maber nikech ng'wono Nyasaye. Amen.

Ayie Nyasacha, In ka alami, aheri gi chunya duto kendo agoyoni erokamano nimar in emanichweya, in emaniwara gi Wuodi m'ihero. Niloka jakristus kendo agoyoni erokamano kuom nema duto ma nimiya, kendo agoyoni erokamano nimar irita chieng' matinde. Amen.

1. 1. Lam Nyasaye achiel kende, ihere ahinya.
2. 2. Kik ikuong'ri kayiem gi nying Nyasaye.
3. 3. Los chieng' Nyasaye.
4. 4. Luor wuoru gi meru.
5. 5. Kik ineki.
6. 6. Kik iwuow.
7. 7. Kik ikwal.
8. 8. Kik ihang ni wadu, kik iriambne.
9. 9. Kik igomb chi ng'ato.
10. 10. Kik igomb gir ng'ato.

1. 1. Los Dominika duto gi sewini madongo mowachi, k'iwinjo Missa kendo k'iweyo tich matek.
2. 2. Twe ndalo mar tweo, kik icham ring'o ndalo ma Eklesia okwerowa.
3. 3. Nwang' sakrament mar Pentensia ka pok itieko higa.
4. 4. Nwang' sakrament mar Ukarestia ndalo mar Paska ka pok itieko higa.
5. 5. Kony Jopadri k'ichiwonigi kuom gigi.
6. 6. Kik inywom nyotu kendo kik ited sap nyombo maduong' ndalo ma Eklesia okwerowa.

Duong' obedi ni Wuon, ni Wuowi, ni Chuny Matakatifu: Kaka nobet kar kwongo, kendo kawuono, kendo ndalo duto, higini gi higini. Amen

Nyasacha, akwayi yweyona m'adhi yweyogo mondo obedi maber ni chunya kendo maber ni ringra. Bikira Maria Matakatifu, Malaika ma jaritna, gi jotakatifu duto mai polo, mondo urita otienoni gi kar thona. Amen
Nying Jesus Kristus mondo opwoe ndalo duto! Higini gi higini. Amen